Sofaniya 2:1-15
2 Hlengeletanani, hlengeletanani,+N’wina tiko leli kalaka li nga dani.+
2 Na ku yavanyisiwa ka n’wina ku nga se yendlekaNa siku li nga se hundza ku fana ni muhungu,Na ku kwata ka Yehovha kakukulu ku nga se mi fikela,+Na siku la ku kwata la Yehovha li nga se mi fikela,
3 Lavani Yehovha,+ n’wina hinkwenu va ku rhula* amisaveni,N’wina mi yingisaka minawu ya yena yayinene.*
Lavani ku lulama, lavani ku rhula.*
Kumbexana mi ta ponisiwa hi siku la ku kwata ka Yehovha.+
4 Hikusa doropa la Gaza li ta sala li nga ha na munhu;Axikeloni ku ta va ndhawu ya ku hohlokela.*+
Axidodi a ta hlongoliwa ninhlikanhi,Kasi Ekroni a ta tsuvuliwa.+
5 “Khombo ka lava tshamaka kusuhi ni lwandle, ka tiko la Vakereti!+
Rito la Yehovha la mi yavanyisa.
Wena Kanana, tiko la Vafilista, ni ta ku helisa,Leswaku ku nga sali munhu.
6 Ndhawu leyi nga kusuhi ni lwandle yi ta va ndhawu ya ku lusela ka yona,Leyi nga ni swihlovo swa valusi ni swib’ala swa tinyempfu leswi nga yendliwa hi maribye.
7 Yi ta va ndhawu ya vanhu va Yuda lava nga sala;+Va ta dlela ka yona.
Nimadlambu va ta yetlela ka tiyindlo ta Axikeloni.
Hikusa Yehovha Xikwembu xa vona a ta va khumbuka,*Kutani a ta vuyisa swikarawa swa vona.”+
8 “Ni twe xirhuku xa Mowabu+ ni xirhuku xa Vaamoni,+Lava nga rhuketela vanhu va mina va tlhela va tibuma hi ku va tekela ndhawu ya vona.+
9 Kutani leswi ni hanyaka,” ku vula Yehovha murhangeli wa tintsumi, Xikwembu xa Israyele,“Mowabu a ta fana na Sodoma,+Vaamoni va ta fana na Gomora,+Ku nga ndhawu leyi nga mila mfava, mugodi wa munyu, tiko leli nga ta kala li nga ha pfuni nchumu.+
Vanhu va mina lava nga sala va ta va tekela swilo swa vona,Ni lava nga sala ka tiko la mina va ta va tekela tiko la vona.
10 Hi leswo va nga ta swi kuma hi mhaka ya ku tibyela ka vona,+Hikusa va rhuketele vanhu va Yehovha murhangeli wa tintsumi va tlhela va titlakusa ka vona.
11 Yehovha a ta chavisa ka vona;Hikusa a ta helisa swikwembu hinkwaswu swa misava,Naswona swihlala* hinkwaswu swa matiko swi ta mu khizamela,*+Xin’wani ni xin’wani na xi li ka ndhawu ya xona.
12 Na n’wina Vaetiyopiya, mi ta dlayiwa hi xipada xa mina.+
13 A ta tlakusa voko la yena ka tlhelo la norte* a helisa Asiriya,A tlhela a yendla swaku Ninivha ku va ndhawu ya ku hohlokela+ ni ya ku woma ku fana ni mananga.
14 Mintlhambi yi ta humula xikarhi ka yena, swiharhi hinkwaswu swa nhova.*
Gumbula* ni nhungu* swi ta yetlela xikarhi ka mapilari ya yena niwusiku.
Rito li ta yimbelela ka majanela.
Ka nyanghwa ku ta va ku wonheteliwile;Hikusa a ta dilizela ku sala mapulangu ya le ndzeni.
15 Leli i doropa leli titlakusaka leli a li vhikelelekile,Leli a li tibyela li ku: ‘Mina hi mina, a ku na mun’wani.’
Vona ndlela leyi li tsemaka nhlana hi yona,I ndhawu leyi swiharhi swa nhova swi humulaka ka yona!
Hinkwavu lava hundzaka hi kusuhi na lona va ta ba noti va tlhela va hlakahla tinhloko hi ku nyenyentseka.”+
Tinhlamunselu ta le hansi
^ Kumbe: “va ku tiveka hansi”.
^ Hi Xiheberu: “wuyavanyisi la yena lalinene.”
^ Kumbe: “ku tiveka hansi.”
^ Kumbe: “marhumbi.”
^ Kumbe: “hlayisa”.
^ Ku nga ma ilhas.
^ Kumbe: “gandzela”.
^ Kumbe: “n’walungu”.
^ Hi Xiheberu: “swiharhi hinkwaswu swa tiko.”
^ Kumbe: “Pelicano”.
^ Kumbe: “porco-espinho”.
