Mikiya 7:1-20
7 Khombo ka mina! Ni fana ni lweyi wa ku,Loko se ku hlengeletiwe a mihandzu ya malangaNi ku suseleliwa leswi nga sala loko se ku tshoveliwile mawuvha,A kalaka a nga ha kumi xitxatxa xa mawuvha swaku a ta dla,Kumbe makuwa ya ku sungula lawa ni ma navelaka.
2 Lweyi wa ku tshembeka a helisiwile* amisaveni;A ku na wa ku lulama xikarhi ka vanhu.+
Hinkwavu ka vona va tumbelela vanhu swaku va ta halata ngati.+
Mun’wani ni mun’wani a hlota makwavu hi likoka.*
3 Mavoko ya vona ma lunghekele ku yendla swa ku biha;+Murhangeli a londza swilo ka vanhu,Muyavanyisi a lava ku xaviwa,+Munhu lweyi a hloniphiwaka a hlaya leswi a swi lavaka,+Se va yendla maplanu* ya vona xikan’we.
4 A wa munene hintamu ka vona a fana ni mimintwa,A wa ku lulama ngopfu ka vona a bihe ku tlula ni mimintwa.*
Siku la vagwardu va wena ni la ku yavanyisiwa ka wena li ta fika.+
Kutani va ta chava.+
5 U nga mu tshembi munghanu wa wenaKumbe munghanu wa wena wamukulu.+
Tivonele loko u vulavula ni wansati lweyi a yetlelaka ka xifuva xa wena.
6 Hikusa n’wana wa djaha a delela papayi wa yena,N’wana wa ntombhi a lwa ni mamani wa yena,+Mamanyani* a lwa ni n’wingi wa yena;+Munhu a nyenyiwa hi vandjangu wa yena.+
7 Kambe mina ni ta tshama na ni nyimele Yehovha.+
Ni ta nyimela Xikwembu lexi ni ponisaka.+
Xikwembu xa mina xi ta ni yingisa.+
8 Wena nala* wa mina u nga tsaki.
Hambileswi ni nga wa ni ta pfuka;Hambileswi ni tshamaka ka munyama, Yehovha a ta va ku vonakala ka mina.
9 Ni ta tiyisela ku kwata ka YehovhaAnze a kambela mhaka ya mina, a ni yavanyisa hi ku lulama,Hikusa ni mu djohelile.+
A ta ni humesa a ni yisa ka ku vonakala;Ni ta vona ku lulama ka yena.
10 Nala wa mina a ta swi vona,Naswona lweyi a nga vula a ku: “A kwini Yehovha Xikwembu xa wena?”+
A ta dana
Ni ta mu txuvuka.
A ta psanyeteliwa ku fana ni madaka ka switaratu.
11 Ku ta va siku la ku yakiwa ka mimuru ya wena ya maribye;Hi siku lolelo ku ta yengeseliwa ndhawu ya wena.*
12 Hi siku lolelo va ta ku telaNa va sukela aAsiriya ni ka madoropa ya Gibita,Ni ku sukela aGibita ku ya fika ka Nambu wa Ewufrata;Ku sukela ka lwandle ku ya fika ka lwandle, ni ku sukela ka ntshava ku ya fika ka ntshava.+
13 Tiko li ta hohlokela* hi mhaka ya lava tshamaka ka lona,Hi mhaka ya leswi va nga swi yendla.
14 Risa vanhu va wena hi nhonga, ntlhambi wa tshomba la wena,+Lowu a wu tshama na wu li woxe akhwatini axikarhi ka masimu ya mihandzu.
A va dle na va li aBaxani ni le Jiliyadi+ ku fana ni ka masiku ya khale.
15 “Ku fana ni ka masiku lawa mi nga huma hi wona ka tiko la Gibita,Ni ta va komba swilo swa ku hlamalisa.+
16 Matiko ma ta swi vona ma gama ma dana hambileswi ma nga ni matimba.+
Ma ta tipfala nomo hi voko;Tindleve ta wona a ti nga ha ta twa.
17 Ma ta nampsa wuthulu ku fana ni tinyoka;+Ku fana ni swiharhi leswi fambaka hi khwirhi ma ta huma lomu ma nga tumbela kona na ma rhurhumela.
Ma ta ta ka Yehovha Xikwembu xa hina na ma rhurhumela,Ma ta ku chava.”+
18 Hi xini Xikwembu lexi fanaka na wena,Lexi rivalelaka xihoxo funtshi xi kalaka xi nga konteli minandzu+ ya lava nga sala va tshomba la xona?+
A xi nge tshami na xi kwatile,Hikusa xi tsakela lirhandzu la ntiyiso.+
19 Xi ta tlhela xi hi komba timpsalu;+ xi ta tima swihoxo swa hina.
Wena u ta txukumeta swidjoho swa hina hinkwaswu andzeni ka lwandle.+
20 U ta tshembeka ka Yakobe,U komba Abrahamu lirhandzu la ntiyiso,Hi ku landza leswi u nga swi fungela vavhovho va hina ku sukela khale.+
Tinhlamunselu ta le hansi
^ Kumbe: “redi.”
^ Kumbe: “a nga ha li kona”.
^ Kumbe: “makungu”.
^ Kumbe: “xihlahla xa mimintwa.”
^ Kumbe: “Mawokazani”.
^ Hi Xiheberu rito leli nge “nala” leli nga tirhisiwa lani li kombetela ka wansati.
^ Kumbexana: “nawu wu ta va kule swinene.”
^ Kumbe: “li ta va rhumbi”.
