Tipisalema 18:1-50
Ka mayextru. Pisalema ya Davhida mutirheli wa Yehovha, leyi a nga yi yimbelelela Yehovha hi siku leli Yehovha a nga mu ponisa ka valala va yena hinkwavu ni ka Sawulo. A te:+
18 Na ku rhandza Yehovha matimba ya mina.+
2 Yehovha i ribye la mina ni ndhawu ya mina ya ku tumbela funtshi hi Yena a ni ponisaka.+
Xikwembu xa mina i ribye la mina+ leli ni tumbelaka ka lona,I xivhikelo xa mina ni limhondzo* la mina la ku ponisa, i ndhawu ya mina ya ku tiya ya ku tumbela ka yona.+
3 Ni kombela Yehovha lweyi a faneliwaka hi ku dzunisiwa swaku a ni pfuna,Yena a ta ni ponisa ka valala va mina.+
4 Magoda ya lifu ma le matlhelweni ka mina;+Ni vanhu lava yendlaka swa ku biha a va ni chavisa ku fana ni mati ya ndhambi.+
5 Magoda ya Sirha* a ma ni pfalelile ka matlhelo hinkwawu;Lifu a li veke ntlhamu phambheni ka mina.+
6 Ni kombele swaku Yehovha a ni pfuna ka swikarhatu swa mina,A ni tshikanga ku kombela ku pfuniwa hi Xikwembu xa mina.
Se xi twe rito la mina na xi li tempeleni ya xona,+Xi ni twile nkama ni nga kombela ku pfuniwa.+
7 Se misava yi sungule ku tsekatseka;+Leswi nga tiyisa tintshava swi sungule ku tsekatseka,Swi tsekatsekile hi mhaka ya leswi Xikwembu xi nga kwatisiwa.+
8 Ka tinhompfu ta xona a ku huma ximusi,Ka nomo wa xona a ku huma ndzilu lowu helisaka;+Ka xona a ku huma makhala lama pfurhaka.
9 A nkama a xi xika matilo ma yendle ingaku mo wa,+Marhefu ya ntima a ma li hansi ka minenge ya xona.+
10 Xi te na xi haha na xi khwele ka kerubu.+
A xi haha hi timpapa ta ntsumi.+
11 Se xi tifunengeta hi munyama,+Wu ve matlhelweni ka xona ku fana ni tende,Ka mati ya ntima ni ka marhefu ya ntima.+
12 A ku hatima loku a ku li phambheni ka xonaA ku humesa marhalala* ni makhala lawa ma pfurhaka ka marhefu.
13 Se Yehovha a yendla swaku tilo li sungula ku duma;+Lweyi Wa Ku Tlakuka a yendla swaku vanhu va twa rito la yena,+Hi marhalala ni makhala lama pfurhaka.
14 A txope valala va yena hi mimpaxwa* a va hangalasa;+A va be hi tilo va nga ha xi tivi xa ku xi yendla.+
15 Minambu yayitsongo yi sungula ku voneka;+Leswi misava yi nga tiya hi swona swi gwavuka hi mhaka ya ku laya ka wena, Yehovha,Ni hi mhaka ya moya lowu humaka ka tinhompfu ta wena.+
16 A tshandzavute voko la yena na a li henhla;A ni khoma a ni humesa ka mati ya ku yenta.+
17 A ni ponisile ka nala wa mina lweyi a nga ni matimba,+Ni ka lava va ni nyenyaka, lava va nga ni matimba ku ni tlula.+
18 Va ni dumelile nkama a ni li ka nghozi,+Kambe Yehovha a a ni pfuna.
19 A ni ponisile a ni veka ka ndhawu ya ku hlayiseka;A ni ponisile hikusa a a ni rhandza.+
20 Yehovha wa ni hakela hi mhaka ya mintirho ya mina ya ku lulama;+Wa ni hakela hi mhaka ya leswi ni kalaka ni nga na nandzu.*+
