Tipisalema 102:1-28
Xikhongelo xa munhu lweyi a karhatekaka lweyi a byelaka Yehovha leswi mu dlaka mbilwini loko se a hele ntamu.+
102 Yehovha Xikwembu xa mina, yingisa xikhongelo xa mina;+Xirilo xa mina xa ku kombela ku pfuniwa a xi fike ka wena.+
2 U nga ni tumbeteli nghohe* ya wena loko ni li ka mahlomulu.+
Ni yingiseli kahle;Ni hlamule hi ku hantlisa loko ni ku vitana.+
3 Hikusa masiku ya mina ma nyamalala ku fana ni ximusi,Ni marhambu ya mina ma psha ingaku mo psha hi ndzilu.+
4 Mbilu ya mina yi womile ku fana ni byanyi leli nga tsemiwa,+Hikusa ni khohlwa ku dla swakudla.
5 Ni yo sala hi marhambu ntsena,+Hi mhaka ya leswi ni konyaka hintamu.+
6 Ni fana ni gumbula* la le mananga;Ni fana ni xikhovha xaxitsongo xikarhi ka ndhawu leyi nga hahlukela.
7 Ni wurhongo a li ti;*Ni fana ni xinyanyani lexi nga xoxe henhla ka yindlo.+
8 Valala va mina va ni poyilela siku hinkwalu.+
Lava ni poyilaka* va tirhisa vito la mina loko va rhuketela.
9 Hikusa ni dla nkuma ku fana ni pawu,+Naswona leswi ni swi phuzaka swi patsiwe ni mihloti,+
10 Hi mhaka ya ku kwata ka wena ni ku nyenyentseka ka wena,Hikusa u ni tlakusile, u gama u ni txukumeta kule.
11 Masiku ya mina ma fana ni ndzhuti lowu nyamalalaka,+Naswona na vuna ku fana ni byanyi.+
12 Kambe wena Yehovha, u ta tshama hi masiku,+Vito* la wena li ta khumbukiwa hi vanhu hinkwavu.+
13 Phela wena u ta humelela u komba Siyoni timpsalu,+Hikusa i nkama wa leswaku u mu twela wusiwana;+Wu fikile nkama lowu nga vekiwa.+
14 Hikusa vatirheli va wena va tsakela maribye ya Siyoni+Naswona va rhandza ni wuthulu la yena.+
15 Matiko ma ta chava vito la Yehovha,Ni tihosi hinkwatu ta misava ti ta chava ku phatima ka wena.+
16 Hikusa Yehovha a ta pfuxa Siyoni;+A ta tikombekisa swaku a tlakukile.+
17 A ta yingisa swikhongelo swa swisiwana;+A nge swi voneli hansi swikhongelo swa swona.+
18 Leswi swi tsaleliwe vanhu lava nga ta va kona ka nkama lowu taka,+Swaku vanhu lava nga ta psaliwa* va ta dzunisa Yehovha.
19 Hikusa a txuvuka hansi na a li ka ndhawu ya yena ya ku kwetsima,+Yehovha a txuvuka misaveni na a li matilweni,
20 Leswaku a ta twa ku konya ka xib’ochwa,+Swaku a ta chunsa lava nga yavanyiseliwa lifu,+
21 Leswaku vito la Yehovha li ta twalisiwa aSiyoni+A dzunisiwa aYerusalema,
22 Nkama vanhu ni mimfumu va nga ta hlengeletanaSwaku va ta tirhela Yehovha.+
23 A yendle swaku ni hantla ni heleliwa hi matimba;A pumbe masiku ya mina.
24 Ni te: “Xikwembu xa mina,U nga ni dlayi hikusa na ha li mutsongo,Wena lweyi a nga kona hi masiku ni masiku.+
25 U yendle masungulo* ya misava khale ka khaleni,U yendle matilo hi mavoko ya wena.+
26 Ma ta helisiwa kambe wena u ta tshama na u li kona;Hinkwawu ma ta hlakala ku fana ni mpahla.
A ma nga ha ta va kona, u ta ma txintxa hi man’wani ku fana ni loko ku txintxiwa mpahla.
27 Kambe wena a wu txintxi ni malembe ya wena a ma nge heli.+
28 Vana va vatirheli va wena va ta tshama na va hlayisekile,Naswona vana va vona va ta va kona hi masiku phambheni ka wena.”+
Tinhlamunselu ta le hansi
^ Kumbe: “kara la”.
^ Kumbe: “pelicano”. I muxaka wa xinyanyani.
^ Kumbexana: “li hundzile.”
^ Kumbe: “yendlaka xiphunta”.
^ Kumbe: “Ndhuma ya”. Hi Xiheberu: “Xitsundzuxu”.
^ Hi Xiheberu: “tumbuluxiwa”.
^ Kumbe: “fundação”.
