Sofaniya 3:1-20
3 Khombo ka doropa leli nga tshika Xikwembu, leli nga chaka, leli karhataka van’wani!+
2 A li yingisanga;+ a li pfumelanga ku layiwa.+
A li mu tshembanga Yehovha;+ a li tshinelanga ka Xikwembu xa lona.+
3 Varhangeli va lona i tinghonyama leti bongaka.+
Vayavanyisi va lona i mahlolwa* niwusiku;A ma siyi hambi ku li rhambu la ku phorha anze nimixo.
4 Vaprofeta va lona i vaxengi lava tibyelaka.+
Vaprista va lona va chakisa swilo swa ku kwetsima;+A va yingisi nawu.+
5 Yehovha a lulamile ka doropa lolelo;+ a nga yendli swa ku biha.
Mixo wun’wani ni wun’wani a tivisa wuyavanyisi la yena,+Li tshama na li li kona ku fana ni ku xa ka dlambu.
Kambe lweyi a yendlaka swa ku biha a nga dani.+
6 “Ni helise matiko; maprediyu* ya wona ma hohlokelile.*
Ni wonhe switaratu swa wona, naswona a ka ha na munhu lweyi a hundzaka hi ka swona.
Madoropa ya wona ma hohloteliwile, a ma ha na munhu, a ka ha na munhu lweyi a tshamaka ka wona.+
7 Ni ta byela lava tshamaka doropeni ni ku: ‘Phela mi ta ni chava mi pfumela ku layiwa,’+
Swaku ndhawu ya n’wina yi nga helisiwi,+Mi fanele mi tihlamulela* hi mhaka ya swilo leswi hinkwaswu.
Kambe mi tame mi hisekela ku yendla swa ku biha.+
8 ‘Kutani tshamani na mi ni nyimelile,’+ ku vula Yehovha,‘Anze ku fika siku leli ni nga ta tlakuka hi lona ni hlasela vanhu ni teketela swilo swa lisima,*Hikusa ni bohe ku hlengeleta matiko ni mimfumu,Ni chulula ku kwata ka mina ka wona, ku kwata ka mina hinkwaku loku pfurhaka;+Hikusa misava hinkwayu yi ta helisiwa hi ku kwata ka mina loku fanaka ni ndzilu.+
9 Hikusa ka nkama wolowo ni ta txintxa lirimi la vanhu li va lirimi la ku tenga,Leswaku hinkwavu va vitana vito la Yehovha,Va mu tirhela hi mbilu yin’we.’*+
10 Lava va ni gandzelaka, vanhu va mina lava nga hangalakela, va ta tisa xanchumu,+Ku sukela ka tindhawu ta minambu ta Etiyopiya.
11 Hi siku lolelo a wu nge danisiwiHi mhaka ya mintirho ya wena hinkwayu leyi u nga ni tshika hi mhaka ya yona,+Hikusa hi nkama wolowo ni ta susa lava titlakusaka xikarhi ka wena;Naswona a wu nge he tlheli u titlakusa ka ntshava ya mina ya ku kwetsima.+
12 Ni ta siya vanhu lava tivekaka hansi xikarhi ka wena,+Va ta kuma ndhawu ya ku tumbela ka vito la Yehovha.
13 Lava nga sala va Israyele+ a va nge yendli swa ku biha;+A va nge vulavuli mavunhwa kumbe va kanganyisa van’wani;Va ta dla va gama va yetlela, a ku nga ta va ni munhu lweyi a nga ta va chavisa.”+
14 Huwelelani hi ku tsaka, n’wina vanhu va Siyoni!
Bana nkulungwani, wena Israyele!+
Tsakani hi timbilu ta n’wina hinkwatu, n’wina vanhu va Yerusalema!+
15 Yehovha a suse ku yavanyisa ka yena ka wena.+
A hlongole nala wa wena.+
Yehovha, Hosi ya Israyele, a na wena.+
A wu nge he li chavi khombo.+
16 Hi siku lolelo Yerusalema a ta byeliwa leswi:
“U nga chavi, wena Siyoni.+
Mavoko ya wena ma nga tshuki ma hela matimba.
17 Yehovha Xikwembu xa wena a na wena.+
A ta ponisa hileswi a nga ni matimba.
A ta tsaka swinene hi mhaka ya wena.+
A ta kuma ku pepa hi ndlela leyi a ku rhandzaka hi yona.
A ta tsaka hi wena hi ku huwelela ka ku tsaka.
18 Ni ta hlengeleta lava rilaka hi mhaka ya leswi va kalaka va nga tanga ka mafexta ya wena;+A va tanga hi mhaka ya leswi a va rhwale xirhuku xa wena.+
19 Hi nkama wolowo ni ta lwa ni hinkwavu lava ku karhataka;+Ni ta ponisa lweyi a khwitaka,+Ni ta hlengeleta lava nga hangalasiwa.+
Ni ta yendla swaku va dzunisiwa va tlhela va va ni ndhuma*Ka tiko lin’wani ni lin’wani leli va nga danisiwa ka lona.
20 Hi nkama wolowo ni ta mi vuyisa,Ni ta mi hlengeleta.
Hikusa ni ta yendla swaku mi va ni ndhuma* mi tlhela mi dzunisiwa+ ka vanhu hinkwavu va misava,Nkama ni nga ta hlengeleta swikarawa swa n’wina phambheni ka n’wina,” ku vula Yehovha.+
Tinhlamunselu ta le hansi
^ Ku nga muxaka wa mbyana ya khwati.
^ Kumbe: “i marhumbi.”
^ Kumbe: “swihondzo; switezi”.
^ Kumbe: “khatisiwa”.
^ Kumbexana: “ni nga ta nyima ni va mboni”.
^ Kumbe: “gandzela hi ku twanana.”
^ Hi Xiheberu: “vito”.
^ Hi Xiheberu: “vito”.
