Esaya 43:1-28
43 Yehovha Mutumbuluxi wa wena a hlaya leswi,Ka wena Yakobe, Mutumbuluxi wa wena Israyele+ a li:
“U nga chavi, hikusa ni ku ponisile.+
Ni ku vitane hi vito la wena.
U wa mina.
2 Loko u hundza xikarhi ka mati, ni ta va na wena,+Ni loko u tlulela minambu, mati a ma nge ku koki.+
Loko u famba ka ndzilu, a wu nge pshi,Ni ndzilu a wu nge ku hisi.
3 Hikusa hi mina Yehovha Xikwembu xa wena,Mukwetsimi wa Israyele, Muponisi wa wena.
Ni ta ku ponisa hi ku nyikela Gibita,Etiyopiya na Seba ka valala va wena.
4 Hikusa u wa lisima hintamu ka mina,+Wa hlonipheka funtshi na ku rhandza.+
Se ni ta nyikela vanhu ni matikoLeswaku ni ponisa wutomi la wena.
5 U nga chavi, hikusa ni na wena.+
Ni ta landza vana* va wena lava nga awuxeniNi ta va hlengeleta ku sukela awupeladlambu.+
6 Ni ta byela norte* ni ku: ‘Va tlhelise!’+
Ni byela ni sul* ni ku: ‘U nga va khomeleli.
Tlhelisa vana va mina va madjaha lava taka hi kule ni vana va mina va tintombhi lava taka hi kule hintamu,+
7 Mun’wani ni mun’wani lweyi a vitaniwaka hi vito la mina+Lweyi ni nga mu tumbuluxa swaku ni ta dzunisiwa,Lweyi ni nga mu tumbuluxa ni tlhela ni mu yendla.’+
8 Humesa vanhu lava kalaka va nga voni hambileswi va nga ni matihlo,Ni lava kalaka va nga twi hambileswi va nga ni tindleve.+
9 Matiko hinkwawu a ma hlengeletane ka ndhawu yin’we,Ni vanhu va matiko a va hlengeletiwe.+
I mani xikarhi ka swikwembu swa vona a nga hlayaka leswi?
Kumbe swi nga hi byela swilo swa ku sungula?*+
A swi tinyimelele, a swi humese vafakazi va swona,Leswaku van’wani va ta swi twa va gama va ku: ‘I ntiyiso!’”+
10 “N’wina mi timboni ta mina”,+ ku hlaya Yehovha,“Vatirheli va mina lava ni nga tilangela vona,+Leswaku mi ta tiva mi gama mi va ni lipfumelo ka mina,Mi tlhela mi twisisa leswaku A ni txintxanga.+
A ku zanga ku tumbuluxiwa Xikwembu na mina ni nge se va kona,Funtshi a ku zanga ku ve ni xin’wani na mina ni li kona.+
11 Hi mina Yehovha,+ handle ka mina a ku na muponisi.”+
12 “Hi mina Lweyi a nga huwelela ni ku ponisa ni ku tivisa,Hi nkama lowu a ku nga na xikwembu xa matiko xikarhi ka n’wina.+
Hi mhaka leyo mi timboni ta mina”, ku vula Yehovha, “mina ni Xikwembu.+
13 Naswona, A ni txintxatxintxi;+A nga kona lweyi a nga wutlaka xanchumu ka voko la mina.+
Loko ni yendla nchumu, i mani lweyi a nga ni tsimbisaka?”+
14 Yehovha Muponisi wa n’wina,+ Mukwetsimi wa Israyele+ a li:
“Ni ta rhumela vanhu aBabilona hi mhaka ya n’wina swaku va ya wisa swipfalu hinkwaswu,+Se Vakalidiya va ta rila hintamu ka maboti ya vona.+
15 Hi mina Yehovha, Mukwetsimi wa n’wina,+ Mutumbuluxi wa Israyele,+ Hosi ya n’wina.”+
16 Leswi hi leswi hlayiwaka hi Yehovha,Lweyi a pfulaka ndlela xikarhi ka lwandleNi ndlela xikarhi ka mati lawa ma nga kwata,+
17 Lweyi a humesaka nyolo* ya nyimpi ni kavhalu,+Masonchwa ya nyimpi ni vavanuna va matimba a li:
“Va ta yetlela, a va nge he pfuki.+
Va ta timiwa ku fana ni ngoti ya motso.”*
18 “Mi nga khumbuki minchumu ya khale,Funtshi mi nga tshameli ku pimisa timhaka ta khale.
19 Phela ni ta yendla minchumu ya nyuwani;+Ni swoswi swa yendleka.
A mi swi voni ke?
Ni ta pfula ndlela axikarhi ka mananga+Ni ta yendla minambu yi ngirimela ka tiko la ku woma.+
20 Swiharhi swa nhova swi ta ni hlonipha,Timbyana ta khwati* ni tiyintxa,*Hikusa ni yendla leswaku ku va ni mati amananga,Minambu ka tiko leli nga woma,+Leswaku vanhu va mina, lava ni nga va langa+ va ta nwa,
21 Vanhu lava ni nga va tumbuluxaSwaku va ta ni dzunisa.+
22 Kambe a wu ni vitananga, wena Yakobe,+Hikusa u karhalile hi mina, wena Israyele.+
23 A wu ni tiselanga tinyempfu ta ku yendla magandzelo ya ku hisiwa,Kumbe u ni dzunisa hi magandzelo ya wena.
A ni ku sindzisanga swaku u ni nyika minchumu,A ni ku karhalisanga hi ku tshamela ku londza olibanu.*+
24 A wu ni xavelanga lihlanga la ku nun’hwela hi male ya wena,Funtshi a wu ni xurhisanga hi mafurha ya swifuyu leswi a wu yendla magandzelo hi swona.+
Kambe u ni rhwexe swidjoho swa wenaU ni karhalisa hi swidjoho swa wena.+
25 Hi mina ni timaka swidjoho swa wena,+ hi mhaka ya vito la mina,+Funtshi a ni nge he swi khumbuki swidjoho swa wena.+
26 Ni khumbukisi; a hi vulavule timhaka ta hina;Tlhamusela mhaka ya wena hi ta vona swaku u tiyisile.
27 Papayi wa wena wa ku sungula a djohile,Ni vavulavuleli* va wena va ni djikelile.+
28 Hi mhaka ya leswo, ni ta chakisa varhangeli lava va tirhaka ka ndhawu ya ku kwetsima,Ni ta helisa Yakobe,Ni ta tshika Israyele a rhukiwa.+
Tinhlamunselu ta le hansi
^ Hi Xiheberu: “mbewu”.
^ Kumbe: “n’walungu”.
^ Kumbe: “dzonga”.
^ Swi nga yendleka na ku vulavuliwa hi minchumu leyi nga ta rhanga yi yendleka ka nkama lowu taka.
^ Kumbe: “n’qolo; kalichi”.
^ Kumbe: “lambhu.”
^ Lani ku vulavuliwa hi timhungubye.
^ Kumbe: “avestruzes”.
^ Muxaka wa swinun’hwelisu swa ku loko swi hisiwa swi humesa ximusi xa ku nun’hwela.
^ Swi nga yendleka na ku vulavuliwa hi lava djondzisaka Nawu.
