Mikiya 3:1-12
3 Ni te: “Ni kombela mi yingisa n’wina varhangeli va ndjangu wa YakobeNa n’wina varhangeli va vanhu va Israyele.+
Kasi a mi nga fanelanga mi tiva swa ku lulama?
2 Kambe mi nyenya swaswinene+ mi rhandza swa ku biha;+Mi yevula xikhumba xa vanhu va mina mi susa ni nyama ka marhambu ya vona.+
3 Mi tlhela mi dla nyama ya vanhu va mina,+Mi yevula ni xikhumba xa vona,Mi pfotlosela marhambu ya vona ma va swikhemu,+Ku fana ni leswi swekiwaka ka panela, ku fana ni nyama ka panela la ku swekela ka lona.
4 Hi nkama wolowo va ta kombela Yehovha swaku a va pfuna,Kambe a nga ta va hlamula.
Hi nkama wolowo a ta va komba nhlana,+Hi mhaka ya mintirho ya vona ya ku biha.+
5 Yehovha a vula leswi ka vaprofeta lava djikisaka vanhu va mina,+Lava nge: ‘Ku rhulile!’+ loko va nyikiwa swakudla,+Kambe loko munhu a nga va nyiki nchumu va pfuxa nyimpi:
6 ‘Mi ta va ni munyama;+ a mi nga ha ta kombiwa nchumu hi Xikwembu;*+Ku ta mphuma, a mi nge he swi koti ku hlahluva.
Vaprofeta va ta peleliwa hi dlambu,Nhlikanhi wu ta txintxa wu va munyama ka vona.+
7 Lava va vonaka minchumu hi ndlela ya singita* va ta dana,+Lava vhumbhaka va ta dana.
Hinkwavu ka vona va ta boheka ku tipfala minomo,*Hikusa Xikwembu a xi nga ta va hlamula.’”
8 Mina ni nyikiwe matimba hi moya wa ku kwetsima wa Yehovha,Ni wululami ni ku tiya nhlana,Swaku ni byela Yakobe hi ku kala ku yingisa ka yena na Israyele hi xidjoho xa yena.
9 Ni kombela mi yingisa leswi, n’wina varhangeli va ndjangu wa YakobeNa n’wina varhangeli va vanhu va Israyele,+N’wina lava nyenyaka swa ku lulama ni lava txintxaka hinkwaswu swaswinene,+
10 N’wina lava yakaka doropa la Siyoni hi ku halata ngati ni ku yaka Yerusalema hi swa ku kala swi nga lulamanga.+
11 Varhangeli va lona va pfumela ku xaviwa loko va yavanyisa,+Vaprista va lona va lava ku holeliwa loko va djondzisa,+Ni vaprofeta va lona va hlahluva swaku va kuma male.+
Kambe va tibyela swaku va tshemba Yehovha, va ku:
“Kasi Yehovha a nga na hina?+
A hi nge kumiwi hi khombo.”+
12 Siyoni a ta rimiwa ku fana ni nsimu,Hi mhaka ya n’wina,Yerusalema a ta va ndhawu leyi nga dilikela,*+Ntshava ya Yindlo* ya Xikwembu yi ta fana ni tindhawu ta ku tlakuka akhwatini.+
Tinhlamunselu ta le hansi
^ Hi Xiheberu: “xivono.”
^ Hi Xiheberu: “swivono”.
^ Ka minkama ya ku tsaliwa ka Bibele ku tipfala nomo a swi kombisa swaku munhu a danile.
^ Kumbe: “marhumbi”.
^ Kumbe: “Ntshava ya Tempele”.
