Mikiya 1:1-16
1 Leswi hi leswi Yehovha a nga ni byela swona mina Mikiya*+ wa le Morexeti, nkama ni nga kombiwa swa ku yelana na Samariya na Yerusalema hi nkama wa ku fuma ka Yothamu,+ Akazi+ na Hezekiya+ ku nga tihosi ta Yuda:+
2 “Yingisani n’wina hinkwenu!
Yingisa, wena misava ni hinkwaswu leswi nga ka wena,Yehovha Hosi Leyikulu a a ku yavanyisi,+Yehovha a a ku yavanyisi na a li ka tempele ya yena ya ku kwetsima.
3 Vonani! Yehovha a ta huma hi ka ndhawu ya yena;A ta xika a kandzihetela tindhawu ta vona ta ku gandzela ka tona.
4 Tintshava ti ta deretera hi mhaka ya yena,+Ni swinkovani swi ta yavana,Ku fana ni mafurha* lama dereterisiwaka hi ndzilu,Ku fana ni mati lama halatiwaka ka ndhawu leyi yehlaka.
5 Hinkwaswu leswi swi vangiwa hi mhaka ya ku kala ku yingisa ka Yakobe,Ni hi mhaka ya swidjoho swa Vayisrayele.+
I mani lweyi a faneleke a soliwa hi mhaka ya ku kala ku yingisa ka Yakobe?
A hi Samariya?+
Ti kwini tindhawu ta ku tlakuka leti Yuda a gandzelaka ka tona?+
Indjhe a hi Yerusalema?
6 Ni ta yendla swaku Samariya a va ndhawu ya ku hohlokela,*A ta va masimu ya mawuvha;Ni ta txukumeta maribye ya yena ka nkova,Naswona masungulo* ya yena ma ta voneka.
7 Swikwembu swa yena hinkwaswu swa ku vatliwa swi ta pfotlosiwa,+Ni hinkwaswu leswi a nga nyikiwa swona nkama na a yendla wunghwavani swi ta hisiwa.+
Ni ta helisa swikwembu swa yena hinkwaswu.
Hikusa a swi kume hi mhaka wunghwavani la yena,Swi ta tlhela swi va muholo wa tinghwavani tin’wani.”
8 Ni ta rila, ni vanga guwa hi mhaka ya leswi;+Ni ta famba hi minkondzo naswona na ni nga yambalanga nchumu.+
Ni ta rila ku fana ni timbyana ta khwati,*Ni ta rila ku fana ni tiyintxa.*
9 Hikusa swilondza swa yena a swi nge daheki;+Swi fike ni le Yuda.+
Ntungu wu hangalake wu ya fika ni ka nyanghwa wa vanhu va mina aYerusalema.+
10 “Mi nga va tivisi hi wona aGati;Mi nga tshuki mi rila.
Wumbulukelani ka wuthulu aBeti-Afra.*
11 Fambani na mi nga yambalanga nchumu naswona na mi danisekile, n’wina lava tshamaka* aXafiri.
Lava tshamaka* Zanani a va humanga.
Ku ta va ni xirilo ka doropa la Beti-Ezeli naswona a li nga ha ta ku seketela.
12 Hikusa lava tshamaka* aMaroti a va nyimele swaswinene,Kambe khombo leli taka hi ka Yehovha li fikile ka nyanghwa wa Yerusalema.
13 Panani makavhalu ni tinyolo,* n’wina lava tshamaka* aLakixi.+
Hi n’wina mi nga djohisa lava tshamaka* aSiyoni,Hi n’wina mi nga yendla swaku Israyele a nga yingisi.+
14 Kutani mi ta mu nyika tinyiko* Morexeti-Gati.
Vanhu va Akizibi+ va kanganyise tihosi ta Israyele.
15 Ni ta mi tisela lweyi a nga ta mi hlula,+ n’wina lava tshamaka* aMarexayi.+
Israyele a ta dzunisiwa ku ya fika ni le Adulami.+
16 Tsemetani mpandlha mi tsemeta misisi hi mhaka ya vana va n’wina lava mi va rhandzaka.
Yi tsemeteni yi va mpandlha ku fana ni ya gama,*Hikusa va yisiwe awukaraweni.”+
Tinhlamunselu ta le hansi
^ I magomiselo ya vito leli nge Mikayele kumbe Mikaya, leswi vulaka swaku “I Mani Lweyi A Fanaka Na Yehovha?”
^ Ku nga mafi lawa ma nga ni kola, lawa ma kumeka lomu tinyoxi ti hambelaka kona wulombe.
^ Kumbe: “a va rhumbi”.
^ Kumbe: “fundação la”.
^ Kumbe: “avestruzes.”
^ Lani ku vulavuliwa hi timhungubye.
^ Kumbe: “ka yindlo ya Afra.”
^ Hi Xiheberu: “vavasati lava tshamaka”.
^ Hi Xiheberu: “Vavasati lava tshamaka”.
^ Hi Xiheberu: “vavasati lava tshamaka”.
^ Kumbe: “tin’qolo; makalichi”.
^ Kumbe: “ntombhi ya”.
^ Hi Xiheberu: “vavasati lava tshamaka”.
^ Kumbe: “tinyiko ta ku vhalelisana”.
^ Hi Xiheberu: “vavasati lava tshamaka”.
^ Ku nga muxaka wa xinyanyani.
