Nahume 1:1-15
1 Ku yavanyisiwa ka doropa la Ninivha:+ Buku ya leswi mina Nahume* wa Muelikoxi ni nga kombiwa swona hi Xikwembu:*
2 Yehovha i Xikwembu lexi lavaka swaku ku gandzeliwa xona ntsena+ naswona xa hakelisa;Yehovha wa hakelisa naswona a lunghekile swaku a kombisa ku kwata ka yena.+
Yehovha wa hakelisa ka valala va yena,Naswona ku kwata ka yena a ku vekela valala va yena.
3 Yehovha a hlwela ku kwata+ naswona a ni matimba yamakulu,+Kambe Yehovha a nge tshiki ku khatisa lava faneliwaka hi ku khatisiwa.+
Loko a famba, ku ba moya ni xidzedze lexi helisaka,Marhefu ma fana ni wuthulu ka minenge ya yena.+
4 A kawuka lwandle,+ a yendla swaku li psha;*A pshisa ni minambu hinkwayu.+
Swinsinyani swa tiko la Baxani ni la Karmeli swa vuna,+Ni swiluva swa Lebanoni swa vuna.
5 Tintshava ta tsekatseka hi mhaka ya yena,Ni maganga ma deretera.+
Misava yi ta tsekatseka hi mhaka ya nghohe* ya yena,Ku patsa ni tiko ni vanhu hinkwavu lava tshamaka ka lona.+
6 I mani lweyi a nga nyimaka phambheni ka ku kwata ka yena?+
I mani lweyi a nga tiyiselelaka ku kwata ka yena kakukulu?+
Ku kwata ka yena ku ta chululiwa ku fana ni ndzilu,Naswona maribye ma ta fayeka hi mhaka ya yena.
7 Yehovha i munene,+ i ndhawu ya ku tumbela hi siku la mahlomulu.+
Wa va hlayisa* lava lavaka ku tumbela ka yena.+
8 A ta kukula doropa* leli hi ndhambi li helisiwa,Munyama wu ta txatxa valala va yena.
9 Hi wani maplanu* lawa mi nga mu yendlelaka wona Yehovha?
Phela a ta helisa swa wugamu.
Mahlomulu a ma nge he tlheli ma va kona.+
10 Hikusa vanhu va Ninivha va phasanile ku fana ni mimintwa,Va fana ni vanhu lava nga dakwa hi byala;*Kambe va ta hisiwa ku fana ni mahlanga.*
11 Ka wena ku ta huma lweyi a yendlaka maplanu ya ku biha ya ku lava ku lwa na Yehovha,A nyikela xitsundzuxu xa ku kala xi nga pfuni nchumu.
12 Yehovha a li:
“Hambileswi va nga ni matimba va tlhela va li vanyingi,Va ta helisiwa va nga ha li kona.
Ni ku xanisile wena Yuda, kambe a ni nge he tlheli ni ku xanisa.
13 Ni ta tshova kange* la yena leli nga henhla ka wena,+Magoda lawa ma nga ku boha ni ta ma tsema hi xikarhi.
14 Yehovha a vule leswi hi wena Asiriya,‘Vito la wena li ta helisiwa.
Ni ta helisa swikwembu swa ku vatliwa ni swa nsimbi leswi nga ka tempele* ya wena.
Ni ta ku txelela sirha, hikusa wa nyenyentsa.’
15 Phela minenge ya lweyi a tisaka mahungu ya ku tsakisa yi le ka tintshava,Lweyi a huwelelaka ku rhula a ta hi ka tintshava.+
Hamba mafexta ya wena,+ wena Yuda, yendla leswi u nga swi funga,Hikusa xiphunta a xi nge he tlheli xi tsemakanya hi ka ndhawu ya wena.
Xi ta helisiwa swa wugamu.”
Tinhlamunselu ta le hansi
^ Leswi vulaka “Mutiyisi”.
^ Hi Xiheberu: “xivono.”
^ Kumbe: “khwa.”
^ Kumbe: “kara la”.
^ Hi Xiheberu: “tiva”.
^ Ku nga Ninivha.
^ Kumbe: “makungu”.
^ Kumbe: “byala la trigu.”
^ Hi leswi trigu li kulelaka ka swona, leswi salaka hansi loko ku tshoveliwa.
^ Kumbe: “djoko; jugo”.
^ Hi Xiheberu: “ka yindlo”.
