Swivuriso 31:1-31
31 Marito ya Hosi Lemuwele, mhaka ya lisima leyi mamani wa yena a nga mu laya hi yona:+
2 Se ni nga ku byela yini n’wananga,Wena n’wana wa ku huma ka khwirhi la mina,Wena n’wana wa switshembiso swa mina?+
3 U nga teki matimba ya wena u ma nyika vavasati,+Kumbe u landzelela tindlela leti helisaka tihosi.+
4 A hi swa tihosi, wena Lemuwele,A hi swa tihosi ku phuza vhinyuKumbe lava fumaka va hlaya swaku: “Kasi byala la hina li kwini?”+
5 Leswaku va nga phuzi va gama va khohlwa nawuVa yalela swisiwana timfanelo ta swona.
6 Va nyikeni byala lava yaka ku feni+Mi va nyika vhinyu lava nga ku hluphekeni.+
7 A va li phuze va gama va khohlwa wusiwana la vona;Va nga ha ma khumbuki mahlomulu ya vona.
8 Lwela vanhu lava kalaka va nga swi koti ku tilwela;Lwela timfanelo ta vanhu lava nga kusuhi ni ku fa.+
9 Vulavula u tlhela u yavanyisa hi ndlela ya ku lulama;Lwela timfanelo ta lweyi a pfumalaka ni ta xisiwana.+
א [Alefi]
10 I mani lweyi a nga kumaka wansati wa kahle?*+
Phela yena i wa lisima swinene ku tlula tikorali.*
ב [Beti]
11 Nuna wa yena wa mu tshemba hi mbilu ya yena hinkwayu,Naswona nuna wa yena a nga pfumali nchumu xa lisima.
ג [Gimeli]
12 A hakela nuna wa yena hi swilo swaswinene, ku nga li hi swa ku biha,Wutomi la yena hinkwalu.
ד [Daleti]
13 A xava voya ni panu;A rhandza ku tirha hi mavoko ya yena.+
ה [He]
14 A fana ni maboti ya lava xavisaka,+A vuya ni swakudla swa yena hi le kule.
ו [Vawu]
15 A pfuka nimpundzu swinene,A swekela vandjangu wa yena swakudla,A nyika ni vatirhi va yena va xisati swakudla.+
ז [Zayini]
16 A vona nsimu a gama a ya yi xava;A rima nsimu ya mawuvha hi male leyi a nga yi bindzula.*
ח [Heti]
17 A tilulamisela ku tirha hi matimba,*+Naswona a tiyisa mavoko ya yena.
ט [Teti]
18 Wa swi vona swaku wa lukurara ka negosiyu ya yena;Lexi a voningaka hi xona a xi timeki niwusiku.
י [Iyodi]
19 Mavoko ya yena ma khoma nhonga ya ku luka,Naswona mavoko ya yena ma khoma nhonga ya ku rhunga.*+
כ [Kafi]
20 A pfuna lweyi a pfumalaka,Mavoko ya yena ma pfuna xisiwana.+
ל [Lamedi]
21 A nga karhateki hi ndjangu wa yena loko ku ni xirhami,Hikusa ndjangu wa yena hinkwawu wu yambala mpahla ya ku kufumela.
מ [Memi]
22 A tiyendlela swa ku yandlala ka mubedu hi yexe.
Mpahla ya yena yi yendliwe hi tipanu ni voya la kori ya ku pshuka.*
נ [Nuni]
23 Nuna wa yena wa tiviwa ka tinyanghwa ta doropa,+Lani a tshamaka kona ni madoda ya tiko.
ס [Sameki]
24 A hamba mpahla hi tipanu a tlhela a ti xavisaFuntshi a xavisa mabandhi ka lava xavisaka.
ע [Ayini]
25 A nga chavi nchumu funtshi wa hloniphiwa,A nyimela leswi nga ta yendleka ka nkama lowu taka na a nga chavi nchumu.
פ [Pe]
26 Nomo wa yena a wu pfula hi wutlharhi;+Nawu wa lirhandzu wu le ka lirimi la yena.
צ [Tsadi]
27 A vona leswi yendlekaka ka ndjangu wa yena,A nga dli pawu la wulolo.+
ק [Kofi]
28 Vana va yena va pfuka kutani va vula swaku a tsakile;Nuna wa yena wa pfuka a mu dzunisa.
ר [Rexi]
29 Ku ni vavasati va vanyingi va kahle,*Kambe wena u va tlula hinkwavu.
ש [Xini]
30 Ku phatima ka kanganyisa ni ku saseka ka hela,+Kambe wansati lweyi a chavaka Yehovha a ta dzunisiwa.+
ת [Tawu]
31 Mu hakeleni hi leswi a swi yendlaka,*+Naswona mintirho ya yena a yi mu dzunise ka tinyanghwa ta doropa.+
Tinhlamunselu ta le hansi
^ Kumbe: “wansati lweyi a nga ni wuswikoti.”
^ Vona Ntlhamuselo.
^ Hi Xiheberu: “hi mihandzu ya mavoko ya yena.”
^ Hi Xiheberu: “A boha masenge ya yena hi matimba”.
^ Nhonga ya ku luka ni nhonga ya ku rhunga a swi tirhiseliwa ku luka ni ku rhunga kumbe ku hamba magoda.
^ Kumbe: “vhiyoleta.”
^ Kumbe: “lava nga ni wuswikoti”.
^ Hi Xiheberu: “Mu nyikeni mihandzu ya mavoko ya yena”.
