Mikiya 2:1-13
2 “Khombo ka lava yendlaka maplanu* ya swa ku biha,Lava pimisaka swa ku biha loko va yetlelile.
Loko dlambu li xa va swi yendla,Hikusa va ni matimba ya ku swi yendla.+
2 Va navela masimu kutani va ma teka;+Ni tiyindlo kutani va ti teka;Va tekela wanuna yindlo ya yena,+Va mu tekela tshomba la yena.
3 Se Yehovha a li:
‘Ndjangu lowu wu ta kumana ni khombo+ naswona a wu nge poni.+
A wu nge he tibyeli+ hikusa i nkama wa khombo.+
4 Hi siku lolelo vanhu va ta vula xihlayahlaya hi wena,Va ta ku rila swinene.+
Va ta ku: “Hi helisiwile!+
A teke tshomba la hina a li nyika van’wani.+
A teke masimu ya hina a ma nyika lava kalaka va nga tshembeki.”
5 Kutani a wu nga ha ta va ni munhu wa ku pima ndhawu hi goda,Leswaku a yavela vanhu va Yehovha tiko.
6 “Tshikani ku chumayela!” kambe va chumayela,“A va fanelanga va chumayela swilo leswi;A hi nge danisiwi!”
7 Ku vuliwa leswi, n’wina vatukulu va Yakobe:
“Indjhe Yehovha* a hele mbilu?
Indjhe leyi a hi mintirho ya yena?”
Indjhe marito ya mina a ma va pfuni lava ku lulama?
8 Kambe swoswi vanhu va mina va ni djikelile.
Mi susa xa ku sasekisa hi xona ni* mpahla ya konaKa lava hundzaka na va titshemba ku fana ni lava vuyaka hi nyimpini.
9 Mi hlongola vavasati va vanhu va mina ka tiyindlo ta vona leti va ti rhandzaka;Ka vana va vona, mi susa minkateko ya mina hi nkama wa ku kala wu nga heli.
10 Sukani mi famba hikusa leyi a hi ndhawu ya ku humula ka yona.
Leswi tiko li nga chakisiwa,+ ku ta va ni ku helisiwa, ku helisiwa kakukulu.+
11 Loko munhu lweyi a hlongolisaka moya a tlhela a hanya hi ku kanganyisa, o hemba a ku:
“Ni ta mi djondzisa hi ta vhinyu ni byala,”
Yelweyo a ta va mudjondzisi lweyi a lavaka ku tsakisa vanhu lava!+
12 Ni ta mi hlengeleta hinkwenu n’wina vandjangu wa Yakobe;Ni ta hlengeleta hinkwavu lava nga sala va Israyele.+
Va ta twanana ku fana ni tinyempfu leti nga xib’aleni,Ku fana ni ntlhambi lowu nga ka ndhawu leyi wu luseliwaka ka yona;+Kolanu ku ta va ni guwa la vanhu.’+
13 Lweyi a nga rhanga phambheni ka vona a ta boxa khumbi kutani va ta mu landzela;Va ta baleka va huma hi ka nyanghwa.+
Hosi ya vona yi ta va phambheni ka vona,Na va rhangeliwa hi Yehovha.”+
