Tipisalema 146:1-10
146 Dzunisani Yehovha!*+
Ni ta dzunisa Yehovha, hi mbilu ya mina hinkwayu.+
2 Ni ta dzunisa Yehovha wutomi la mina hinkwalu.
Ni ta yimbelela ni dzunisa Xikwembu xa mina loko na ha hanya.
3 Mi nga ti tshembi tihosi,*Kumbe munhu, hikusa a nge swi koti ku mi ponisa.+
4 Loko munhu a fa,* a tlhelela ka wuthulu;+Hi siku lolelo mimpimiso ya yena ya hela.+
5 Wa tsaka lweyi a pfuniwaka hi Xikwembu xa Yakobe,+Lweyi a tshembaka Yehovha Xikwembu xa yena,+
6 Muyendli wa matilo ni misava,Lwandle ni minchumu hinkwayu leyi nga ka swona,+Lweyi a tshamaka na a tshembekile,+
7 Lweyi a lwelaka lava va tekeliwaka swa vona,Lweyi a phamelaka lava va nga ni ndlala.+
Yehovha a chunsa lava va nga djele.+
8 Yehovha a pfula matihlo ya lava va nga fa matihlo;+Yehovha a pfuxa lava va nga khizama;+Yehovha a rhandza lava va ku lulama.
9 Yehovha a vhikelela munhu wa ku ta hi ka tiko lin’wani;A hlayisa n’wana lweyi a nga feliwa hi vapsali* ni wansati lweyi a nga feliwa hi nuna,+Kambe a wonha maplanu* ya lava va ku biha.+
10 Yehovha a ta va Hosi hi masiku ni masiku,+Xikwembu xa wena, wena Siyoni, xi ta fuma vanhu lava va nga kona swoswi, ni lava va ha taka.
Dzunisani Yehovha!*
Tinhlamunselu ta le hansi
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
^ Kumbe: “vanhu va xiyimu xa le henhla”.
^ Kumbe: “Loko ku hefemula ka yena ku hela”.
^ Hi Xiheberu: “papayi”.
^ Kumbe: “makungu”.
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
