Swivuriso 28:1-28
28 Lava ku biha va baleka na va nga hlongolisiwi hi munhu,Kambe lava ku lulama a va chavi nchumu ku fana ni nghonyama.*+
2 Loko ku terekiwa* tikweni, tihosi leti fumaka ti ta tshamela ku txintxatxintxa,+Kambe hosi yi ta tshama nkama wa wunyingi loko yi pfuniwa hi munhu lweyi a twisisaka a tlhela a va ni wutivi.+
3 Xisiwana lexi xololaka lava pfumalaka+Xi fana ni mpfula leyi kukulaka swakudla hinkwaswu.
4 Lava tshikaka ku yingisa nawu va dzunisa lweyi a yendlaka swa ku biha,Kambe va kwatisa lava yingisaka nawu.+
5 Vanhu lava yendlaka swa ku biha a va nge swi twisisi swa ku lulama,Kambe lava lavaka Yehovha va nga swi twisisa hinkwaswu.+
6 Xa yampsa xisiwana lexi hanyaka hi ku tshembekaKu tlula munhu wa ku ganya lweyi a hanyaka hi ndlela ya ku biha.+
7 N’wana wa ku twisisa a yingisa nawu,Kambe munghanu wa vanhu va ku dla ngopfu a danisa papayi wa yena.+
8 Lweyi a yengetelaka tshomba la yena hi ku hakelisa majuru*+ ya manyingiA li hlengeletelela lweyi a kombaka swisiwana timpsalu.+
9 Lweyi a yalaka ku yingisa nawuHambi xikhongelo xa yena xa nyenyentsa.+
10 Lweyi a kanganyisaka wa ku lulama swaku a yendla swa ku biha a ta pela ka mugodi wa yena,+Kambe lava kalaka va nga na nandzu va ta kuma tshomba lalinene.+
11 Munhu wa ku ganya a pimisa swaku a tlharihile,+Kambe xisiwana lexi pimisaka xa swi vona leswi yena a nga swona.+
12 Loko lava ku lulama va hlula, ku tsakiwa hintamu,Kambe loko lava ku biha va sungula ku fuma, vanhu va tumbela.+
13 Lweyi a fihlaka swidjoho swa yena a swi nga ta mu fambela kahle,+Kambe lweyi a swi vulaka a tlhela a swi tshika, a ta kombiwa timpsalu.+
14 Wa tsaka munhu lweyi a tshamaka na a rindzile,*Kambe lweyi a tiwomisaka mbilu a ta kumana ni khombo.+
15 Munhu wa ku biha lweyi a fumaka vanhu lava kalaka va nga swi koti ku tilwelaA fana ni nghonyama leyi bongaka ni ursu* leli lavaka ku hlasela.+
16 Murhangeli wa ku kala a nga twisisi a tirhisa matimba ya yena hi ndlela ya ku biha,+Kambe lweyi a nyenyaka ku pfuneka hi ku kanganyisa van’wani a ta tiyengetela masiku ya ku hanya.+
17 Munhu lweyi a titwaka nandzu hi mhaka ya leswi a nga dlaya munhu mun’wani, a ta hanya hi ku baleka anze a ya ku swee asirheni.*+
Ku nga tshuki ku va ni munhu lweyi a mu pfunaka.
18 Munhu lweyi a fambaka hi ku tshembeka a ta ponisiwa,+Kambe lweyi tindlela ta yena ti nga biha a ta wa hi ku tsopeta ka tihlo.*+
19 Lweyi a rimaka misava ya yena a ta va ni swakudla swa swinyingi,Kambe lweyi a yendlaka minchumu ya ku kala yi nga pfuni nchumu a ta va xisiwana xa wugamu.+
20 Munhu wa ku tshembeka a ta kuma minkateko ya yinyingi,+Kambe lweyi a tsutsumelaka ku ganya a nge tshami na a nga na nandzu.+
21 A hi swinene ku va ni xikheto;+Kambe munhu a nga ha yendla swa ku biha swaku a kuma xipawani.
22 Munhu lweyi a nga ni wukwele* a tikarhatela ku ganya,A nga swi tivi swaku a ta weliwa hi wusiwana.
23 Lweyi a layaka munhu mun’wani+ a ta tsakeliwa hintamu loko se a swi yendlile leswo+Ku tlula munhu lweyi a dzunisaka* van’wani hi lirimi la yena.
24 Munhu lweyi a kanganyisaka* papayi wa yena ni mamani wa yena a gama a ku: “A swi bihanga,”+
A tirhisana ni swigevenga.+
25 Munhu lweyi a lavaka minchumu ya yinyingi ku tlula mpimu* a pfuxa ku holovisana,Kambe lweyi a tshembaka Yehovha swi ta mu fambela kahle.*+
26 Lweyi a tshembaka mbilu ya yena i xiphunta,+Kambe lweyi a fambaka hi wutlharhi a ta pona.+
27 Lweyi a nyikaka swisiwana a nga ta pfumala nchumu,+Kambe lweyi a tipfalaka matihlo swaku a nga swi voni, a ta kumana ni makhombo ya manyingi.
28 Loko lava ku biha va sungula ku fuma, vanhu va tumbela,Kambe loko va helisiwa, lava ku lulama va tala.+
Tinhlamunselu ta le hansi
^ Kumbe: “xinghonyamani.”
^ Hi Xiheberu: “ku nga yingisiwi nawu”.
^ Kumbe: “mpsalu wa wunyingi”.
^ Kumbe: “lweyi a kalaka a nga chavi nchumu”.
^ Kumbe: “bere”.
^ Kumbe: “ka xikhele.”
^ Kumbe: “hi ku hantlisa.”
^ Kumbe: “mavondzo”. Ku nga munhu lweyi a navelaka ku va ni minchumu ku tlula mpimu.
^ Ku nga ku dzunisa mun’wani swaku a ku tsakela.
^ Kumbe: “a yivelaka”.
^ Kumbe: “a nga ni makwanga; makolo”.
^ Hi Xiheberu: “a ta kuluka.”
