Ezekiyele 28:1-26
28 Yehovha a tlhela a vulavula na mina a ku:
2 “N’wana wa munhu, byela murhangeli wa Tiru u ku: ‘Yehovha Hosi Leyikulu a li:
“Leswi mbilu ya wena yi nga titlakusa,+ u tshamela ku vula u ku: ‘Ni xikwembu.
Ni tshama ka xitshamu xa wuhosi xa xikwembu axikarhi ka lwandle.’+
Kambe a wu xikwembu, wo va munhu ntsena,Hambileswi ka mbilu ya wena u tivonaka na u li xikwembu.
3 Phela u tlharihile ku tlula Daniyele.+
A ku na swihundla leswi u nga tumbeteliwa swona.
4 U tiganyisile hi wutlharhi la wena ni hi ku twisisa ka wenaNaswona u tshamela ku tivekela woru ni prata ka ndhawu leyi u vekaka swilo swa wena swa lisima.+
5 U ve ni tshomba la linyingi hi mhaka ya leswi u swi kotaka kahle ku fambisa negosiyu,+Mbilu ya wena yi titlakusile hi mhaka ya tshomba la wena.”’
6 “‘Se Yehovha Hosi Leyikulu a li:
“Leswi ka mbilu ya wena u tivonaka na u li xikwembu,
7 Ni ku tisela vanhu va matiko man’wani swaku va ta lwa na wena, matiko lama nga ni mona wawukulu,+Va ta tlomula swipada swa vona va helisa swilo hinkwaswu swa ku saseka leswi u nga swi kuma hi mhaka ya ku tlhariha ka wenaVa ta wonhetela ku saseka ka wena.+
8 Va ta ku nghenisa sirheni,U ta fa hi ndlela ya ku vava phakati ka lwandle.+
9 Wa ha ta vula u ku: ‘Ni xikwembu,’ ka lweyi a ku dlayaka?
A wu nga ta va xikwembu, u to va munhu ntsena, ka mavoko ya lava ku chakisaka.”’
10 ‘Vanhu va matiko man’wani va ta ku dlaya ku fana ni vanhu lava kalaka va nga tsemanga nsuvu,*Hikusa mina ni swi vulile,’ ku vula Yehovha Hosi Leyikulu.”
11 Yehovha a tlhela a vulavula na mina a ku:
12 “N’wana wa munhu, yimbelela lisimu la xirilo u yimbelelela hosi ya Tiru, u ku: ‘Yehovha Hosi Leyikulu a li:
“A wu li xikombiso xa ku hetiseka,*A wu tlharihe swinene+ naswona a wu saseke swa wugamu.+
13 A wu li aEdeni, ka jardim la Xikwembu.
A wu sasekisiwe hi ribye lin’wani ni lin’wani la lisimaKu nga rubi, topazi ni jaxpe; krizolita, onikisi ni jadi; safira, turkeza+ ni exmeralda;Maribye lawa hinkwawu a ma tiyisiwe hi woru.
Ni ma lulamisele hi siku leli ni nga ku vumba hi lona.
14 Ni ku langile ni tlhela ni ku veka swaku u va kerubu leli vhikelaka.
A wu li ka ntshava ya ku kwetsima ya Xikwembu,+ a wu fambafamba xikarhi ka maribye lama pfurhaka.
15 A wu ni mahanyelo yamanene ku sukela hi siku leli u nga vumbiwa hi lonaKu fikela loko u sungula ku yendla swilo swa ku biha.+
16 Kutani hi mhaka ya manegosiyu* ya wena ya manyingi,+U ve ni tinyimpi ta tinyingi naswona u sungule ku djoha.+
Se ni ku susa ka ntshava ya Xikwembu ku fana ni munhu lweyi a nga chaka, ni ku helisa,+Wena kerubu leli vhikelaka, u ya kule ni maribye lama pfurhaka ndzilu.
17 Mbilu ya wena yi titlakusile hi mhaka ya ku saseka ka wena.+
U wonhe wutlharhi la wena hi mhaka ya ku phatima ka wena kakukulu.+
Ni ta ku txukumeta misaveni.+
Ni ta yendla leswaku tihosi ti ku txuvukisela.
18 U chakise tindhawu ta wena ta ku kwetsima hi mhaka ya swidjoho swa wena swaswikulu ni hi mhaka ya manegosiyu ya wena ya wukanganyisi.
Ni ta yendla swaku ku va ni ndzilu axikarhi ka wena, kutani wu ta ku hisa.+
Ni ta ku yendla u va nkuma henhla ka misava phambheni ka hinkwavu lava nga ku txuvuka.
19 Hinkwavu lava a va ku tiva xikarhi ka vanhu va ta ku txuvuka na va hlamala.+
U ta helisiwa hi ndlela ya ku vava hi ku tsopeta ka tihlo,U ta helisiwa u nga ha vi kona.”’”+
20 Yehovha a tlhela a khuluma na mina a ku:
21 “N’wana wa munhu, txuvuka aSidoni+ u profeta leswi lwisanaka na yena.
22 U fanele u ku: ‘Yehovha Hosi Leyikulu a li:
“Ni lwa na wena Sidoni, kutani ni ta dzunisiwa xikarhi ka wena;Vanhu va ta swi tiva swaku hi mina Yehovha nkama ni nga ta mu yavanyisa, ni kwetsimisiwa ka yena.
23 Ni ta rhumela ntungu ka yena naswona ngati yi ta tala ka switaratu swa yena.
Lava nga dlayiwa va ta wetetela xikarhi ka yena nkama a nga ta hlaseliwa hi xipada ka matlhelo hinkwawu;Va ta swi tiva swaku hi mina Yehovha.+
24 “‘“Vanhu va le Israyele a va nga ha ta rhendzeliwa hi mimintwa leyi nga ni khombo ni leyi vavaka,+ ku nga vanhu lava va poyilanaka; vanhu va ta swi tiva swaku hi mina Yehovha Hosi Leyikulu.”’
25 “‘Yehovha Hosi Leyikulu a li: “Nkama ni nga ta tlhela ni hlengeleta Vayisrayele axikarhi ka vanhu lava a va hangalasiwe ka vona,+ ni ta kwetsimisiwa axikarhi ka vona matiko na ma swi vona.+ Va ta tshama ka tiko la vona+ leli ni nga li nyika mutirheli wa mina Yakobe.+
26 Va ta tshama ka lona na va hlayisekile,+ va yaka tiyindlo, va rima ni masimu ya mawuvha,+ kutani va ta tshama na va hlayisekile nkama ni nga ta yavanyisa hinkwavu lava va va poyilaka, lava tshamaka kusuhi na vona;+ va ta swi tiva swaku hi mina Yehovha Xikwembu xa vona.”’”
