Amosi 1:1-15
1 Lawa i marito ya mina Amosi,* mun’we wa valusi va tinyempfu va le Tekowa,+ lawa ni nga byeliwa wona* hi ta Vayisrayele, ka nkama lowu a ku fuma Uziya+ hosi ya le Yuda ni ka nkama wa Yerobuwamu+ n’wana wa Yowaxi,+ hosi ya le Israyele; leswo swi yendleke ka malembe mambirhi na ku nge se va ni ku tsekatseka ka misava.+
2 Ni te:
“Yehovha a ta bonga ku fana ni nghonyama na a li aSiyoni,A ta huwelela na a li aYerusalema.
Byanyi leli valusi va luselaka ka lona li ta woma,Ni swinsinyani leswi nga henhla ka ntshava ya Karmeli swi ta woma.”+
3 “Yehovha a li:‘“A ni nga ta tshika ku khatisa Damaxka hi mhaka ya minandzu* yinharhu ni hi mhaka ya 4 wa minandzu,Hi mhaka ya leswi a nga xanisa Jiliyadi ni ku mu psanyetela hi swileyi* swa nsimbi.+
4 Ni ta rhumela ndzilu ka yindlo ya Azayele,+Wu ta hisa maprediyu* ya madoropa ya Benadadi.+
5 Ni ta tshova swa ku khiya hi swona tinyanghwa ta doropa la Damaxka;+Ni ta helisa lava tshamaka Bikati-Avheni,Ni lweyi a fumaka* aBeti-Edeni;Se Vasiriya va ta va swikarawa aKiri,”+ ku vula Yehovha.’
6 Yehovha a li:‘“A ni nga ta tshika ku khatisa Gaza+ hi mhaka ya minandzu yinharhu ni hi mhaka ya 4 wa yona,Hikusa a teke vanhu lava nga swikarawa+ a va yisa aEdomu.
7 Ni ta rhumela ndzilu ka muru wa Gaza,+Wu ta hisa maprediyu ya doropa lolelo.
8 Ni ta helisa lava tshamaka aAxidodi,+Ni lweyi a fumaka* aAxikeloni;+Ni ta lwa na Ekroni,+Kutani Vafilista lava nga sala va ta fa,”+ ku vula Yehovha Hosi Leyikulu.’
9 Yehovha a li:‘A ni nga ta tshika ku khatisa Tiru+ hi mhaka ya minandzu yinharhu ni hi mhaka ya 4 wa yona,Hikusa a yise vanhu lava nga swikarawa aEdomu,Naswona a khohlwe ntwananu wa vamakwavu.+
10 Ni ta rhumela ndzilu ka muru wa Tiru,Wu ta hisa maprediyu ya yena.’+
11 Yehovha a li:‘A ni nga ta tshika ku khatisa Edomu+ hi mhaka ya minandzu yinharhu ni hi mhaka ya 4 wa yona,Hikusa a txatxe makwavu hi xipada,+Naswona a nga va twelanga wusiwana;A tshamela ku va phatlulela hi mhaka ya ku kwata ka yena,A tshama na a va kwatelile.+
12 Ni ta rhumela ndzilu aTemani,+Wu ta hisa maprediyu ya doropa la Bozra.’+
13 Yehovha a li:‘“A ni nga ta tshika ku khatisa Vaamoni+ hi mhaka ya minandzu yinharhu ni hi mhaka ya 4 wa yona,Hikusa va handzulele makhwirhi ya vavasati lava nga ni tinyimba va le Jiliyadi leswaku va yengesela tiko la vona.+
14 Ni ta hisa muru wa Raba+ hi ndzilu,Wu ta hisa maprediyu ya yena,Kutani ku ta va ni guwa* hi siku la nyimpi,Ni moya wawukulu hi siku la xidzedze.
15 Hosi ya vona ni varhangeli va vona+ va ta yisiwa awukaraweni,” ku vula Yehovha.’
Tinhlamunselu ta le hansi
^ Kumbe: “lawa ni nga ma twa ka xivono”.
^ Leswi vulaka “Ku Va Ndzhwalu” kumbe “Ku Rhwala Ndzhwalu”.
^ Kumbe: “ku ni djikela”.
^ Ku nga minchumu ya ku yendliwa hi xigodo leyi va pakelaka ka yona minchumu, leyi kokiwaka hi swiharhi.
^ Kumbe: “swihondzo; switezi”.
^ Hi Xiheberu: “lweyi a khomaka nhonga ya wuhosi”.
^ Hi Xiheberu: “lweyi a khomaka nhonga ya wuhosi”.
^ Ku nga xitiviso xa nyimpi.