Swivuriso 3:1-35
3 N’wananga, u nga khohlwi leswi ni nga ku djondzisa swona,Mbilu ya wena a yi hlayise minawu ya mina,
2 Hikusa swi ta ku yengesela masiku ya ku hanyaNi malembe ya manyingi swaku u hanya na u rhulile.+
3 U nga pfumeleli lirhandzu ni ku tshembeka* swi suka ka wena.+
Swi bohe ka nhamu ya wena;Swi tsali ka mbilu ya wena;+
4 Kutani u ta kuma timpsalu ni ku twisisa kakukuluKa matihlo ya Xikwembu ni ya vanhu.+
5 Tshemba Yehovha+ hi mbilu ya wena hinkwayu,U nga tshembi ku twisisa ka wena n’winyi.+
6 Mu tivise tindlela ta wena hinkwatu,+Kutani yena a ta lulamisa tindlela ta wena.+
7 U nga tivoni na u tlharihile ka matihlo ya wena.+
Chava Yehovha u fambela kule ni swa ku biha.
8 Leswi swi ta hanyisa muzimbha* wa wenaNi ku pepisa marhambu ya wena.
9 Hlonipha Yehovha hi minchumu ya wena ya lisima,+Hi minchumu hinkwayu ya ku sungula leyi u nga yi tshovela;+
10 Kutani matshala ya wena ma ta tala hi ku helela,+Ni makhuwani* ya wena ma ta ku ntlii hi vhinyu ya nyuwani.
11 N’wananga, u nga yali loko Yehovha a ku laya,+U nga swi nyenyi ku layiwa hi yena,+
12 Hikusa lava Yehovha a va rhandzaka wa va laya,+Ku fana ni leswi papayi a swi yendlaka ka n’wana wa yena lweyi a mu rhandzaka.+
13 Wa tsaka munhu lweyi a kumaka wutlharhi+Ni munhu lweyi a kumaka ku twisisa;
14 Ku kuma wutlharhi swa yampsa ku tlula ku kuma prata,Funtshi ku li kuma swi yampsa ku tlula ku va ni woru.+
15 I la lisima ku tlula maribye ya lisima;Li tlula minchumu hinkwayu leyi u yi navelaka.
16 Ka voko la lona la xinene ku ni wutomi la ku leha;Ka voko la lona la ximatsi ku ni tshomba ni ku phatima.
17 Tindlela ta lona ta tsakisa,Naswona tindlela hinkwatu ta lona ti rhulile.+
18 I nsinya wa wutomi ka lava khomelelaka ka lona,Lava khomelelaka ka lona swi tiya va ta vuliwa swaku va tsakile.+
19 Yehovha a veke masungulo ya misava hi wutlharhi.+
A yendle matilo ma tiya hi ku twisisa.+
20 Hi mhaka ya wutivi la yena mati ya ku yenta ma hambanisiwileNi marhefu ma thonise mberha.*+
21 N’wananga, u nga swi* khohlwi.
Hlayisa wutlharhi u tlhela u kota ku pimisa kahle;
22 Swi ta ku nyika wutomiFuntshi swi ta sasekisa nhamu ya wena;
23 Kutani u ta famba na u vhikelelekile ka ndlela ya wena,Ni nenge wa wena a wu nga ta pharihetiwa hi nchumu.+
24 Loko u yetlela a wu nga ta chava;+U ta yetlela funtshi wurhongo la wena li ta nandzika.+
25 A wu nge xi chavi nchumu xa ku chavisa xa ku ta na u nga xi nyimelanga+Hambi ku li xidzedze lexi nga ta tela lava yendlaka swa ku biha, a wu nge xi chavi.+
26 Hikusa Yehovha a ta va xihlovo xa ntshembo wa wena;+A ta vhikela nenge wa wena swaku wu nga phasiwi.+
27 U nga tshuki u yala ku va nyika minchumu yayinene lava u faneleke u va nyika+Loko swi li matimbeni ya wena ku va pfuna.+
28 U nga byeli munhu u ku: “Famba; vuya hi nkama wun’wani! Ni ta ku nyika mundzuku,”
Kuve u nga swi kota ku mu nyika swoswi.
29 U nga tshuki u pimisa ku yendlela munhu mun’wani swa ku biha,+Loko a titwa na a vhikelelekile hileswi a ku tshembaka.
30 U nga holovi ni munhu na a nga ku wonhelanga nchumu+Na a nga ku yendlanga nchumu xa ku biha.+
31 U nga mu naveli munhu wa tinyimpi+Hambi ku li ku langa yin’we ya tindlela ta yena,
32 Hikusa Yehovha wa mu nyenya munhu lweyi a kanganyisaka,+Kambe i munghanu wamukulu wa lava ku lulama.+
33 Yehovha a tisa makhombo ka ndjangu wa lweyi a yendlaka swa ku biha,+Kambe a katekisa munti wa lweyi wa ku lulama.+
34 A poyila lava poyilaka,+Kambe lava ku rhula a va komba timpsalu.+
35 Lava ku tlhariha va ta hloniphiwa,Kambe lava ku phunta va rhandza tingana.+
Tinhlamunselu ta le hansi
^ Kumbe: “ntiyiso”.
^ Hi Xiheberu: “nkava”.
^ Kumbe: “ndhawu ya ku kamela mawuvha”.
^ Kumbe: “mub’etho.”
^ Swi tikomba ku vulavuliwa hi wumunhu la Xikwembu leli nga tlhamuseliwa ka tindzimana leti nga hundza.
