Tinhlayo 24:1-25
24 Nkama Balamu a nga vona swaku Yehovha a a katekisa Vayisrayele, a nga ha zamanga ku lava ndlela ya ku va rhuka,+ kambe a txuvuke mananga.
2 Nkama Balamu a nga vona Vayisrayele na va tshame hi ku ya hi tinxaka ta vona,+ moya wa ku kwetsima wa Xikwembu wu ve henhla ka yena.+
3 A sungula ku vula xihlayahlaya a ku:+
“Marito ya Balamu n’wana wa Beyori,Marito ya munhu lweyi a nga pfuliwa matihlo,
4 Marito ya lweyi a nga twa rito la Xikwembu,Lweyi a nga kombiwa minchumu ya ku hlamalisa* ya Lweyi Wa Matimba HinkwawuLweyi a nga khizama na a pfule matihlo:+
5 Matende ya wena ma sasekile, wena Yakobe,Lomu u tshamaka kona ku sasekile, wena Israyele!+
6 Ma yaname mpfhuka wa ku leha ku fana ni minkova,+Ku fana ni majardim lawa ma nga tlhelweni ka nambu,Ku fana ni swinsinyani swa timhangani leswi nga byaliwa hi Yehovha,Ku fana ni minsinya ya mukedari leyi nga tlhelweni ka mati.
7 Mati ma tshamela ku thona na ma huma hi ka mabakidi ya yena mambirhi ya ku yendliwa hi xikhumba,Mbewu* ya yena yi byaliwe ka mati ya manyingi.+
Hosi ya yena+ na yona yi ta hloniphiwa ku tlula Agagi,+Mfumu wa yena wu ta tlakusiwa.+
8 Xikwembu xi mu humesa Gibita;Xi fana ni timhondzo ta homu ya khwati ka vona.
Xi ta helisa matiko lawa ma mu xanisaka,+Xi ta phorha marhambu ya wona, xi ma heta hi mimpaxwa* ya xona.
9 A korhamile, a yetlela ku fana ni nghonyama,I mani lweyi a nga xinyataka a mu pfuxa?
Lava va ku katekisaka va kateka,Kasi lava ku rhukaka va rhukiwa.”+
10 Se Balaki a mu kwatela hintamu Balamu. A mu holovisa na a ba mavoko hi ndlela ya ku mu phuntisa, a ku: “Ni ku vitane swaku u ta rhuka valala va mina,+ kambe wena se u va katekise kanharhu.
11 Wo vhela u muka. A ni lava ku ku tlakusa,+ kambe Yehovha a ku tsonise minkateko.”
12 Balamu a hlamula Balaki a ku: “Kasi a ni va byelanga lava u nga va rhuma ni ku:
13 ‘Hambiloko Balaki o ni nyika yindlo ya yena na yi tale hi prata ni woru, a ni nge yendli ku rhandza ka mina, ni tlula nawu wa Yehovha, hambi mhaka ya kona yi li yinene kumbe yi nga li yinene ke? Naswona ni ta vula ntsena leswi Yehovha a nga ta ni byela swona’?+
14 Swoswi ni ya ka vanhu va tiko la mina. Tani ni ta ku byela leswi vanhu lava va nga ta swi yendla ka vanhu va wena ka nkama lowu taka.”*
15 Kutani a sungula ku vula xihlayahlaya a ku:+
“Marito ya Balamu n’wana wa Beyori,Ni marito ya munhu lweyi a nga pfuliwa matihlo,+
16 Marito ya lweyi a twaka rito la Xikwembu,Ni lweyi a nga ni wutivi la Lweyi Wa Ku Tlakuka,A vone minchumu ya ku hlamalisa* ya Lweyi Wa Matimba Hinkwawu,Nkama a nga khizama na a pfule matihlo:
17 Ni ta mu vona kambe a hi swoswi;Ni ta mu txuvuka kambe ku nga li hi ku hantlisa.
Ku ta huma nyeleti+ ka Yakobe,Ku ta huma nhonga ya wuhosi+ aIsrayele.+
Kunene a ta faya ximombo xa Vamowabu,+Ni tinhloko ta hinkwavu lava rhandzaka nyimpi.
18 Edomu a ta va tshomba la yena,+Seyiri+ a ta va tshomba la valala va yena,+Loko Israyele a kombisa swaku a nga chavi nchumu.
19 Lweyi a humaka ka Yakobe a ta hlula,+A ta helisa hinkwavu lava nga pona ka doropa.”
20 Nkama a nga vona Amaleki, a tame a vula xihlayahlaya a ku:
“Amaleki a a li wa ku sungula ka matiko,+Kambe hi wugamu a ta helisiwa.”+
21 Nkama a nga vona Vakena,+ a tame a vula xihlayahlaya a ku:
“Ndhawu ya wena yi hlayisekile, yi le henhla ka ribye.
22 Kambe ku ni lweyi a nga ta hisa Kayini.
Ku sale nkama wa ku kota kwini swaku Asiriya a ku yendla xib’ochwa?”
23 A tama a vula xihlayahlaya a ku:
“Yowee! I mani lweyi a nga ta pona nkama Xikwembu xi nga ta yendla leswi?
24 Ku ta ta switimela swa mati hi Kitimi,*+Swi ta hlasela Asiriya,+Swi ta hlasela Ebere.
Kambe hi wugamu na yena a ta helisiwa.”
25 Se Balamu+ a gama a muka. Balaki na yena a tifambela.
Tinhlamunselu ta le hansi
^ Hi Xiheberu: “xivono”. Vona Ntlhamuselo.
^ Kumbe: “Vana va”.
^ Kumbe: “maflexa”.
^ Kumbe: “ka nkama wa magamu.”
^ Hi Xiheberu: “xivono”. Vona Ntlhamuselo.
^ Kumbe: “ka ribuwa la Kitimi”.
