Tipisalema 136:1-26
136 Khensani Yehovha, hikusa i munene;+Lirhandzu la yena lalikulu a li heli.+
2 Khensani Xikwembu xa ku tlula swikwembu hinkwaswu,+Hikusa lirhandzu la xona lalikulu a li heli.
3 Khensani Hosi ya tihosi,Hikusa lirhandzu la yona lalikulu a li heli.
4 Hi yena ntsena a yendlaka swilo swa ku hlamalisa,+Hikusa lirhandzu la yena lalikulu a li heli.+
5 A yendle matilo hi wutlharhi,+Hikusa lirhandzu la yena lalikulu a li heli.
6 A yandlale misava henhla ka mati,+Hikusa lirhandzu la yena lalikulu a li heli.
7 A yendle swa ku voninga hi swona swaswikulu,+Hikusa lirhandzu la yena lalikulu a li heli,
8 Dlambu swaku li voninga ninhlikanhi,+Hikusa lirhandzu la yena lalikulu a li heli,
9 N’weti ni tinyeleti swaku swi voninga niwusiku,+Hikusa lirhandzu la yena lalikulu a li heli.
10 A dlaye matevula ya le Gibita,+Hikusa lirhandzu la yena lalikulu a li heli.
11 A humese Vayisrayele xikarhi ka vona,+Hikusa lirhandzu la yena lalikulu a li heli,
12 Hi voko la yena la matimba+ ni matimba ya yena yamakulu,*Hikusa lirhandzu la yena lalikulu a li heli.
13 A yave Lwandle la Ku Pshuka hi xikarhi,+Hikusa lirhandzu la yena lalikulu a li heli.
14 A yendle swaku Vayisrayele va hundza hi le xikarhi ka lona,+Hikusa lirhandzu la yena lalikulu a li heli.
15 A txukumetele Faru ni masonchwa ya yena aLwandle la Ku Pshuka,+Hikusa lirhandzu la yena lalikulu a li heli.
16 A rhangele vanhu va yena amananga,+Hikusa lirhandzu la yena lalikulu a li heli.
17 A dlaye tihosi tatikulu,+Hikusa lirhandzu la yena lalikulu a li heli.
18 A dlaye tihosi ta matimba,Hikusa lirhandzu la yena lalikulu a li heli,
19 Ku nga Sihoni+ hosi ya Vaamori,Hikusa lirhandzu la yena lalikulu a li heli,
20 Na Ogi+ hosi ya Baxani,Hikusa lirhandzu la yena lalikulu a li heli.
21 A nyike vanhu va yena tiko la tona swaku li va tshomba la vona,+Hikusa lirhandzu la yena lalikulu a li heli,
22 Tshomba la Israyele mutirheli wa yena,Hikusa lirhandzu la yena lalikulu a li heli.
23 A hi khumbukile nkama hi nga danisiwa,+Hikusa lirhandzu la yena lalikulu a li heli.+
24 A a tshamela ku hi ponisa ka valala va hina,+Hikusa lirhandzu la yena lalikulu a li heli.
25 A phamela swilo hinkwaswu leswi swi hanyaka,+Hikusa lirhandzu la yena lalikulu a li heli.
26 Khensani Xikwembu xa matilo,Hikusa lirhandzu la xona lalikulu a li heli.
Tinhlamunselu ta le hansi
^ Hi Xiheberu: “voko la yena leli nga tshandzavutiwa”.
