Hosiya 8:1-14
8 “Chayani limhondzo!+
Nala a ta ku fana ni gama* a tela ku ta lwa ni yindlo ya Yehovha,+Hikusa va tshike ku yingisa ntwananu+ ni nawu wa mina.+
2 Va huwelela ka mina va ku: ‘Wena u Xikwembu xa hina, hina Israyele ha ku tiva!’+
3 Israyele a tshike ku yendla swaswinene.+
Nala a a mu txatxi.
4 Va tivekele tihosi na va nga ni vutisanga nchumu.
Va tivekele varhangeli na ni nga va pfumelelanga.
Va tiyendlele swikwembu hi prata ni woru la vona,+Leswo swi ta yendla swaku va helisiwa.+
5 Wena Samariya, xihon’wani xa wena a xi yamukeleki.+
Ni va kwatele hintamu.+
Kasi va ta va ni nandzu anze siku muni ke?
6 Hikusa xihon’wani xolexo xi ta hi Israyele.
A xi yendliwanga hi Xikwembu, xi yendliwe hi lweyi a tivaka ku yendla ntirho wa mavoko;Xihon’wani xa Samariya xi ta fayeteliwa xi va swikhemu.
7 Hikusa va yendla swa ku biha ku fana ni ku byala moya,Kutani va ta tshovela swa ku biha leswi fanaka ni xidzedze.+
A va tshovelanga nchumu;+Leswi milaka a swi humesi mpupu.
Loko ko tshuka ku va ni leswi nga ta huma swi ta dliwa hi vanhu va ku kala a nga va tivi.*+
8 Israyele a ta mintiwa hi valala va yena.+
Va ta va xikarhi ka matiko,+Ku fana ni xibya xa ku kala xi nga laviwi.
9 Hikusa va ye aAsiriya,+ ku fana ni mbongolo ya khwati leyi tshamaka yoxe.
Efrayimi a ye a ya lava tinghwavani.+
10 Hambileswi va lavetelaka tinghwavani leti axikarhi ka matiko,Ni ta va hlengeleta;Va ta sungula ku hlupheka+ hi mhaka ya ndzhwalu lowu hosi ni varhangeli va nga ta va rhwexa wona.
11 Hikusa Efrayimi a yengetele maaltari leswaku a djoha.+
I maaltari ya yena ma mu djohisaka.+
12 Ni mu tsalele minawu ya yinyingi,Kambe yi voniwe na yi nga li ya nchumu.+
13 Va ni yendlela magandzelo va gama va dla nyama ya kona,Kambe mina Yehovha a ni ma tsakeli.+
Ni ta khumbuka xihoxo xa vona kutani ni va khatisa hi mhaka ya swidjoho swa vona.+
Va tlhelele* aGibita.+
14 Israyele a khohlwe Muvumbi wa yena+ kutani a yaka titempele,+Yuda a yengetele madoropa lawa ma nga ni mimuru ya ku tiya ya ku ma vhikela.+
Kambe ni ta rhumela ndzilu ka madoropa wolawo,Se wu ta helisa tiyindlo hinkwatu leti nga ka wona.”+
Tinhlamunselu ta le hansi
^ Ku nga muxaka wa xinyanyani.
^ Kumbe: “hi vanhu va matiko man’wani.”
^ Kumbexana: “Va ta tlhelela”.
