Tipisalema 148:1-14
148 Dzunisani Yehovha!*
Dzunisani Yehovha n’wina mi tshamaka matilweni;+Mu dzuniseni n’wina mi tshamaka ka tindhawu ta ku tlakuka.
2 Mu dzuniseni, hinkwenu n’wina tintsumi ta yena.+
Mu dzuniseni, hinkwenu n’wina masonchwa ya yena.+
3 Dlambu ni n’weti, a swi mu dzunise.
Ni tinyeleti hinkwatu leti phatimaka a ti mu dzunise.+
4 Mu dzuniseni, n’wina matilo ya ku tlakukaNa n’wina mati lama nga henhla ka matilo.
5 A swi dzunise vito la Yehovha,Hikusa a rhumisile, se swi va kona.+
6 A yendla swaku swi va kona hi masiku ni masiku;+A veke nawu lowu nga ta tshama na wu li kona.+
7 Dzunisani Yehovha n’wina mi tshamaka misaveni,Mu dzuniseni n’wina swiharhi swaswikulu swa lwandle ni mati hinkwawu ya ku yenta,
8 Wena ku hatima ni marhalala,* gamboko* ni marhefu ya ku mphuma,Na wena xidzedze lexi yendlaka leswi a nga swi hlaya,+
9 N’wina tintshava na n’wina hinkwenu maganga,+N’wina minsinya leyi psalaka mihandzu na n’wina hinkwenu minsinya ya mikedari,+
10 N’wina swiharhi na n’wina+ hinkwenu swifuyu,N’wina swiharhi leswi fambaka hi khwirhi ni swinyanyani,
11 N’wina tihosi ta misava na n’wina hinkwenu vanhu va matiko,N’wina lava fumaka na n’wina hinkwenu vayavanyisi va misava,+
12 N’wina madjaha na n’wina tintombhi,*N’wina lava va nga guga na n’wina vafana.
13 A va dzunise vito la Yehovha,Hikusa vito la yena li le henhla hintamu a li kumeleki.+
Wukulu la yena li tlula tilo ni misava.+
14 A ta nyika vanhu va yena matimba,Swaku ku dzunisiwa vanhu va yena hinkwavu va ku tshembeka,Vana va Israyele, vanhu lava va nga kusuhi na yena.
Dzunisani Yehovha!*
Tinhlamunselu ta le hansi
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
^ Kumbe: “marhalani”.
^ Kumbe: “neve”. I minchumu ya ku basa yi ku baa ku fana ni jelu.
^ Ku nga tintombhi ta ku kala ti nga se famba masangu.
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
