Tipisalema 105:1-45
-
Yehovha wa tshembeka ka vanhu va yena
-
Xikwembu xi khumbuka ntwananu wa xona (8-10)
-
“Mi nga tshuki mi khumba vanhu lava ni nga va langa” (15)
-
Yosefa lweyi a nga xikarawa a tirhisiwa hi Xikwembu (17-22)
-
Masingita ya Xikwembu aGibita (23-36)
-
Vayisrayele va huma Gibita (37-39)
-
Xikwembu xi khumbuka xitshembiso lexi xi nga xi yendla ka Abrahamu (42)
-
105 Khensani Yehovha+ mi dzunisa vito la yena,Byelani vanhu mintirho ya yena.+
2 Mu yimbeleleleni, mi mu dzunisa hi tinsimu,Pimisani* hi mintirho ya yena hinkwayu ya ku hlamalisa.+
3 Tikhuzeni hi vito la yena la ku kwetsima.+
Timbilu ta lava va lavaka Yehovha a ti tsake.+
4 Lavetelani Yehovha+ ni matimba ya yena.
Mu laveteleni nkama hinkwawu.
5 Khumbukani mintirho ya yena ya ku hlamalisa leyi a nga yi yendla,Masingita ya yena ni leswi a nga yavanyisisa xiswona,+
6 N’wina vana* va Abrahamu mutirheli wa yena,+N’wina vana va Yakobe, vanhu lava a nga va langa.+
7 I Yehovha Xikwembu xa hina.+
A yavanyisa misava hinkwayu.+
8 A khumbuka ntwananu wa yena nkama hinkwawu,+Xitshembiso lexi a nga xi yendla* ka vanhu va yena,+
9 Ntwananu lowu a nga wu yendla na Abrahamu,+Ni xitshembiso lexi a nga xi yendla ka Izaki,+
10 Lexi a nga xi yendla xi va nawu ka Yakobe,Xi va ntwananu wa ku kala wu nga heli ka Israyele,
11 A ku: “Ni ta ku nyika tiko la Kanana,+Li va tshomba la wena.”+
12 Va kume xitshembiso lexi nkama a va nge se tala,+Ina, a va nge se va vanyingi funtshi a va li vanhu va ku ta hi ka tiko lin’wani.+
13 A va rhendzelekela ni matiko,Va suka ka mfumu wun’wani va ya ka vanhu van’wani.+
14 A nga tshikanga munhu a va hlupha,+Kambe a laye tihosi hi mhaka ya vona,+
15 A ku: “Mi nga tshuki mi khumba vanhu lava ni nga va langa,Funtshi mi nga va yendli nchumu xa ku biha vaprofeta va mina.”+
16 A yendle leswaku ku va ni ndlala atikweni;+A yendle swaku va nga ha li kumi pawu.
17 A rhumele munhu swaku a va kongomisaLweyi a nga xavisiwa swaku a va xikarawa, ku nga Yosefa.+
18 Va bohe minenge ya yena hi machini,+Nhamu ya yena va yi bohe hi tinsimbi;
19 Anze ku fika nkama lowu leswi a nga swi hlaya swi nga yendleka,+Rito la Yehovha hi lona li nga mu lulamisa.
20 Hosi yi rhumise swaku a chunsiwa,+Mufumi wa vanhu a mu chunsile.
21 Yi mu yendle murhangeli wa yindlo ya yona,A fuma minchumu ya yona hinkwayu,+
22 Leswaku a rhangela tihosi ta yonaNi ku djondzisa madoda ya yona wutlharhi.+
23 Se Israyele a ya Gibita,+Yakobe a tshame ka tiko la Hamu ku fana ni munhu wa tiko lin’wani.
24 Xikwembu xi yendla swaku vanhu va xona va psalana va va vanyingi hintamu;+Xi va yendla va va ni matimba ku tlula valala va vona,+
25 Xi va tshike va nyenya vanhu va xona,Va yendlela vatirheli va xona maplanu* ya ku biha.+
26 Xi rhumele Moxe mutirheli wa xona,+Na Aroni+ lweyi xi nga mu langa.
27 Va va yendlela swikombiso swa xona,Masingita ya xona ka tiko la Hamu.+
28 Xi rhumele munyama kutani tiko li mphuma li ku mphum;+Va yingise marito ya xona.
29 Xi txintxe mati ya vona ma va ngati,Xi dlaya tihlampfi ta vona.+
30 Tiko la vona li tale hi makhele,+Ma nghena ni ka makwartu ya hosi.
31 Xi rhume mabawa* swaku ma nghena tikweniNi tinsuna swaku ti nghena ka tindhawu ta vona hinkwatu.+
32 Xi txintxa mpfula ya vona yi va marhalala,*Xi rhumela ku hatima* ka tiko la vona.+
33 Xi dlaye minsinya ya vona ya mawuvha ni ya makuwaXi tshovelela minsinya ka tiko la vona.
34 Xi rhume mintete leswaku yi hlasela tiko,Mintete yayitsongo ya ku a yi konteki hi ku tala ka yona.+
35 Yi dla hinkwaswu leswi nga mila tikweni,Yi tlhela yi dla leswi nga byaliwa masin’wini.
36 Xikwembu xi gama xi dlayetela matevula hinkwawu atikweni la vona,+Masungulo ya matimba ya vona ya ku psala.
37 Xi humese vanhu va xona na va ni prata ni woru;+Naswona a ku na munhu ni mun’we ka vanhu va xona lweyi a nga hela matimba.
38 Vagibita va tsakile nkama va nga famba,Hikusa a va chava Vayisrayele.+
39 Xi yandlale rhefu leswaku li va vhikela,+
Ni ndzilu swaku wu va voningela niwusiku.+
40 Va kombelile, se xi va tisela tin’hwarhi;*+A xi hamba xi va nyika pawu leli taka hi le tilweni.+
41 Xi pfule ribye, ku huma mati;+Ma tsutsuma mananga ku fana ni nambu.+
42 Hikusa xi khumbuke xitshembiso xa ku kwetsima lexi xi nga tshembisa Abrahamu mutirheli wa xona.+
43 Se xi humesa vanhu va xona hi ku tsaka,+Vakwetsimi va xona hi minkulungwani.
44 Xi va nyike tindhawu ta vanhu va matiko;+Va kuma leswi vanhu van’wani va nga swi balhela,+
45 Leswaku va ta yingisa leswi xi swi lavaka+Ni minawu ya xona.
Dzunisani Yehovha!*
Tinhlamunselu ta le hansi
^ Kumbexana: “Vulavulani”.
^ Hi Xiheberu: “mbewu”.
^ Hi Xiheberu: “rito leli xi nga li rhumisa”.
^ Kumbe: “makungu”.
^ Ku nga muxaka wa tinhongani ta ku lumana.
^ Kumbe: “marhalani”.
^ Kumbe: “malangavi ya ndzilu”.
^ Ku nga muxaka wa swinyanyani.
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
