Swivuriso 15:1-33
15 Nhlamulu yayinene yi tlhelisa ku kwata,+Kambe rito leli tlhavaka* li kwatisa munhu.+
2 Lirimi la lava ku tlhariha li li tirhisa kahle wutivi,+Kambe nomo wa lava ku phunta wu vulavula miharihari* ntsena.
3 Matihlo ya Yehovha ma txuvuka hinkwaku,Ma vona lava yendlaka swa ku biha ni lava yendlaka swaswinene.+
4 Lirimi la ku rhula* i nsinya wa wutomi,+Kambe mavulavulelo lama kanganyisaka ma hetana ntamu.
5 Xiphunta a xi swi nyiki lisima ku layiwa hi papayi wa xona,+Kambe munhu wa ku tlhariha a pfumela ku layiwa.+
6 Ka yindlo ya wa ku lulama ku ni tshomba la linyingi,Kambe leswi tshoveliwaka* hi lweyi a yendlaka swa ku biha swi mu vangela khombo.+
7 Minomo ya lava ku tlhariha yi hangalasa wutivi,+Kambe mbilu ya swiphunta a yi swi yendli leswo.+
8 Gandzelo la lava yendlaka swa ku biha la nyenyentsa ka Yehovha,+Kambe xikhongelo xa lava ku lulama xa mu tsakisa.+
9 Yehovha wa yi nyenya ndlela ya lava yendlaka swa ku biha,+Kambe a rhandza lweyi a yendlaka swa ku lulama.+
10 Ku layiwa ku tikomba na ku bihile* ka lava tshikaka ndlela,+Kambe lweyi a nyenyaka ku layiwa a ta fa.+
11 Leswi Yehovha a kotaka ku vona lava nga Sirheni* ni ka ndhawu ya ku helisiwa,*+
A nge tsandzeki ku vona leswi nga ka timbilu ta vanhu!+
12 Lweyi a poyilaka van’wani a nga mu rhandzi lweyi a mu layaka.+
A nge yi a ya vutisa lava ku tlhariha.+
13 Mbilu leyi nga tsaka yi yendla swaku nghohe* yi tsaka,Kambe mbilu leyi vavaka yi heta munhu ntamu.+
14 Mbilu ya ku twisisa yi lava wutivi,+Kambe nomo wa lava ku phunta wu hanya hi wuphunta.+
15 Munhu lweyi a hluphekaka, masiku ya yena hinkwawu a ma tsakisi,+Kambe lweyi mbilu ya yena yi nga tsaka* a tshama na a tsakile.*+
16 Swa yampsa ku va ni swilo swaswitsongo kambe na u hlonipha* Yehovha+Ku tlula ku va ni swilo swa swinyingi kambe na u karhatekile.*+
17 Swa yampsa ku dla matsavu* lani ku nga ni lirhandzu+Ku tlula ku dla nyama ya homu ya ku nona lani ku nga ni ku nyenyana.+
18 Munhu wa ximbilwambilwana a pfuxa ku holovisana,+Kambe lweyi a hlwelaka ku kwata a timela mholovo.+
19 Ndlela ya lolo yi tale hi mimintwa,+Kambe ndlela ya lava ku lulama yi fana ni ndlela leyi nga lunghisiwa kahle.+
20 N’wana wa ku tlhariha a tsakisa papayi wa yena,+Kambe munhu wa ku phunta a delela mamani wa yena.+
21 Xiphunta xi tsakisiwa hi wuphunta,+Kambe munhu lweyi a nga ni ku twisisa a famba na a txuvuke phambheni.+
22 Lani ku kalaka ku nga na ku vulavulisana a maplanu* a ma fambi kahle,Kambe lani ku nga ni vatsundzuxi va vanyingi swilo swi ta famba kahle.+
23 Wa tsaka munhu loko a hlamula hi ndlela yayinene,+Naswona rito leli vuliwaka hi nkama wa kona li tsakisa* ndjhani!+
24 Lweyi a nga ni ku twisisa a le ka ndlela leyi yisaka wuton’wini, ndlela leyi yaka henhla,+A nga fambi hi ndlela leyi yaka Sirheni.*+
25 Yehovha a ta diliza yindlo ya lava tibyelaka,+Kambe a ta vhikela ndhawu ya wansati wa ku feliwa hi nuna.*+
26 Yehovha wa ma nyenya maplanu ya lweyi wa ku biha,+Kambe marito ya ku tsakisa ma basile ka Yena.+
27 Lweyi a kumaka minchumu hi ku kanganyisa a lavela ndjangu wa yena khombo,*+Kambe lweyi a nyenyaka ku xaviwa a ta tama a hanya.+
28 Mbilu ya wa ku lulama yi rhanga hi ku pimisa na a nge se hlamula,+Kambe nomo wa lweyi a yendlaka swa ku biha wu vulavula swilo swa ku biha.
29 Yehovha a le kule swinene ni lweyi a yendlaka swa ku biha,Kambe a yingisa xikhongelo xa lweyi wa ku lulama.+
30 Matihlo lama phatimaka ma tsakisa mbilu;Mahungu ya ku tsakisa ma tiyisa marhambu.*+
31 Lweyi a yingisaka ku layiwa loku ku nyikaka wutomiA tshama xikarhi ka vanhu va ku tlhariha.+
32 Lweyi a yalaka ku layiwa a nyenya wutomi la yena,+Kambe lweyi a yingisaka loko a layiwa a kuma ku twisisa.*+
33 Ku chava Yehovha swi djondzisa munhu ku yendla swilo hi wutlharhi,+Ku tiveka hansi swi yendla swaku munhu a hloniphiwa.+
Tinhlamunselu ta le hansi
^ Kumbe: “vavaka”.
^ Kumbe: “swa ku phunta”.
^ Kumbe: “leli hanyisaka”.
^ Kumbe: “muholo”.
^ Kumbe: “vava”.
^ Kumbe: “Sheol”. Vona Ntlhamuselo.
^ Kumbe: “Abadoni”.
^ Kumbe: “kara li”.
^ Kumbe: “yi nga yinene”.
^ Kumbe: “na a ni fexta.”
^ Kumbe: “dungeke nhloko.”
^ Kumbe: “chava”.
^ Kumbe: “xitshakatu”.
^ Kumbe: “makungu”.
^ Kumbe: “i linene”.
^ Kumbe: “Sheol.” Vona Ntlhamuselo.
^ Hi Xiheberu: “ndzilakanu ya wansati wa ku feliwa hi nuna.”
^ Kumbe: “tingana”.
^ Hi Xiheberu: “ma kulukisa marhambu.”
^ Hi Xiheberu: “mbilu.”
