Ezekiyele 27:1-36
-
Lisimu la xirilo la boti la Tiru leli mbombomelaka (1-36)
27 Yehovha a tlhela a vulavula na mina a ku:
2 “Wena n’wana wa munhu, yimbelelela Tiru lisimu la xirilo,+
3 u byela Tiru u ku:‘Wena lweyi a tshamaka kusuhi ni lwandle,Wena lweyi a xaviselaka minchumu vanhu va swihlala* swa swinyingi,Yehovha Hosi Leyikulu a li:
“Wena Tiru u te: ‘Ni saseke swa wugamu.’+
4 Tindhawu ta wena ti le ndzeni ka lwandle,Lava nga ku yaka va ku yendle u saseka swa wugamu.
5 Mapulangu ya wena hinkwawu va ma yendle hi minsinya ya yunipa ya le Seniri,+Va teke nsinya wa mukedari wa le Lebanoni va ku yendlela mhandzi ya ku khoma maseyila.*
6 Va ku yendlele timhandzi ta ku tluta hi tona hi minsinya yayikulu ya le Baxani,Nhompfu ya wena a yi yendliwe hi nsinya wa kipresi naswona a yi sasekiseliwe hi matinyu ya tindlopfu ta le ka swihlala swa Kitimi.+
7 Seyila la wena a li yendliwe hi panu ya tikorikori ya le Gibita,Mindzhuti leyi nga ka wena a yi yendliwe hi panu ya azuli ni hi panu ya mavoya leyi nga pendiwa yi va ya ku pshuka* leswi taka hi ka swihlala swa Elixayi.+
8 Lava tshamaka aSidoni ni lava tshamaka aAvhadi+ hi vona a va li vatluti* va wena.
Wena Tiru, vatluti va wena a ku li vanhu va wena lava wu tivaka kahle ntirho wa vona.+
9 Vavanuna* va le Jebali+ lava nga ni xiperiyensa* ni wutlharhi hi vona va nga lema maboti ya wena swaku ma nga ngheni mati.+
Maboti hinkwawu ya le lwandle ni vafambisi va wona a va ta ka wena swaku mi ta xaviselana minchumu.
10 Vavanuna va le Persiya, Ludi ni Puti+ a va li xikarhi ka masonchwa ya wena, a va li vavanuna va wena va nyimpi.
Va hayeke swivhikelo swa vona ni makapaseti ya vona ya nyimpi ka wena, va ku tisela ku dzuneka.
11 Vavanuna va le Avhadi lava nga xikarhi ka masonchwa ya wena va nyimisiwe matlhelweni ka muru wa wena hinkwawu,Vavanuna lava a va nga chavi nchumu a va vhikela maprediyu* ya wena.
Va hayeke swivhikelo swa redondu ka mimuru hinkwayuVa ku yendla u saseka swa wugamu.
12 “‘“Tarxixi+ a yendle negosiyu na wena hi mhaka ya leswi u nga ganya.+ Va ku nyike prata, nsimbi, xitanyu ni muthofu, se wena u va nyika nhundzu ya wena.+
13 Yavhani, Tubali+ na Mixeke,+ va xaviselane swilo na wena, va ku nyike swikarawa+ ni swilo leswi nga yendliwa hi kobre se wena u va nyika nhundzu ya wena.
14 Vatukulu va Torgama+ va ku nyike makavhalu ni timbongolo* se wena u va nyika nhundzu ya wena.
15 Vanhu va le Dedani+ a va xaviselana minchumu na wena; a wu ni vaxavisi ka swihlala swa swinyingi lava a va ku tirhela; va ku nyika matinyu ya tindlopfu+ ni timhandzi ta ntima ta lisima swaku va hakela rhesa* ka wena.
16 Edomu a yendle negosiyu na wena hi mhaka ya leswi u nga ni nhundzu ya yinyingi. Va ku nyike maribye ya lisima lama vitaniwaka turkesa, tipanu ta mavoya ta ku pshuka, tipanu leti nga sasekiseliwa ta tikorikori, tipanu ta ku vevuka, tikorali* ni maribye ya lisima ya ku pshuka lama vitaniwaka rubi se wena u va nyika nhundzu ya wena.
17 “‘“Yuda ni tiko la Israyele va xaviselane minchumu na wena, va ku nyike trigu la le Miniti,+ swakudla swa xiyimu xa le henhla, wulombe,+ mafurha ni balsamu+ se wena u va nyika nhundzu ya wena.+
18 “‘“Damaxka+ a yendle negosiyu na wena hi mhaka ya ku tala ka swilo leswi a wu swi yendla ni tshomba la wena; a ku nyike vhinyu la le Eliboni ni tipanu ta ku yendliwa hi mavoya ta le Zahara.*
19 Vhedani na Yavhani va le Uzali va ku nyike nsimbi, nsinya wa kasiya* ni tinhlanga* se wena u va nyika nhundzu ya wena.
