Swivuriso 7:1-27
7 N’wananga, yingisa marito ya mina,U hlayisa minawu ya mina.+
2 Hlayisa minawu ya mina kutani u hanya;+Wu teki wu li wa lisima nawu wa mina ku fana ni tihlo* la wena.
3 Swi boheleli ka tintiho ta wena;U swi tsala ka mbilu ya wena.+
4 Byela wutlharhi u ku: “U makwerhu wa xisati,”
U byela ku twisisa u ku: “U xaka la mina,”
5 Leswaku swi ku vhikela ka wansati wa nghwavani,*+Ka wansati wa mahanyelo ya ku biha* ni marito ya yena ya ku kanganyisa.+
6 Ni nyime ka janela la yindlo ya mina,Ni txuvuka hansi hi ka kortina la mina,
7 Nkama na ni txuvuka lava kalaka va nga na xiperiyensa,*Ni vone djaha la xiphunta xikarhi ka majovhem.+
8 Li hundze hi kusuhi ni xitaratu xa yena,Li famba li kongoma ka yindlo ya yena
9 Loko dlambu se li pelile,+Nkama ku nga sungula ku mphuma ku tlhela ku va wusiku.
10 Se ni vona wansati na a li tlhangaveta,A a yambale ku fana ni* nghwavani,+ na a ni mbilu ya ku kanganyisa.
11 A ni guwa funtshi a nga yingisi.+
A nga tshami* kaya.
12 Ahandle a kona, axikarhi ka doropa a nga kali,A tumbela lomu switaratu swi tlhanganaka kona.+
13 Se a ku li katla, a li bejara;*A vulavula na lona na a nga dani a ku:
14 “A ni boheka ku nyikela magandzelo ya ku kombela ku rhula.+
Namuntlha ni hetisise leswi ni nga swi tshembisa.
15 Hi leswo swi nga yendla swaku ni huma ni ta tlhangana na wena,Swaku ni ku lava, se ni ku kumile!
16 Ni yandlalele mubedu wa mina hi malensoli ya ku saseka,Hi tipanu ta tikorikori leti taka hi Gibita.+
17 Ni n’wan’wasele mubedu wa mina hi mira, timhangani ni kanela.+
18 Tani, a hi fambe hi ya tikhorisa hi lirhandzu la hina anze li xa;A hi tikhorise hi ku yetlela xikan’we hi rhandzana,
19 Hikusa nuna wa mina a nga kona akaya;A yendzile a ya kule swinene.
20 A fambe ni paxta la male,A nga ta vuya swoswi anze n’weti wu voneka kahle na wu helelile.”
21 A kanganyisa djaha leli hi ku li xengetela hintamu.+
Wa li kanganyisa hi marito ya ku kanganyisa.
22 Swi nga se ya kwini hi leliyaa se la mu landzelela, ku fana ni homu leyi yaka ku dlayiweni,Ku fana ni xiphunta lexi yaka ku khatisiweni hi ku bohiwa hi machini,+
23 Anze li tlhaviwa hi mpaxwa* ka xivindzi xa lona;Ku fana ni xinyanyani lexi tsutsumaka xi ya ka ntlhamu, a li swi tivi swaku li ta fa hi mhaka ya swoleswo.+
24 Ni yingiseni, vana va mina;Yingisani leswi ni mi byelaka swona.
25 Mi nga tshikeni timbilu ta n’wina ti djika ti ya ka tindlela ta yena.
Mi nga yi ka tindlela ta yena,+
26 Hikusa a yendle swaku ku dlayiwa vanhu va vanyingi,+Funtshi i vanyingi hintamu lava nga dlayiwa hi yena.+
27 Yindlo ya yena yi yisa Sirheni;*Yi yisa ka ndhawu leyi ku kumekaka lava nga fa.
Tinhlamunselu ta le hansi
^ Kumbe: “ndzoloti kumbe ndzondzoloti ya tihlo”.
^ Vona Swivuriso 2:16.
^ Vona Swivuriso 2:16.
^ Kumbe: “ntokoto; va ku kala va nga tlharihanga”.
^ Kumbe: “mpahla ya”.
^ Hi Xiheberu: “Minenge ya yena a yi tshami”.
^ Kumbe: “n’quta; nyunta.”
^ Kumbe: “flexa”.
^ Kumbe: “Sheol.” Vona Ntlhamuselo.
