Habakuki 1:1-17
1 Lawa i marito lawa mina muprofeta Habakuki * ni nga byeliwa wona hi Xikwembu* se ni gama ni ku:
2 Yehovha Xikwembu xa mina, kasi ni ta kombela ku pfuniwa anze siku muni, kambe u nga ni pfuni ke?+
Kasi ni ta kombela swaku u ni ponisa ka tinyimpi anze siku muni, kambe u nga ni ponisi ke?+
3 Hi mhaka muni u ni tshika ni vona wubihi?
Hi mhaka muni u tshika vanhu va hluphiwa?
Hi mhaka muni ni vona ku dlayana ni tinyimpi?
Hi mhaka muni ku tale ku holova ni ku lwa?
4 Phela nawu a wa ha yingisiwi,A ka ha yavanyisiwi hi wululami.
Hikusa lava yendlaka swa ku biha va hlupha lava ku lulama;Hi leswo swi yendlaka swaku ku nga ha yendliwi swa ku lulama.+
5 “Txuvukani xikarhi ka matiko, mi txuvuka kahle!
Txuvukani mi hlamala;Hikusa ku ni leswi nga ta yendleka ka masiku ya n’winaLeswi mi nga ta kala mi nga swi tshembi hambiloko mi byeliwa swona.+
6 Hikusa ni ta veka Vakalidiya,+Tiko la mona leli nga ni ximbilwambilwani.
Va ta ya ka tindhawu ta le kule swineneSwaku va ya teketela miminti ya vanhu.+
7 Va chavisa, a va tiyiseleleki.
Va tisungulela minawu ya vona naswona a va na mhaka ni wuhosi lin’wani.+
8 Makavhalu ya vona ma tsutsuma ku tlula ni tiyingwe,*Ma leva ku tlula ni mahlolwa* niwusiku.+
Makavhalu ya vona ya nyimpi ma tsutsuma hintamu swinene;Makavhalu ya vona ma ta hi le kule swinene.
Ma haha ku fana ni gama* leli tsutsumelaka ku ya dla.+
9 Hinkwavu va tela ku ta lwisa.+
Nkama hinkwavu va taka va fana ni moya wa le wuxeni,+Va khoma swikarawa swa swinyingi ku fana ni loko va wolela misava.
10 Va delela tihosiVa hleka varhangeli.+
Va hleka ndhawu yin’wani ni yin’wani leyi nga vhikeleleka;+Va hlengeleta xidulu xa misava va gama va khwela hi xona swaku va hlula doropa.
11 Se va hundza va ya phambheni ku fana ni moya,Kambe va ta va ni nandzu,+Hikusa va vula swaku matimba lawa va nga na wona ma ta hi ka xikwembu xa vona.”+
12 Yehovha, kasi a wu Xikwembu lexi hanyaka hi nkama wa ku kala wu nga heli?+
Xikwembu xa mina, Mukwetsimi wa mina, a wu fi.*+
Yehovha, u va langile swaku va ta yavanyisa;Wena Ribye la mina,+ u va vekile swaku va ta khatisa.+
13 Matihlo ya wena a ma swi koti ku txuvuka swa ku biha,Naswona a wu swi koti ku tiyisela swa ku biha.+
Kambe hi mhaka muni u tshika vanhu lava kanganyisaka,+Hi mhaka muni u miyela loko munhu lweyi a yendlaka swa ku biha a hlupha lweyi a nga munene ku mu tlula?+
14 Hi mhaka muni u yendla swaku munhu a fana ni tihlampfi ta lwandle,A fana ni swiharhi leswi fambaka hi khwirhi leswi kalaka swi nga na hosi?
15 Hinkwavu ka vona a* va phasa hi ndzovo.*
A va phasa hi redi la yena,A va hlengeleta ndzeni ka redi la yena la ku phasa tihlampfi.
Hi leswo swi mu yendlaka a tsaka hintamu.+
16 Hi leswo swi yendlaka swaku a yendla magandzelo a yendlela redi* la yenaA tlhela a hisa magandzelo a hisela redi la yena la ku phasa tihlampfi;Hikusa a hanya mafurheni hi mhaka ya maredi,Naswona a dla swakudla swa ku nona.
17 Indjhe a ta tshamela ku tata maredi ya yena a tlhela a ma chulula?*
Indjhe a ta tama a dlayetela vanhu va matiko hi ndlela ya mona?+
Tinhlamunselu ta le hansi
^ Swi nga yendleka li vula “Ku Barasara”.
^ Kumbe: “ni nga byeliwa wona hi Xikwembu ka xivono”.
^ Kumbe: “maliyopardu”.
^ Ku nga muxaka wa timbyana ta khwati.
^ Ku nga muxaka wa xinyanyani.
^ Kumbexana: “a hi nge fi.”
^ Ku nga Vakalidiya lava nga valala.
^ Kumbe: “anzoli.”
^ Ku nga redi la ku phasa tihlampfi.
^ Kumbexana: “a ta tshamela ku humesa xipada xa yena.”