20 Dedani+ a ku xavisele tipanu leti kapekiwaka henhla ka swifuyu swaku ku tshamiwa ka tona.
21 U thole Vaarabiya ni varhangeli hinkwavu va le Kedari,+ lava a va xavisa swinyempfani, tinyempfu ni timbuti.+
22 Vaxavisi va le Xeba ni va le Rhama+ a va xaviselana minchumu na wena; va ku nyike mixaka hinkwayu ya maperfumi yamanene, maribye ya lisima ni woru se wena u va nyika nhundzu ya wena.+
23 Harani,+ Kane, Edeni,+ vaxavisi va le Xeba,+ Asuri+ na Kilimadi a va xaviselana minchumu na wena.
24 Ka mabazara ya wena a va xavisa mpahla ya ku saseka, mpahla leyi nga yendliwa hi tipanu ta azuli, tipanu leti nga sasekiseliwa ta tikorikori ni matapeti ya tikorikori, hinkwaswu na swi bohiwe hi magoda.
25 Maboti ya le Tarxixi+ a ma rhwala nhundzu ya wena,Lakakuva a wu ni tshomba la linyingi li tlhela li ku tikela* xikarhi ka lwandle.
26 Lava ku tlutaka va ku tise ka malwandle lama nga kwata;Moya wa le wuxeni wu ku tshovile axikarhi ka lwandle.
27 Tshomba la wena, nhundzu ya wena ni vatluti va wena,Lava nga lema maboti ya wena, lava xavisaka nhundzu ya wena+ ni vavanuna va wena hinkwavu va nyimpi,+Vanhu hinkwavu lava nga xikarhi ka wena,Hinkwavu va ta mbombomela xikarhi ka lwandle hi siku leli u nga ta wa hi lona.+
28 Nkama lava ku tlutaka va nga ta huwelela, matiko lama nga kusuhi ni lwandle ma ta tsekatseka.
29 Vatluti hinkwavuVa ta xika ka maboti ya vona va nyima henhla ka misava.
30 Va ta huwelela va tlhela va ku rila hi xiviti+Na va tichela wuthulu ka tinhloko ta vona naswona va wumbulukela ka nkuma.
31 Va ta tsemeta mpandlha, va yambala masaka;Va ta ku rila hi xiviti xaxikulu.
32 Nkama va rilaka va ta ku yimbelelela lisimu la xirilo va ku:
‘I mani lweyi a fanaka na Tiru, lweyi swoswi a nga miyela phakati ka lwandle?+
33 Loko nhundzu ya wena yi huma alwandle, u tsakise vanhu va vanyingi.+
Tshomba la wena la linyingi ni nhundzu ya wena swi ganyise tihosi ta misava.+
34 Swoswi u tshovekile alwandle ka mati ya ku yenta,+Nhundzu ya wena hinkwayu ni vanhu va wena va mbombomelile na wena.+
35 Hinkwavu lava tshamaka ka swihlala va ta ku txuvuka na va hlamala,+Tihosi ta vona ti ta rhurhumela hi ku chava,+ tinghohe* ta vona ti ta karhateka.
36 Vaxavisi va le matikweni man’wani va ta ku bela noti hi mhaka ya leswi nga ku humelela.
U ta helisiwa hi ndlela ya ku vava hi ku tsopeta ka tihlo,U ta helisiwa u nga ha vi kona.’”’”+
Tinhlamunselu ta le hansi
^ Ku nga ma ilhas.
^ Ku nga minchumu leyi gwimbiwaka swaku yi tiyisa boti loko li biwa hi moya.
^ Kumbe: “vhiyoleta”.
^ Ku nga lava va fambisaka maboti.
^ Hi Xiheberu: “Lava nga guga”.
^ Kumbe: “ntokoto”.
^ Kumbe: “swihondzo; switezi”.
^ Kumbe: “mamula.” Ku nga vana va mbongolo ni kavhalu.
^ Kumbe: “impoxtu; tinemba”.
^ Vona Ntlhamuselo.
^ Kumbe: “ni tipanu ta mavoya ta ku pshukanyana ti tlhela ti nkwalala.”
^ Nsinya wa ku fananyana ni sinamuni.
^ Tinhlanga ta ku nun’hwela.
^ Kumbexana: “li tlhela li phatima”.
^ Kumbe: “makara ya”.
