Ezekiyele 19:1-14
-
Lisimu la xirilo leli vulavulaka hi varhangeli va Israyele (1-14)
19 “U fanele u yimbelela lisimu la xirilo leli vulavulaka hi varhangeli va Israyele,
2 u ku:‘Mamani wa wena a a li yini? A a li nghonyama ya xisati axikarhi ka tinghonyama.
A yetlele xikarhi ka swinghonyamani swa matimba a kulisa swinghonyamani swa yena.
3 A kulise xinghonyamani xin’wani xa yena kutani xi va nghonyama ya matimba.+
Xi djondze ku hlota,Xi tlhela xi dla ni vanhu.
4 Matiko ma twe hi ta xona ma gama ma xi phasa ka xikhele xa wona,Ma xi nghenisa goda* ka nhompfu ya xona ma xi tisa ka tiko la Gibita.+
5 Mamani wa xona a xi rindzile a za a swi vona swaku a xi nge he vuyi.
Se a teka xinghonyamani xa yena xin’wani a xi kulisa kutani xi va nghonyama ya matimba.
6 Xi tlhela xi fambafamba xikarhi ka tinghonyama kutani xi va nghonyama leyi nga ni matimba.
Xi djondze ku hlota xi tlhela xi dla ni vanhu.+
7 Xi djumile xi nghena xikarhi ka maprediyu* ya vona, xi wonhetela madoropa ya vona,Se ka tiko leli nga hohlokela* a ko twakala ku bonga ka xona ntsena.+
8 Vanhu va matiko ya le kusuhi va tile va ta lwa na xona kutani va xi hoxa redi la vona,Se xi phasiwa ka xikhele xa vona.
9 Va xi nghenise goda* ka nhompfu ya xona va xi peta ndzeni ka redi kutani va xi yisa ka hosi ya le Babilona.
Va fika va xi pfalela kolanu leswaku rito la xona li nga ha tshuki li twala ka tintshava ta Israyele.
10 Mamani wa wena a a fana ni nsinya wa mawuvha+ ka ngati ya wena,* lowu nga byaliwa kusuhi ni mati.
Wu psale mihandzu naswona wu ni tigadja ta tinyingi hi mhaka ya leswi wu kumaka mati ya manyingi.
11 Wu ve ni tigadja* ta ku tiya leti fanelekaka ku yendla tinhonga ta tihosi.
Wu kulile wu leha ku tlula minsinya leyin’wani,A wu voneka hi mhaka ya leswi a wu lehile ni hi mhaka ya matluka ya wona ya manyingi.
12 Kambe wu tsuvuliwile hi ndlela ya mona+ wu txukumetiwa misaveni,Moya wa le wuxeni wu womise mihandzu ya wona.
Tigadja ta wona ta ku tiya ti tshoviwile kutani ti woma+ ti gama ti hisiwa hi ndzilu.+
13 Swoswi wu byaliwe amananga,Ka tiko la ku woma, leli kalaka li nga na mati.+
14 Ndzilu wu suke ka tigadja* ta wona wu ya hisa ni swigadjani ni mihandzu ya wona,A ku nga ha na ligadja la ku tiya leli nga sala, a ku nga ha na nhonga ya ku fuma hi yona.+
“‘Leli i lisimu la xirilo naswona li ta tirhela ku va lisimu la xirilo.’”
Tinhlamunselu ta le hansi
^ Kumbe: “mukhalu”.
^ Kumbe: “swihondzo; switezi”.
^ Kumbe: “rhumbi”.
^ Kumbe: “mukhalu”.
^ Kumbexana: “ku fana ni nsinya wa mawuvha ka nsimu ya wena ya mawuvha”.
^ Kumbe: “tinhonga”.
^ Kumbe: “tinhonga”.
