Tipisalema 37:1-40
-
Lava va tshembaka Yehovha swi ta va fambela kahle
Pisalema ya Davhida.
א [Alefi]
37 U nga kwati hi mhaka ya lava yendlaka swa ku bihaKumbe u navela lava yendlaka swa ku biha.+
2 Va ta hantla va vuna ku fana ni byanyi+Va tlhela va woma ku fana ni byanyi la vherdi le la ha ku milaka.
ב [Beti]
3 Tshemba Yehovha u yendla swaswinene;+Tshama amisaveni, u tshembeka.+
4 Kuma ku tsaka kakukulu ka Yehovha,Naswona a ta ku nyika leswi mbilu ya wena yi swi navelaka.
ג [Gimeli]
5 Yandlala ndlela ya wena ka Yehovha;+Mu tshembi, a ta ku pfuna.+
6 A ta yendla ku lulama ka wena ku voninga ku fana ni dlambu loko li tlhava,Kasi wululami la wena li ta fana ni dlambu la ninhlikanhi.
ד [Daleti]
7 Miyela u ku whii, phambheni ka Yehovha+Mu rindzele na u nga heli mbilu.
U nga kwatisiwi hi munhuLweyi maplanu* ya yena ya ku biha ma humelelaka.+
ה [He]
8 U nga kwati, tshika ku kwata;+U nga kwati u za u yendla swa ku biha.*
9 Hikusa lava yendlaka swa ku biha va ta helisiwa,+Kambe lava tshembaka Yehovha va ta tshama misaveni.+
ו [Vawu]
10 Ku yo sala nkamanyana swaku lava ku biha va helisiwa;+U ta txuvuka lomu a va li kona,Kambe va ta va va nga ha li kona.+
11 Kambe lava ku rhula va ta tshama misaveni,+Va ta tsaka hintamu hikusa ku ta va ni ku rhula kakukulu.+
ז [Zayini]
12 Lweyi wa ku biha a yendla maplanu ya ku lwa ni lweyi wa ku lulama;+A mu lumela ni matinyu loko a mu vona.
13 Kambe Yehovha a ta mu hleka,Hikusa Wa swi tiva swaku siku la yena li ta ta.+
ח [Heti]
14 Lava ku biha va hlomule swipada swa vona va tlhela va khoma ni tigubu ta vona,Swaku va helisa lava xanisiwaka ni swisiwana,Swaku va dlaya lava nga lulama.
15 Kambe matlharhi ya vona ma ta tlhava timbilu ta vona;+Tigubu ta vona ti ta tshoviwa.
ט [Teti]
16 Ku yampsa swaswitsongo swa lweyi wa ku lulamaKu tlula swa swinyingi swa lava ku biha.+
17 Hikusa mavoko ya lava ku biha ma ta tshoviwa,Kambe Yehovha a ta seketela lava ku lulama.
י [Iyodi]
18 Yehovha wa ma vona mahlomulu ya lava ku lulama,Naswona tshomba la vona li ta va kona hi masiku ni masiku.+
19 A va nge danisiwi hi nkama wa khombo;Va ta xurha hi nkama wa ndlala.
כ [Kafi]
20 Kambe lava ku biha va ta helisiwa;+Valala va Yehovha va ta nyamalala ku fana ni byanyi la ku nona;*Va ta nyamalala ku fana ni ximusi.
ל [Lamedi]
21 Lweyi wa ku biha wa lomba kambe a nga tlhelisi,Kambe lweyi wa ku lulama a ni timpsalu funtshi a nga tsonani.+
22 Misava yi ta va ya lava A va katekisaka,Kambe lava A va rhukaka va ta helisiwa.+
מ [Memi]
23 Yehovha a kongomisa wutomi la munhu+Lweyi mintirho ya yena yi Mu tsakisaka.+
24 Hambiloko o wa, a nge tshikiwi hansi,+Hikusa Yehovha a ta mu pfuxa hi voko la yena.+
נ [Nuni]
25 A ni li djaha naswona swoswi se ni gugile,Kambe a ni se tshama ni vona munhu wa ku lulama a tshikiwa,+Kumbe vana va yena va kombela pawu.*+
26 Nkama hinkwawu a lombisa na a nga lavi majuru,*+Funtshi vana va yena va ta katekisiwa.
ס [Sameki]
27 Tshika swa ku biha u yendla swaswinene,+Se u ta tshama hi masiku ni masiku.
28 Hikusa Yehovha a rhandza wululami,A nge va tshiki vanhu va yena va ku tshembeka.+
ע [Ayini]
Va ta tshama na va hlayisekile;+Kambe vatukulu va lava ku biha va ta helisiwa.+
29 Lava ku lulama va ta tshama misaveni,+Va ta hanya ka yona hi masiku ni masiku.+
פ [Pe]
30 Nomo wa lweyi wa ku lulama wu vulavula marito ya wutlharhi,Ni lirimi la yena li vulavula swa ku lulama.+
31 Nawu wa Xikwembu xa yena wu le mbilwini ya yena;+Minenge ya yena a yi nge dedereki.+
צ [Tsadi]
32 Munhu wa ku biha a langute lweyi wa ku lulama,A lava ku mu dlaya.
33 Kambe Yehovha a nge mu tshiki wa ku lulama a hluliwa hi wa ku biha,+Kumbe ku mu nyika nandzu loko a yavanyisiwa.+
ק [Kofi]
34 Tshemba Yehovha u landzela ndlela ya yena,A ta ku tlakusa swaku u tshama misaveni.
U ta swi vona+ loko vanhu va ku biha va helisiwa.+
ר [Rexi]
35 Ni vone wanuna wa ku biha lweyi a hluphaka van’waniSwi mu fambela kahle ku fana ni timintsu ta nsinya wawukulu ka misava ya wona.+
36 Kambe a hantle a fa a nga ha li kona;+Ni tame ni mu lavetela kambe a nga ha kumekanga.+
ש [Ximi]
37 Txuvukisisa lweyi wa ku tshembeka,*Tshama na u txuvuke wa ku lulama,+Hikusa munhu wa kona a ta va ni ku rhula mundzuku ka siku.+
38 Kambe hinkwavu lava tlulaka nawu va ta helisiwa;Lava ku biha a wugamu la vona i ku dlayiwa.+
ת [Tawu]
39 Yehovha a ponisa lava ku lulama;+I xivhikelo xa vona hi nkama wa mahlomulu.+
40 Yehovha a ta va pfuna a va ponisa.+
A ta va ponisa ka lava ku biha a va ponisa,Hikusa va tumbela ka yena.+
Tinhlamunselu ta le hansi
^ Kumbe: “makungu”.
^ Kumbexana: “U nga kwati hikusa swi nga ku vavisa.”
^ Kumbe: “madlelo yamanene.”
^ Kumbe: “swakudla.”
^ Kumbe: “mpsalu”.
^ Kumbe: “wa ku kala a nga soleki”.
