Malakiya 4:1-6
4 “Hikusa la ta siku leli hisaka ku fana ni xikhele xa ndzilu,+ leli hinkwavu lava va tikhuzaka ni hinkwavu lava yendlaka swa ku biha va nga ta fana ni mabyanyi ya ku woma. Va ta helisiwa hi siku lolelo, a ku nge sali munhu, va ta hela hinkwavu,”* ku vula Yehovha murhangeli wa tintsumi.
2 “Kambe n’wina mi hloniphaka* vito la mina, mi ta voningeliwa hi dlambu leli tisaka ku lulama leli masana ya lona ma hanyisaka; mi ta tlulatlula ku fana ni swihon’wani swa ku nona.”
3 “Mi ta kandzihetela vanhu va ku biha hikusa va ta fana ni wuthulu hansi ka minkondzo ya n’wina hi siku leli ni nga ta yendla swaku leswi swi yendleka,” ku vula Yehovha murhangeli wa tintsumi.
4 “Khumbukani Nawu wa mutirheli wa mina Moxe, wuyavanyisi ni leswi ni nga mu byela swona aHorebi, swaku Vayisrayele hinkwavu va swi yingisa.+
5 “Phela ni rhuma muprofeta Eliya+ swaku a ta ka n’wina, na ku nga se fika siku lalikulu ni leli chavisaka la Yehovha.+
6 A ta yendla swaku timbilu ta vapsali ti fana ni ta vana va vona+ ni timbilu ta vana ti fana ni ta vapsali va vona,* swaku ni nga fiki ni hlasela misava ni yi helisa.”
Tinhlamunselu ta le hansi
^ Hi Xiheberu: “a ku nge sali limintsu kumbe ligadja”.
^ Hi Xiheberu: “chavaka”.
^ Hi Xiheberu: “tlhelisa timbilu ta vapapayi ka vana va vona ni timbilu ta vana ti tlhelela ka vapapayi”.
