Tipisalema 40:1-17
Ka mayextru. Pisalema ya Davhida.
40 Ni tshemba* Yehovha hi mbilu hinkwayu,A yingisela kahle swaku a twa xirilo xa mina xa ku kombela ku pfuniwa.+
2 A ni humese ka xikhele lexi nga ni mati lama nga kwata,A ni humese ka madaka.
A ni nyimisa henhla ka ribye;Swaku ni nga wi.
3 Se a ni djondzisa lisimu la nyuwani,+A ku dzunisiwe Xikwembu xa hina.
Va ku tala va ta txuvuka va gama va hlamalaVa ta tshemba Yehovha.
4 Wa tsaka munhu lweyi a tshembaka YehovhaLweyi a kalaka a nga tshembi vanhu lava kalaka va nga na xihlonipho kumbe lava nga ni mavunhwa.
5 Yehovha Xikwembu xa minaU yendle swilo swa swinyingi hintamu,Mintirho ya wena ya hlamalisa ni leswi u swi pimisaka hi hina.+
A nga kona lweyi a nga fanisiwaka na wena;+Loko no lava ku vulavula hi mintirho ya wena,I yinyingi hintamu lakakuva a ni nge swi koti ku yi heta!+
6 A wu tsakisiwanga hi magandzelo ni minyikelo+Kambe u pfule tindleve ta mina swaku ti yingisa.+
A wu kombelanga swaku ku yendliwa magandzelo ya ku hisiwa ni magandzelo ya xidjoho.+
7 Se ni te: “Hi mina lweyi! Ni tile.
Ka buku* ku tsaliwe leswo hi mina.+
8 Ni tsakisiwa hi ku yendla ku rhandza ka wena Xikwembu xa mina,+Nawu wa wena wu le ndzeni ka mbilu ya mina.+
9 Ni chumayela mahungu ya ku tsakisa ya ku lulama xikarhi ka nhlengeletanu yayikulu.+
Phela a ni miyelanga,+Yehovha Xikwembu xa mina, u swi tiva kahle.
10 Ku lulama ka wena a ni ku tumbetanga ka mbilu ya mina.
Ni vulavule hi ku tshembeka ni ku ponisa ka wena.
A ni li tumbetanga lirhandzu la wena ni ntiyiso wa wena xikarhi ka nhlengeletanu yayikulu.”+
11 Yehovha, u nga ni tsoni timpsalu ta wena.
Lirhandzu la wena ni ntiyiso wa wena a swi ni vhikele minkama hinkwayu.+
12 Ni rhendzeliwe hi makhombo ya ku kala ma nga konteki hi ku tala ka wona.+
Swidjoho swa mina swa swinyingi swi ni tata nhloko ni za ni nga ha yi voni ni ndlela;+I swinyingi ku tlula ni misisi ya nhloko ya mina,Naswona ni hele ntamu.
13 Yehovha ni kombela u ta ni ponisa.+
Yehovha, kahlula u ta ni pfuna.+
14 Hinkwavu lava lavaka ku ni dlayaA va danisiwe va tlhela va xixiwa.
Lava tsakaka loko ni humeleliwa hi khomboA va baleke na va korhamise tinhloko hi tingana.
15 Lava ni poyilelaka va ku: “A kumekile!”
A va danisiwe swa wugamu.
16 Kambe lava va ku lavaka+A va tsake, va tsaka hi wena.+
Lava rhandzaka ku ponisa ka wena a va tshamele ku vula va ku:
“A ku dzunisiwe Yehovha!”+
17 Kambe a ni na wa ku ni pfuna naswona ni xisiwana;Yehovha a a ni yingise.
U mupfuni wa mina ni muponisi wa mina;+U nga hlweli Xikwembu xa mina.+
Tinhlamunselu ta le hansi
^ Kumbe: “rindzela”.
^ Ku nga buku ya khale leyi a yi yendla hi ku songiwa.