21 Hikusa ni yingise minawu ya Yehovha,Funtshi a ni xi tshikanga Xikwembu xa mina.
22 Hinkwaswu swiboho swa xona swa ku yavanyisa swi le phambheni ka mina;A ni nge yi tshiki minawu ya xona.
23 Ni ta tshama ni nga na nandzu ka xona,+Ni tlhela ni fambela kule ni xidjoho.+
24 Yehovha a a ni hakeli hi mhaka ya mintirho ya mina yayinene,+Hikusa mavoko ya mina a ma na nandzu phambheni ka yena.+
25 Wena wa tshembeka ka lweyi a tshembekaka;+U ni timpsalu ka lweyi a kalaka a nga na nandzu;+
26 U munene ka lweyi a nga munene,+Kambe lweyi a kanganyisaka u mu komba swaku u tlharihile.+
27 Hikusa u ponisa lava xanisekaka*+Kambe lava tibyelaka wa va veka hansi.+
28 Hikusa hi wena lweyi a tlhavikaka livoni la mina, Yehovha Xikwembu xa mina,Xikwembu xa mina lexi ni voningelaka ka ku mphuma.+
29 Hi ku pfuniwa hi wena ni nga lwa ni masonchwa lama teketelaka minchumu;+Hi matimba ya Xikwembu ni nga khwela ka muru wawukulu.+
30 Hinkwaswu leswi Xikwembu xi swi yendlaka swi hetisekile;*+Marito ya Yehovha ma basile.*+
I xivhikelo ka hinkwavu lava tumbelaka ka yena.+
31 Hikusa i mani Xikwembu loko ku nga li Yehovha?+
Funtshi i mani ribye loko ku nga li Xikwembu xa hina?+
32 Xikwembu xa ntiyiso hi xona xi ni nyikaka matimba,+Funtshi xi ta basisa ndlela ya mina.+
33 Xi yendla minenge ya mina yi fana ni ya mbavala;*Xi ni yendla ni nyima ka tindhawu ta le henhla.+
34 Xi ni djondzisa ku lwa nyimpi;Mavoko ya mina ma nga khotsa ligubu la ku yendliwa hi kobre.
35 U ni nyika xivhikelo xa wena xa ku ponisa,+Voko la wena la xinene la ni seketela,Ku tiveka hansi ka wena ka ni tlakusa.+
36 U ni basisela ndlela;Minenge ya mina a yi nge rhetemuki.+
37 Ni ta hlongolisa valala va mina ni va hlula;A ni nge tlheli na va nga se hela.
38 Ni ta va dlaya ni va heta swaku va nga ha pfuki;+Ni ta va kandzihetela.
39 U ta ni nyika matimba ya ku lwa nyimpi;U ta yendla swaku valala va mina va wa phambheni ka mina.+
40 U ta yendla swaku valala va mina va baleka loko va ni vona,Naswona ni ta helisa* lava ni nyenyaka.+
41 Va kombela ku pfuniwa, kambe a ku na lweyi a va ponisaka;Va huwelela ni le ka Yehovha, kambe a nga va hlamuli.
42 Ni ta va kandza va fana ni wuthulu;Ni ta va txukumeta ku fana ni madaka aswitaratwini.
43 U ta ni ponisa ka vanhu lava rhandzaka ku lavetela swihoxo.+
U ta ni langa swaku ni va murhangeli wa matiko.+
Ni ta tirheliwa hi vanhu lava ni kalaka ni nga va tivi.+
44 Va ta ni yingisa hi mhaka ya leswi va nga swi twa hi mina;Vanhu va ku ta hi ka matiko man’wani va ta ta ka mina na va tikhondlile hi ku chava.+
45 Vanhu va matiko man’wani va ta hela ntamu;Va ta huma lani va nga tumbela kona na va rhurhumela.
46 Yehovha wa hanya! A ku dzunisiwe Ribye la mina!+
A ku dzunisiwe Xikwembu xa mina lexi ni ponisaka.+
47 Xikwembu xa ntiyiso hi xona xi ni hakeliselaka ka valala va mina;+Xi yendla swaku vanhu va va hansi ka mina.
48 Xa ni ponisa ka valala va mina lava nga kwata;Xi ni veka henhla ka ndhawu ya ku hambi lava ni hlaselaka a va nga ta ni kuma;+Xa ni ponisa ka munhu wa ku rhandza ku lwa.
49 Hi leswo swi nga ta yendla ni ku dzunisa xikarhi ka matiko, Wena Yehovha Xikwembu xa mina,+Ni ta yimbelela swaku ni dzunisa vito la wena.+
50 A ponisa hosi leyi a nga yi veka hi ndlela ya ku hlamalisa;+A rhandza lweyi a nga mu langa,+Ka Davhida ni vana* va yena hi nkama wa ku kala wu nga heli.+
Tinhlamunselu ta le hansi
^ Vona Ntlhamuselo.
^ Kumbe: “Sheol”. Vona Ntlhamuselo.
^ Kumbe: “marhalani”.
^ Kumbe: “maflexa”.
^ Hi Xiheberu: “mavoko ya mina ma nga basa.”
^ Hi Xiheberu: “tivekaka hansi”.
^ Kumbe: “tengile.”
^ Kumbe: “Ndlela ya Xikwembu xa ntiyiso yi helelile.”
^ Kumbe: “veado.”
^ Hi Xiheberu: “miyeta”.
^ Hi Xiheberu: “mbewu”.
