Nahume 3:1-19
3 Khombo ka doropa leli halataka ngati!
Li tale hi mavunhwa ni vayivi.
Li tshama na li ni lava li va kanganyisaka!
2 Ku twakala guwa la xisephu ni guwa la maroda,Ku twakala ni ku tsutsuma ka kavhalu ni nyolo* leyi tlulatlulaka.
3 Mufambisi wa kavhalu, ku phatima ka xipada ni tlharhi,I vanyingi lava nga dlayiwa ni mintsumbu i yinyingi,Mintsumbu yi yo mba mba mba!
Va tshamela ku pharhiyetiwa hi mintsumbu.
4 Leswi, swi vangiwa hi mhaka ya swidjoho swa yena swa swinyingi swa wunghwavani,I nghwavani leyi navetisaka hi ku saseka, i wansati wa ku loya,Lweyi a phasaka matiko hi wunghwavani la yena ni mindjangu hi wuloyi la yena.
5 “Ni lwa na wena Ninivha,” ku vula Yehovha murhangeli wa tintsumi,+“Ni ta ku gwavula mpahla ya wena leyi u nga yi yambala ni ku pfala nghohe* hi yona;Ni ta yendla swaku matiko ma vona tingana ta wena,Mimfumu yi ta vona tingana ta wena.
6 Ni ta ku chela hi chakaNi ta yendla swaku u nyenyentsa;Ni ta ku yendla xihlekiso.+
7 Hinkwavu lava ku vonaka va ta fambela kule na wena+ va ku:‘Ninivha a helisiwile!
I mani lweyi a nga ta mu singatha?’
Ni ta va kuma kwini lava va nga ta ku tiyisa?
8 Indjhe wena wa yampsa ku tlula doropa la No-Amoni,*+ leli a li li kusuhi ni Nambu wa Nilu?+
A li rhendzeliwe hi mati;Tshomba la lona ni muru wa lona a ku li lwandle.
9 Etiyopiya na Gibita a va li matimba ya yena lawa a nga tshemba wona.
Puti+ ni vanhu va le Libiya va mu pfunile.+
10 Kambe hambi No-Amoni a ve xikarawa;A yisiwe awukaraweni.+
Vana va yena na vona va dlayeteliwile aswitaratwini.*
Va hoxa swiribyani* va hoxela vavanuna va vona lava hloniphekaka,Naswona vavanuna va yena hinkwavu va matimba va bohiwe hi machini.
11 Na wena u ta dakwa;+U ta ya tumbela.
U ta lava ndhawu ya ku tumbela ka nala wa wena.
12 Makhumbi hinkwawu ya doropa la wena ma fana ni minsinya ya makuwa leyi nga ni makuwa lawa ma nga rhanga ma wupfa;Loko yi hlakahliwa, makuwa ma ta wetetela ma dliwa.
13 Phela masonchwa ya wena ma fana ni vavasati lava nga xikarhi ka wena.
Tinyanghwa ta tiko la wena ti ta pfuliwa swaku valala va wena va nghena.
Tinyanghwa ta wena ti ta hisiwa hi ndzilu.
14 Khelela mati lawa u nga ta ma tirhisa nkama u nga ta rhendzeliwa.+
Tiyisa makhumbi ya doropa la wena.
Nghena ka madaka u pfuva vumba;Khoma foxolo swaku u yendla switini.*
15 Hambi u li koseniyani ndzilu wu ta ku helisa.
Xipada xi ta ku dlaya.+
Xi ta ku dla ku fana ni swintetani.+
Tala ku fana ni swintetani!
U tala ku fana ni mintete.
16 U yendle swaku vaxavisi va wena va va vanyingi ku tlula ni tinyeleti ta matilo.
Swintetani swi txintxa xikhumba swi gama swi haha.
17 Vagwardu va wena va fana ni mintete,Ni varhangeli va wena va fana ni ntlawa wa mintete.
Yi tshama ka maribye loko ku titimela,Kambe loko dlambu li huma, ya haha;A nga kona lweyi a tivaka lomu yi nga kona.
18 Valusi va wena va khudzehela, wena hosi ya Asiriya;Varhangeli va wena va tshama makaya ka vona.
Vanhu va wena va hangalakele ka tintshava,A nga kona lweyi a va hlengeletaka.+
19 Mahlomulu ya wena a ma heli.
Xilondza xa wena a xi holi.
Hinkwavu lava twaka mahungu ya wena va ta ba mavoko;+Hikusa i mani lweyi a kalaka a nga hluphekanga hi mhaka ya mona wa wena?”+
Tinhlamunselu ta le hansi
^ Kumbe: “n’qolo; kalichi”.
^ Kumbe: “kara”.
^ Ku nga Tabesi.
^ Vona Ntlhamuselo.
^ Hi Xiheberu: “lani tindlela ti tlhanganaka kona.”
^ Kumbe: “matijolu.”
