Deteronoma 33:1-29
33 Leyi i minkateko leyi Moxe mutirheli wa Xikwembu xa ntiyiso a nga yi byela Vayisrayele na a nge se fa.+
2 A te:
“Yehovha a tile na a huma aSinayi,+A va voningela ku sukela aSeyiri.
A voninga ku sukela ka ndhawu leyi nga ni ntshava ya le Parani,+Na a ni tintsumi ta tinyingi*+Ka voko la yena la xinene, a a ni tinhenha ta yena.+
3 A a rhandza vanhu va yena;+Hinkwavu vakwetsimi va vona va le ka voko la wena.+
A va tshame ka minenge ya wena;+Va sungula ku yingisa marito ya wena.+
4 (Moxe a hi nyike nawu,+Swaku wu va tshomba la vana va Yakobe.)+
5 A ve hosi aYexuruni,+Nkama varhangeli va vanhu va nga hlengeletana,+Ku patsa ni tinxaka hinkwatu ta Israyele.+
6 Rubeni a a hanye hi masiku ni masiku,+Vanhu va yena va nga pumbeki.”+
7 Nkama a nga katekisa Yuda a te:+
“Yehovha, yingisa rito la Yuda,+Mu tlheliseli ka maxaka ya yena.
Mavoko ya yena ma lwele leswi nga swa yena,Mu pfuni swaku a swi kota ku hlula valala va yena.”+
8 Ka Levhi a hlaye leswi:+
“Tumimi ya wena* ni Urimi ya wena+ i swa lweyi a tshembekaka ka wena,+Lweyi u nga mu ringa aMasa.+
U sungule ku lwa na yena ka mati ya Meriba,+
9 Lweyi a nga byela papayi ni mamani wa yena a ku: ‘A ni na mhaka na vona.’
Hambi vamakwavu a a nga na mhaka na vona,+A tshike ni vana va yena.
Hikusa va yingise rito la wena,Naswona va hlayise ntwananu wa wena.+
10 A va djondzise Yakobe swiboho swa wena swa ku yavanyisa,+Na Israyele Nawu wa wena.+
A va ku hisele swinun’hwelisu*+Ni gandzelo ahenhla ka altari ya wena.+
11 Yehovha, katekisa matimba ya yena,Tsakela ntirho wa mavoko ya yena.
Tshova minenge* ya lava va mu hlaselaka,Swaku lava va mu nyenyaka va nga ha tshuki va mu hlasela.”
12 Ka Benjamini a hlaye leswi:+
“Lweyi a rhandzekaka wa Yehovha a a tshami a vhikelelekile ka yena;Loko a mu vhikela siku hinkwalu,A ta tshama makatleni ya yena.”
13 Ka Yosefa a hlaye leswi:+
“Tiko la yena a li katekisiwe hi Yehovha+Hi swilo swaswinene swa le tilweni,Hi mberha* ni mati ya swihlovo leswi nga hansi,+
14 Hi swilo swaswinene leswi kulisiwaka hi dlambu,Ni ntshovelo wawunene wheti ni wheti,+
15 Hi swilo swaswinene swa le tintshaveni ta khale,*+Ni swilo swaswinene leswi humaka ka swigangani leswi tshamaka hi masiku ni masiku,
16 Ni hi swilo swaswinene leswi nga kona misaveni ni leswi nga yi tata,+Ni hi mpfumelelo wa Lweyi a nga tshama ka xinsinyani xa mintwa.+
A swi te ka nhloko ya Yosefa,Henhla ka nhloko* ya lweyi a nga langiwa xikarhi ka vamakwavu.+
17 A sasekile ku fana ni homu ya matevula,Timhondzo ta yena i timhondzo ta homu ya khwati.
A ta susumeta vanhu hi tonaAnze magamu ka misava.
Tona i vanhu va vanyingi hintamu va Efrayimi,+Naswona i mamiliyoni ya Manasi.”
18 Ka Zebuloni a hlaye leswi:+
“Tsaka wena Zebuloni loko u huma,Na wena Isakara ka matende ya wena.+
19 Va ta vitana vanhu va ya ka ntshava.
Kolanu va ta yendla magandzelo ya ku lulama.
Hikusa va ta pambula tshomba la linyingi la malwandle,Ni ka tshomba leli nga fihliwa la misava.”
20 Ka Gadi a hlaye leswi:+
“A ku katekisiwe lweyi a yengetelaka ndhawu ya Gadi.+
A tshama na a rindzile ku fana ni nghonyama,A lunghekele ku phatlula voko ni nhloko.
21 A ta tilangela xiyenge xa ku sungula,+Hikusa kolanu hi lanu ku nga vekiwa xiyenge xa munyiki wa nawu.+
Varhangeli va vanhu va ta hlengeletana.
A ta yendla swilo hi ku landza ku lulama ka Yehovha,Ni swiboho swa yena swa ku yavanyisa ka Vayisrayele.”
22 Ka Dani a hlaye leswi:+
“Dani i xinghonyamani.+
A ta tlula a huma aBaxani.”+
23 Ka Naftali a hlaye leswi:+
“Naftali a tsakile hi mhaka ya leswi a yamukeliwaka hi XikwembuNaswona a tale hi nkateko wa Yehovha.
Teka tiko leli nga wupeladlambu ni le sul.”*
24 Ka Aseri a hlaye leswi:+
“Aseri a katekisiwile hi madjaha.
Vamakwavu a va mu yamukele,A a peti* minenge ya yena ka mafurha.
25 Makhiya ya swipfalu swa wena ma hambiwe hi nsimbi ni kobre,+U ta tshama na u hlayisekile wutomi la wena hinkwalu.
26 A nga kona lweyi a fanaka ni Xikwembu xa ntiyiso+ xa Yexuruni,+Lexi tsemakanyaka matilo swaku xi ku pfuna,Ni lexi phatimaka loko xi famba hi marhefu.+
27 Ku sukela khale, Xikwembu i ndhawu ya wena ya ku tumbela,+Mavoko ya xona lama tshamaka hi masiku ni masiku ma ku khomile.+
Xi ta hlongola valala phambheni ka wena,+Xi ta ku: ‘Va helisi!’+
28 Israyele a ta tshama na a hlayisekile,Xihlovo xa Yakobe a xi nge pfaliwiKa tiko leli nga ni trigu* ni vhinyu la nyuwani,+Leli matilo ya lona ma nga ta thona mberha.+
29 Wa tsaka wena Israyele!+
I mani lweyi a fanaka na wena,+Vanhu lava ponisiwaka hi Yehovha,+Xivhikelo xa wena,+Ni xipada xa wena xaxikulu?
Valala va wena va ta rhurhumela phambheni ka wena,+Naswona u ta kandzihetela minhlana* ya vona.”
Tinhlamunselu ta le hansi
^ Hi Xiheberu: “timiriyadi ta ku kwetsima”.
^ A rito “wena” li nga tirhisiwa lani ku vuliwa Xikwembu.
^ Vona Ntlhamuselo.
^ Kumbe: “masenge”.
^ Kumbe: “mub’etho”.
^ Kumbexana: “tintshava ta le wuxeni”.
^ Kumbe: “rhavarhava”.
^ Kumbe: “dzongeni.”
^ Kumbe: “hlambi”.
^ Swi nga ha yendleka ku hlayiwa maxalani.
^ Kumbexana: “tindhawu leti va gandzelaka ka tona”.
