Sofaniya 1:1-18
1 Yehovha a vulavule na mina Sofaniya* n’wana wa Khuxi, n’wana wa Gedaliya, n’wana wa Amariya, n’wana wa Hezekiya, hi nkama lowu a ku fuma Yosiya+ n’wana wa Amoni+ hosi ya Yuda, a ku:
2 “Ni ta helisa hinkwaswu leswi nga misaveni,” ku vula Yehovha.+
3 “Ni ta helisa vanhu ni swiharhi.
Ni ta helisa swinyanyani ni tihlampfi ta le lwandle,+Ni swilo leswi yendlaka swaku vanhu va djoha*+ ku patsa ni lava yendlaka swa ku biha;Ni ta helisa ni vanhu amisaveni,” ku vula Yehovha.
4 “Ni ta tlakusa voko la mina swaku ni lwa na YudaNi hinkwavu lava tshamaka aYerusalema,Naswona ni ta helisa vagandzeli va Bali+ lava nga sala ka ndhawu leyi,Vito la vaprista va xikwembu xa matiko man’wani ni vaprista va kona,+
5 Ni lava gandzelaka dlambu, n’weti ni tinyeleti ahenhla ka tiyindlo,+Ni lava khizamaka va tshembisa Yehovha swaku va ta mu gandzela,+Kambe va tlhela va tshembisa ku gandzela Malikomo;+
6 Ni lava tshikaka ku gandzela Yehovha+Ni lava kalaka va nga mu laveteli Yehovha kumbe ku vutisa hi ta yena.”+
7 Miyelani phambheni ka Yehovha Hosi Leyikulu, hikusa siku la Yehovha li le kusuhi.+
Yehovha a lulamisele gandzelo; a kwetsimise vanhu lava a nga va rhamba.
8 “Hi siku la gandzelo la Yehovha ni ta laya varhangeli,Vana va hosi+ ni hinkwavu lava nga yambala mpahla ya matiko man’wani.
9 Ni ta laya hinkwavu lava khwelaka ka xitshamu xa wuhosi hi siku lolelo,Lava tataka yindlo ya n’winyi wa vona hi tinyimpi ni wukanganyisi.
10 Hi siku lolelo,” ku vula Yehovha,“Ku ta twakala xirilo ka Nyanghwa wa Tihlampfi,+Ni ku konya ka Xiyenge xa Wumbirhi xa doropa,+Ni guwa lalikulu ka maganga.
11 Banani tinyandha n’wina lava tshamaka Makitexi,*Hikusa vaxavisi hinkwavu va helisiwile;*Hinkwavu lava va pimaka prata va helisiwile.
12 Ka nkama wolowo ni ta lavetela Yerusalema hi swa ku voninga hi swona,Ni ta laya hinkwavu lava kalaka va nga na mhaka ni nchumu,* lava tibyelaka va ku:‘Yehovha a nge yendli swaswinene naswona a nge yendli swa ku biha.’+
13 Tshomba la vona li ta teketeliwa ni tiyindlo ta vona ti ta helisiwa.+
Va ta yaka tiyindlo, kambe a va nge tshami ka tona;Va ta rima masimu ya mawuvha, kambe a va nge phuzi vhinyu la kona.+
14 Siku lalikulu la Yehovha li le kusuhi!+
Li le kusuhi naswona la ta hi ku hantlisa swinene!+
Guwa la siku la Yehovha la chavisa.+
Hi siku lolelo nhenha yi ta ba nyandha.+
15 Siku lolelo i siku la ku kwata+Siku la mahlomulu ni ku karhateka,+Siku la xidzedze ni ku wonhetela,Siku la ku mphuma ni munyama,+Siku la marhefu ni munyama wawukulu,+
16 Siku la ku chayiwa ka limhondzo ni la guwa la nyimpi,+Swaku ku lwiwa ni madoropa lawa ma nga ni mimuru ya ku tiya ni maprediyu* ya ku tlakuka.+
17 Ni ta vangela vanhu mahlomulu,Va ta famba ku fana ni vanhu lava nga fa matihlo,+Hikusa va djohele Yehovha.+
Ngati ya vona yi ta chululiwa ku fana ni wuthulu,Ni nyama* ya vona ku fana ni chaka.*+
18 Prata kumbe woru la vona a li nga ta swi kota ku va ponisa hi siku la ku kwata ka Yehovha;+Hikusa misava hinkwayu yi ta helisiwa hi ku kwata ka yena loku fanaka ni ndzilu,+Hikusa a ta helisa vanhu hinkwavu va misava hi ndlela ya ku vava.”+
Tinhlamunselu ta le hansi
^ Leswi vulaka “Yehovha A Fihlile (Hlayisile)”.
^ Swi tikomba ku li minchumu kumbe mintirho leyi fambisanaka ni ku gandzela swikwembu swa mavunhwa.
^ Swi nga yendleka a ku li xiyenge xin’we aYerusalema akusuhi ni Nyanghwa wa Tihlampfi.
^ Hi Xiheberu: “miyetiwile.”
^ Hi Xiheberu: “lava nga tshamiseka kahle ka swikampfi swa vona,” ku fana ni ka makhuwani ya vhinyu.
^ Kumbe: “swihondzo; switezi”.
^ Hi Xiheberu: “marhumbu”.
^ Ku nga chaka leli munhu a li humesaka loko a tirhuma.
