Tipisalema 103:1-22
Pisalema ya Davhida.
103 Ni ta dzunisa Yehovha;Ni ta dzunisa vito la yena la ku kwetsima hi mbilu ya mina hinkwayu.
2 Ni ta dzunisa Yehovha;Ni navela ku khumbuka hinkwaswu leswi a nga swi yendla.+
3 A rivalela swidjoho swa mina hinkwaswu+Funtshi a hanyisa mavabyi ya mina hinkwawu;+
4 A ponisa wutomi la mina ka khele*+Naswona a ni yambexa harhi* ya lirhandzu ni timpsalu.+
5 A yendla swaku ni tikhorisa hi minchumu yayinene+ wutomi la mina hinkwalu,Naswona ni tama ni li djaha ni tlhela ni va ni matimba ku fana ni gama.*+
6 Yehovha a yendla swaswinene+ ni swa ku lulamaKa vanhu hinkwavu lava karhatiwaka.+
7 A tivise Moxe tindlela ta yena,+Ni vana va Israyele mintirho ya yena.+
8 Yehovha a ni timpsalu ni ntwelawusiwana,+A hlwela ku kwata naswona a tale hi lirhandzu.+
9 A nga tshameli ku kuma xihoxo,+Kumbe a tshama na a kwatile hi masiku ni masiku.+
10 A nga hi khomanga hi ku ya hi swidjoho swa hina,+Kumbe a hi khatisa hi ku ya hi swihoxo swa hina.+
11 Hikusa leswi matilo ma nga tlakuka ku tlula misava,Ni lirhandzu la yena ka lava mu chavaka i likulu hintamu.+
12 Ku fana ni leswi wuxeni ku nga kule ni wupeladlambu,Ni swidjoho swa hina a swi veke kule na hina.+
13 Ku fana ni leswi papayi a va kombaka timpsalu vana va yena,Yehovha a va komba timpsalu lava va mu chavaka.+
14 Hikusa wa swi tiva kahle swaku hi yendlisiwe ku yini,+Wa swi khumbuka swaku hi wuthulu.+
15 Masiku ya munhu ma fana ni ya byanyi;+A kula ku fana ni xiluva xa khwati.+
16 Kambe loko xi biwa hi moya, xa fa,Ingaku hiloko xi nge se tshama xi va kona.
17 Kambe lirhandzu la Yehovha li tshama hi masiku ni masikuKa lava mu chavaka,+Ku lulama ka yena i ka hi masiku ni masiku ka vatukulu va vona,+
18 Ka lava kalaka va nga wu khohlwi ntwananu wa yena+Ni lava yingisaka minawu ya yena.
19 Yehovha a veke xitshamu xa yena xi tiya amatilweni;+Naswona a fuma minchumu hinkwayu.+
20 Dzunisani Yehovha, n’wina tintsumi ta yena hinkwatu+ leti nga ni matimba yamakulu,Leti yingisaka rito la yena+ ni ku yendla leswi a nga ti rhuma swona.
21 Dzunisani Yehovha, n’wina tintsumi ta yena hinkwatu,+N’wina lava mu tirhelaka, lava yendlaka ku rhandza ka yena.+
22 Dzunisani Yehovha n’wina mintirho ya yena hinkwayu,Ka tindhawu ta yena hinkwatu leti a fumaka ka tona.
Ni ta dzunisa Yehovha hi mbilu ya mina hinkwayu.
