Mahungu Ya Ku Tsakisa Ya Ku Tsaliwa Hi Matewu 1:1-25
1 Leli i buku leli vulavulaka hi wutomi* la Yesu Kreste,* n’wana wa Davhida,+ n’wana wa Abrahamu:+
2 Abrahamu a ve papayi wa Izaki;+Izaki a ve papayi wa Yakobe;+Yakobe a ve papayi wa Yuda+ ni vamakwavu;
3 Yuda na Tamara va psale Farezi na Zera;+Farezi a ve papayi wa Hezroni;+Hezroni a ve papayi wa Arama;+
4 Arama a ve papayi wa Aminadabi;Aminadabi a ve papayi wa Nasoni;+Nasoni a ve papayi wa Salmoni;
5 Salmoni na Rahabi+ va psale Bowazi;Bowazi na Ruti+ va psale Obede;Obede a ve papayi wa Yese;+
6 Yese a ve papayi wa hosi Davhida.+
Davhida ni nsati wa Uriya va psale Solomoni;+
7 Solomoni a ve papayi wa Robuwamu;+Robuwamu a ve papayi wa Abiya;Abiya a ve papayi wa Asa;+
8 Asa a ve papayi wa Yehoxafati;+Yehoxafati a ve papayi wa Yehorama;+Yehorama a ve papayi wa Uziya;
9 Uziya a ve papayi wa Yothamu;+Yothamu a ve papayi wa Akazi;+Akazi a ve papayi wa Hezekiya;+
10 Hezekiya a ve papayi wa Manasi;+Manasi a ve papayi wa Amoni;+Amoni a ve papayi wa Yosiya;+
11 Yosiya+ a ve papayi wa Yekoniya+ ni vamakwavu hi nkama lowu va nga yisiwa a wukaraweni aBabilona.+
12 Loko se va yisiwe wukaraweni aBabilona, Yekoniya a ve papayi wa Salatiyele;Salatiyele a ve papayi wa Zerubabele;+
13 Zerubabele a ve papayi wa Abiyudi;Abiyudi a ve papayi wa Eliyakimi;Eliyakimi a ve papayi wa Azori;
14 Azori a ve papayi wa Zadoki;Zadoki a ve papayi wa Akimi;Akimi a ve papayi wa Eliyudi;
15 Eliyudi a ve papayi wa Eliyazari;Eliyazari a ve papayi wa Matani;Matani a ve papayi wa Yakobe;
16 Yakobe a ve papayi wa Yosefa nuna wa Mariya, lweyi a nga psala*+ Yesu, lweyi a vitaniwaka Kreste.+
17 Kutani ku sukela ka Abrahamu ku ya fika ka Davhida, a ku ni 14 wa tinxaka;* ku sukela ka Davhida ku ya fika ka nkama lowu va nga yisiwa wukaraweni aBabilona a ku li 14 wa tinxaka; ku sukela ka nkama lowu va nga yisiwa aBabilona ku ya fika ka Kreste, a ku li 14 wa tinxaka.
18 Leswaku Yesu Kreste a psaliwa swi yendlekise leswi: Nkama mamani wa yena Mariya a nga tshembisiwa ku chadiwa hi Yosefa, a kume nyimba hi moya wa ku kwetsima*+ na va nge se chada.
19 Se leswi nuna wa yena Yosefa a a lulamile naswona a a nga lavi ku mu danisa ka vanhu, a a lava ku mu tshika hi xihundla.+
20 Kambe loko se a pimise hi mhaka leyi, ntsumi ya Yehovha* yi humelele ka yena amilorhweni yi ku: “Yosefa, n’wana wa Davhida, u nga chavi ku titekela Mariya nsati wa wena u famba na yena kaya, hikusa i moya wa ku kwetsima lowu nga yendla swaku a kuma nyimba.+
21 Mariya a ta psala n’wana wa djaha; u fanele u mu chula vito la Yesu,*+ hikusa a ta ponisa vanhu va yena ka swidjoho swa vona.”+
22 Hinkwaswu leswi swi humelelile swaku ku hetiseka leswi nga vuliwa hi Yehovha* hi ku tirhisa muprofeta wa yena, a ku:
23 “Phela ntombhi* yi ta kuma nyimba kutani yi psala n’wana wa djaha, a ta chuliwa vito la Emanuwele,”+ leli loko li hundzuluxeliwa li vulaka: “Xikwembu Xi Na Hina.”+
24 Se Yosefa a pfuka wurhongweni, a yendla leswi ntsumi ya Yehovha* yi nga mu byela swona, a teka nsati wa yena a muka na yena.
25 Kambe a nga zanga a famba masangu na yena anze a psala n’wana wa djaha,+ se Yosefa a mu chula vito la Yesu.+
Tinhlamunselu ta le hansi
^ Kumbe: “Mesiya; Lweyi a nga Langiwa”.
^ Kumbe: “lixaka la”.
^ Kumbe: “veleka”.
^ Kumbe: “gerações.”
^ Kumbe: “matimba ya Xikwembu”.
^ Ka 237 wa tindhawu ka Matsalwa ya Wukreste ya Xigriki lomu vito la Yehovha li humelelaka kona, leli i khambi la ku sungula. Vona Xiyengetelo A5.
^ Li yelana ni vito la Xiheberu leli nge Yexuwa, kumbe Yoxuwa leli vulaka leswaku “Yehovha I Muponisi”.
^ Vona Xiyengetelo A5.
^ Ku nga ntombhi leyi kalaka yi nga se famba masangu.
^ Vona Xiyengetelo A5.