Ezekiyele 15:1-8
-
Yerusalema i nsinya wa mawuvha wa ku kala wu nga pfuni nchumu (1-8)
15 Yehovha a tlhela a vulavula na mina a ku:
2 “N’wana wa munhu, indjhe tihunyi ta nsinya wa mawuvha ti nga fananisiwa ni tihunyi ta minsinya yin’wani kumbe ni tigadja ta minsinya leyi nga khwatini?
3 Indjhe nhonga ya nsinya wa mawuvha yi nga tirhisiwa swaku yi yendla xanchumu? Indjhe vanhu va nga yi tirhisa swaku va yendla nchumu xa ku hayeka swilo ka xona?
4 Phela nhonga yoleyo yi hoxiwa ka ndzilu se ndzilu wu yi hisa matlhelo hinkwawu anze xikarhi. Indjhe yi nga ha tirhisiwa?
5 Hambiloko a yi nga pshanga, a yi nga ta tirhiseliwa ku yendla nchumu. A yi nge he pfuni nchumu hileswi yi nga psha!”
6 “Se Yehovha Hosi Leyikulu a li: ‘Ku fana ni tihunyi ta nsinya wa mawuvha leti ni nga ti susa xikarhi ka minsinya ya le khwatini leswaku ku tshiveliwa ndzilu hi tona, ni ta yendla swa ku fana hi lava tshamaka Yerusalema.+
7 Ni ta lwa na vona. Va ponile ka ndzilu kambe ndzilu wu ta va hisa. Kutani mi ta swi tiva leswaku hi mina Yehovha nkama ni nga ta lwa na vona.’”+
8 “‘Tiko la vona ni ta li yendla li va ndhawu ya ku hohlokela*+ hikusa a va tshembekanga ka mina,’+ ku vula Yehovha Hosi Leyikulu.”
Tinhlamunselu ta le hansi
^ Kumbe: “li va rhumbi”.
