Tipisalema 34:1-22
Pisalema ya Davhida, hi nkama lowu a nga tiyendla ingi o hlanya+ phambheni ka Abimeleki, a za a mu hlongola.
א [Alefi]
34 Ni ta dzunisa Yehovha minkama hinkwayu;A ni nge tshiki ku mu dzunisa.
ב [Beti]
2 Ni ta tibuma hi Yehovha;+Lava ku rhula va ta swi twa, se va tsaka.
ג [Gimeli]
3 A hi byeleni van’wani hi Yehovha;+A hi dzuniseni vito la yena.
ד [Daleti]
4 Ni khongelile ka Yehovha funtshi a ni hlamulile.+
A ni ponisile ka ku chava ka mina hinkwaku.+
ה [He]
5 Lava a va mu tshemba va tsakile;A va danisiwanga.
ז [Zayini]
6 Xisiwana xi vitane Yehovha naswona a xi twile.
A xi ponisile ka mahlomulu ya xona hinkwawu.+
ח [Heti]
7 Ntsumi ya Yehovha yi gwimba tende hinkwaku lomu ku nga ni lava Mu chavaka,+Naswona ya va ponisa.+
ט [Teti]
8 Nampsani mi vona swaku Yehovha i munene;+Wa tsaka munhu lweyi a tumbelaka ka yena.
י [Iyodi]
9 Chavani Yehovha, n’wina hinkwenu vakwetsimi va yena,Hikusa lava mu chavaka a va pfumali nchumu.+
כ [Kafi]
10 Hambi swinghonyamani leswi nga ni matimba swa fa hi ndlala,Kambe lava lavaka Yehovha a va nge pfumali nchumu wawunene.+
ל [Lamedi]
11 Tanani vana va mina, ni yingiseni;Ni ta mi djondzisa ku chava Yehovha.+
מ [Memi]
12 I mani xikarhi ka n’wina lweyi a tsakelaka wutomi,Naswona a swi lavaka ku hanya masiku ya manyingi ya ku tsakisa?+
נ [Nuni]
13 Kutani fuma lirimi la wena swaku li nga vulavuli swa ku biha,+Ni nomo wa wena swaku wu nga vulavuli mavunhwa.+
ס [Sameki]
14 Fambelani kule ni swa ku biha mi yendla swaswinene;+Lavani ku rhula mi tlhela mi ku hlayisa.+
ע [Ayini]
15 Matihlo ya Yehovha ma txuvuke va ku lulama,+Ni tindleve ta yena ti yingisa xirilo xa vona xa ku kombela ku pfuniwa.+
פ [Pe]
16 Kambe Yehovha a va komba nhlana lava yendlaka swa ku biha,A ta yendla swaku va nga ha khumbukiwi amisaveni.+
צ [Tsadi]
17 Va huwelelile naswona Yehovha a swi twile;+A va ponisile ka mahlomulu ya vona hinkwawu.+
ק [Kofi]
18 Yehovha a kusuhi ni lava nga tshoveka timbilu;+A ponisa lava nga hetiwa matimba.+
ר [Rexi]
19 I manyingi makhombo ya lweyi wa ku lulama,+Kambe Yehovha wa mu ponisa ka wona hinkwawu.+
ש [Ximi]
20 A hlayisa marhambu ya yena hinkwawu;Ni lin’we la wona a li tshovekanga.+
ת [Tawu]
21 Lweyi wa ku biha a ta dlayiwa hi khombo;Lava nyenyaka lweyi wa ku lulama va ta nyikiwa nandzu.
22 Yehovha a ponisa wutomi la vatirheli va yena;Lava tumbelaka ka yena a va nge nyikiwi nandzu.+