Swivuriso 20:1-30
20 Vhinyu li yendla munhu a poyileka,+ byala leli dakwisanaka li yendla swaku munhu a nga lawuleki;+Lweyi a djikisiwaka hi swona a nga tlharihanga.+
2 Ku chaviwa ka hosi ku fana ni ku bonga ka nghonyama;+Lweyi a yi kwatisaka a veka wutomi la yena anghozini.+
3 Wa hloniphiwa munhu loko a fambela kule ni ku holovisana,+Kambe swiphunta swi ta nghenelela.+
4 Lolo a li rimi hi wuxika,Se li gama li kombela hi nkama wa ku tshovela loko li nga na nchumu.*+
5 Mimpimiso ya mbilu ya munhu yi fana ni mati ya ku yenta,Kambe munhu wa ku twisisa wa yi humesa.
6 Vanhu va vanyingi va hlaya swaku va ni lirhandzu,Kambe i mani lweyi a nga kumaka munhu wa ku tshembeka?
7 Munhu wa ku lulama a famba hi ku tshembeka.+
Va tsaka vana va yena lava nga ta sala va psaliwa.+
8 Loko hosi yi tshama ka xitshamu xa ku yavanyisa swaku yi yavanyisa,+Yi vona* hinkwaswu swa ku biha hi matihlo ya yona.+
9 I mani a nga hlayaka leswi: “Ni basise mbilu ya mina;+Ni basile ka xidjoho xa mina”?+
10 Mabalansa ya mavunhwa ni swa ku pima hi swona swa mavunhwa*Hi wumbirhi ka swona swa nyenyentsa ka Yehovha.+
11 Hambi n’wana* a tiviwa hi mintirho ya yena,Loko mahanyelo ya yena ma basile ma tlhela ma lulama.+
12 Ndleve leyi twaka ni tihlo leli vonakaHi wumbirhi ka swona swi yendliwe hi Yehovha.+
13 U nga rhandzi ku yetlela hikusa u ta va xisiwana.+
Pfula matihlo u ta kuma swakudla swa swinyingi.+
14 Lweyi a xavaka a li: “A swi kahle, a swi kahle!”A gama a famba a ya tibyela hi leswi a nga swi xava.+
15 Ku ni woru ni maribye ya manyingi ya lisima,*Kambe nomo lowu nga ni wutivi i wa lisima.+
16 Teka mpahla ya wanuna loko se a humese xa ku tiyisekisa hi xona swaku a ta hakela xikweneti xa munhu wa ku kala a nga mu tivi;+Teka xa ku tiyisekisa hi xona ka yena loko a xi humesile hi mhaka ya wansati wa ku ta hi ka tiko lin’wani.+
17 Pawu leli nga kumiwa hi ku kanganyisa la mu nandzihela munhu,Kambe nomo wa yena wu gama wu tala hi misava.+
18 Maplanu* ma ta famba kahle loko ku ni ku vulavulisana,+Lwana nyimpi hi ku kongomisiwa hi wutlharhi.+
19 Munhu wa mahlevo a famba a hangalasa xihundla;+U nga tolovelani ni lweyi a rhandzaka ku hleva.
20 Lweyi a rhuketelaka papayi wa yena ni mamani wa yena,Lexi a voningaka hi xona xi ta timiwa loko ku va ni munyama.+
21 Munhu lweyi a kumaka tshomba hi ndlela ya ku biha,Hi wugamu a nga ta kateka.+
22 U nga vuli u ku: “Ni ta ku hakelisa!”+
Tshemba Yehovha+ kutani a ta ku ponisa.+
23 Mabalansa* ya mavunhwa ma nyenyentsa ka Yehovha,Ni mabalansa ya ku kanganyisa a hi manene.
24 Munhu a kongomisiwa hi Yehovha ka leswi a swi yendlaka;+Se a nga yi twisisisa ku yini ndlela ya yena?*
25 Swi ni khombo ku va munhu a tsutsumela ku huwelela a ku: “Xa kwetsima!”+
Se a gama a pimisa hi leswi a nga swi tshembisa.+
26 Hosi ya ku tlhariha yi sefa vanhu lava yendlaka swa ku biha+Yi gama yi va psanyetela hi roda la ku hula hi lona.+
27 Ku hefemula ka munhu ku fana ni xa ku voninga hi xona xa Yehovha,Lexi kambelaka hala ndzenindzeni ka yena.
28 Lirhandzu ni ku tshembeka swi vhikela hosi;+Yi tiyisa xitshamu xa yona xa wuhosi hi lirhandzu.+
29 Madjaha ma dzunisiwa hi mhaka ya matimba ya wona,+Kasi lava nga guga va sasekisiwa hi misisi ya vona ya ku basa.+
30 Mafelangati ni swilondza swi susa swilo swa ku biha,+Ku biwa ku fikelela mbilu.
Tinhlamunselu ta le hansi
^ Kumbexana: “Li ta lava hi nkama wa ku tshovela kambe a li nga ta kuma nchumu.”
^ Kumbe: “kambela”.
^ Kumbe: “Maribye mambirhi ya ku pima hi wona ya ku kala ma nga fani ni swibya swimbirhi swa ku pima hi swona swa ku kala swi nga ringani”.
^ Kumbe: “mufana”.
^ Kumbe: “tikorali”. Vona Ntlhamuselo.
^ Kumbe: “Makungu”.
^ Kumbe: “Maribye mambirhi ya ku kala ma nga ringani ya ku peza hi wona”.
^ Kumbe: “ndlela ya ku famba hi yona.”