Mintirho Ya Vapostolo 6:1-15
6 Hi masiku wolawo, nkama vadjondzisiwa a va ya va yengeteleka, Vayuda lava vulavulaka Xigriki va sungule ku khala hi mhaka ya Vayuda lava vulavulaka Xiheberu, hikusa a va nga va hlayisi kahle vavasati lava a va vulavula Xigriki lava a va feliwe hi vavanuna nkama na va phakela swakudla swa siku ni siku.+
2 Se lava 12 va vitana vadjondzisiwa hinkwavu kutani va ku: “A hi swinene* swaku hi tshika rito la Xikwembu hi ya phakela swakudla amezeni.+
3 Se vamakwerhu, langani 7 wa vavanuna va ku tshembeka*+ xikarhi ka n’wina, lava nga ni moya wa ku kwetsima wa Xikwembu ni wutlharhi+ swaku hi ta va nyika ntirho lowu wa lisima;+
4 kambe hina hi ta tinyiketela ka swikhongelo ni le ku djondziseni ka rito la Xikwembu.”
5 Hinkwavu lava a va li kolanu swi va tsakisile leswi va nga swi vula; se va langa Stefano, wanuna lweyi a a ni lipfumelo la ku tiya swinene ni moya wa ku kwetsima, na Filipi,+ Prokoro, Nikanoro, Timoni, Parmena na Nikolawu muprozelita* wa le Antiyokiya.
6 Va va tise ka vapostolo, se vapostolo va khongela va gama va va tlhateka mavoko.+
7 Leswi swi yendle swaku rito la Xikwembu li tama li hangalaka,+ ni numeru ya vadjondzisiwa yi ya yi kula swinene+ aYerusalema naswona vaprista va vanyingi va sungule ku va vapfumeli.+
8 Kutani Stefano lweyi a a tsakeliwa hi Xikwembu ni lweyi xi nga mu nyika matimba, a a yendla swilo swaswikulu swa ku hlamalisa ni masingita xikarhi ka vanhu.
9 Kambe ku humelele vavanuna van’wani lava taka hi ka sinagoga* leli vitaniwaka Sinagoga La Lava Nga Chunsiwa, ku patsa ni lava taka hi le Kirene, Alexandriya ni van’wani lava taka hi le Kilikiya ni le Aziya swaku va ta phikizana na Stefano.
10 Kambe a va gwentanga hikusa a a ni wutlharhi ni moya wa ku kwetsima.+
11 Se va hlohlotela vanhu swaku va ku: “Hi mu twe na a rhuketela* Moxe ni Xikwembu.”
12 Kutani va xengetela xitshungu, madoda ni vatsali; se va ta va ta mu teka hi nkanu va mu yisa Tribunali.*
13 Se va tisa vafakazi va mavunhwa va fika va ku: “Wanuna lweyi a nga tshiki ku vulavula swa ku biha hi ndhawu leyi ya ku kwetsima ni hi Nawu wa Moxe.
14 Hi xikombiso, hi mu twile na a vula swaku Yesu wa le Nazareta a ta diliza ndhawu leyi a tlhela a txintxa swihena leswi hi nga swi kuma ka Moxe.”
15 Se lava a va tshamile aTribunali* va mu txuvuka, va vona swaku nghohe* ya yena yi fana ni ya ntsumi.
Tinhlamunselu ta le hansi
^ Hi Xigriki: “A swi hi tsakisi”.
^ Kumbe: “va nga ni ndhuma yayinene”.
^ Ku nga munhu lweyi wa ha ku yamukelaka wukhongeli la Xiyuda.
^ I ndhawu leyi Vayuda a va kumana ka yona swaku va khongela va tlhela va lerha matsalwa.
^ Kumbe: “a vula marito ya ku rhuka”.
^ Hi Xigriki: “Sinedri.” Ku nga Tribunali Lalikulu la Vayuda.
^ Hi Xigriki: “Sinedri”.
^ Kumbe: “kara la”.
