Obadiya 1:1-21
1 Hi leswi mina Obadiya* ni nga kombiwa swona hi Xikwembu:*
Yehovha Hosi Leyikulu a vula leswi hi Edomu:+
“Hi twe rungula leli taka hi ka Yehovha,Ku rhumeliwe munyimeli xikarhi ka matiko a ku:
‘A hi tilunghiseleleni swaku hi lwa na yena.’”+
2 “Waswivo! Ni yendle swaku u va wamutsongo xikarhi ka matiko;U voneliwa hansi swinene.+
3 Ku tibyela ka mbilu ya wena ku ku kanganyisile,+Wena lweyi u tshamaka ka mimhakwa,*U tshama ka ndhawu ya ku tlakuka, u tiba xifuva u ku:‘I mani lweyi a nga ta ni tlhuva?’
4 Hambiloko wo tshama henhla* ku fana ni gama,*Kumbe u yaka xisaka xa wena xikarhi ka tinyeleti,Ni ta ku tlhuva u wa hansi,” ku vula Yehovha.
5 “Loko a wo ngheneliwa hi vayivi, lava tekaka minchumu niwusiku,(Phela a va ta ku dlaya!)*
Indjhe a va nga ta yiva leswi va swi lavaka ntsena?
Kumbe loko a wo ngheneliwa hi lava khayaka mawuvha,Indjhe a va nga ta siyanyana yamatsongo?*+
6 Vona leswi Esawu a hlotisiwaka swona!
Vona leswi tshomba la yena leli nga fihliwa li lavisiwaka swona!
7 Va ku txatxile ku ya fika lomu tiko li tsemaka hi kona.
Vanhu hinkwavu lava u nga yendla ntwananu na vona va ku kanganyisile.
Vanhu lava a wu hanyisana na vona va lwe na wena va ku hlula.
Lava dlaka pawu na wena va ta ku rhiya hi rediKambe a wu nga ta swi tsumbula.
8 Hi siku lolelo,” ku vula Yehovha,“Indjhe a ni nga ta va helisa lava ku tlhariha aEdomu+Ni lava nga ni ku twisisa ka tiko la Esawu leli nga ka tintshava?
9 Tinhenha ta wena ti ta chava,+ wena tiko la Temani,+Hikusa mun’wani ni mun’wani lweyi a nga ka tiko la Esawu leli nga ni tintshava a ta dlayiwa.+
10 Hi mhaka ya mona lowu u nga wu yendla ka makwenu wa wena Yakobe,+U ta dana,+Naswona u ta helisiwa swa wugamu.+
11 Siku leli u nga nyima u khondla mavoko,Siku leli valala va* nga yendla masonchwa ya yena swikarawa,+Nkama lowu valala* va nga nghena ka nyanghwa wa yena va gama va yavelana nhundzu ya Yerusalema hi ku hoxa swiribyani,*+U nyime na vona.
12 A wu nga fanelanga u tsaka hi mhaka ya leswi makwenu a nga kumana ni khombo,+A wu nga fanelanga u tsaka nkama Vayuda va nga helisiwa,+A wu nga fanelanga u tibuma hi nkama lowu a va li mahlomulweni.
13 A wu nga fanelanga u ta ka nyanghwa wa vanhu va mina nkama na va hlaseliwa,+A wu nga fanelanga u tsaka hi mhaka ya khombo leli a nga kumana na lona,A wu nga fanelanga u teka tshomba la yena nkama na a hlaseliwa.+
14 A wu nga fanelanga u nyima lomu ku tlhanganaka tindlela swaku u dlaya vanhu va yena lava balekaka,+Naswona a wu nga fanelanga u khoma vanhu va yena lava nga pona loko va hlaseliwa.+
15 Hikusa siku la Yehovha la ku lwa ni matiko hinkwawu li le kusuhi.+
Leswi u nga swi yendla na wena u ta yendliwa swona.+
Leswi u nga va khomisa swona van’wani na wena u ta khomisiwa swoleswo.
16 Ku fana ni leswi mi nga phuzisa swona henhla ka ntshava ya mina ya ku kwetsima,Na wona matiko hinkwawu ma ta tshamela ku phuza ku kwata ka mina ku fana ni vhinyu.+
Ma ta phuza, ma kukutlela ku kwata ka mina,Kutani swi ta fana ni loko ma nga se tshama ma va kona.
17 Kambe lava balekaka va ta va ka Ntshava ya Siyoni,+Yi ta va ya ku kwetsima;+Kutani vatukulu va Yakobe va ta teka swilo swa vona.+
18 Vatukulu va Yakobe va ta fana ni ndzilu,Vatukulu va Yosefa va ta fana ni ndzilu,*Kasi vatukulu va Esawu va ta fana ni mahlanga;*Va ta hisiwa, va hela,A nga kona lweyi a nga ta pona ka vatukulu va Esawu,+Hikusa Yehovha a swi vulile.
19 Va ta teka tiko la Negebi ni ndhawu ya Esawu leyi nga ni tintshava,+Na Xefela ni tiko la Vafilista.+
Va ta teka tiko la Efrayimi ni la Samariya,+Kasi Benjamini a ta teka Jiliyadi.
20 Kasi vanhu va Israyele lava nga le wukaraweni lava nga suka hi ka ndhawu leyi,+Va ta teka tiko la Vakanana ku ya fika aSarepta.+
Vanhu va le Yerusalema lava nga wukaraweni, lava a va li aSefaradi, va ta teka madoropa ya Negebi.+
21 Lava nga ta va chunsa va ta ya ka Ntshava ya SiyoniSwaku va yavanyisa tiko la Esawu leli nga ni tintshava,+Wuhosi li ta va la Yehovha.”+
Tinhlamunselu ta le hansi
^ Leswi vulaka “Mutirheli wa Yehovha”.
^ Hi Xiheberu: “xivono”.
^ Ku nga mimbhovo leyi yi kumekaka ka maribye.
^ Kumbexana: “u hahela henhla”.
^ Ku nga muxaka wa xinyanyani.
^ Kumbexana: “A va ta teka yini?”
^ Kumbe: “ya ku khwadja.”
^ Vona Ntlhamuselo.
^ Hi Xiheberu: “lava taka hi ka matiko man’wani”.
^ Hi Xiheberu: “lava taka na va famba”.
^ Kumbe: “langavi”.
^ Hi leswi trigu li kulelaka ka swona, leswi salaka hansi loko ku tshoveliwa.
