Tipisalema 44:1-26
Ka mayextru. Maxkili* ya vana va Kora.+
44 Hi swi twile hi tindleve ta hina wena Xikwembu,Vavhovho va hina va hi bulelile,+Mintirho leyi u nga yi yendla hi nkama wa vona,Khale ka khaleni.
2 U hlongole matiko hi voko la wena,+U teke tiko u li nyika vavhovho va hina.+
U be vanhu va matiko u va hlongola.+
3 A va tekanga tiko hi mhaka ya xipada xa vona,+A va hlulanga hi mhaka ya voko la vona.+
Kambe va kote ku hlula hi mhaka ya voko la wena la xinene ni xiyandla xa wena,+ ni hi mhaka ya timpsalu ta wena,*Hikusa u va rhandzile.+
4 U Hosi ya mina, wena Xikwembu;+Pfuna Yakobe swaku a hlula.
5 Hi ta hlongola valala va hina hi matimba ya wena;+Hi vito la wena hi ta kandzihetela lava va hi hlaselaka.+
6 Hikusa a ni li tshembi ligubu la mina,Funtshi xipada xa mina a xi nge ni ponisi.+
7 Hi wena u nga hi ponisa ka valala va hina,+Hi wena u nga danisa lava va hi nyenyaka.
8 Hi ta dzunisa Xikwembu siku hinkwalu,Naswona hi ta khensa vito la wena hi masiku ni masiku. (Sela)
9 Kambe swoswi u hi txukumetile u tlhela u hi danisa,A wa ha fambi xikan’we ni masonchwa ya hina.
10 U tshamela ku yendla swaku hi baleka valala va hina;+Lava va hi nyenyaka va hi tekela minchumu ya hina.
11 U hi nyikelile swaku hi dliwa ku fana ni tinyempfu;U hi hangalasile xikarhi ka matiko.+
12 U xavise vanhu va wena hi male ya le hansi hintamu;+A wu ganyanga nchumu nkama u nga va xavisa.
13 U yendle swaku vavhizinyu va hina va hi rhuka,Lava tshamaka kusuhi na hina va hi poyilela va tlhela va hi vonela hansi.
14 U hi yendle xihlekiso xikarhi ka matiko,+Leswi yendlaka vanhu va hlakahla tinhloko loko va hi vona.
15 Ni titwa ni susiwe xindzhuti siku hinkwalu,Naswona ni tsakamile hi tingana,
16 Hi mhaka ya guwa la swipoyilo swa vona ni nhlambha ya vona,Hi mhaka ya nala wa hina lweyi a tlheliselaka.
17 Hi humeleliwe hi swilo leswi hinkwaswu, kambe a hi ku khohlwanga,Naswona a hi wu tlulanga ntwananu wa wena.+
18 Timbilu ta hina a ti hambukanga;Minkondzo ya hina a yi humanga ka ndlela ya wena.
19 Kambe u hi pfotlosile ka ndhawu leyi ku tshamaka timbyana ta khwati;*U hi funengete hi ndzhuti wawukulu.
20 Loko hi khohlwe vito la Xikwembu xa hina,Kumbe hi tlakuse mavoko swaku hi khongela ka xikwembu xin’wani,
21 Indjhe Xikwembu a xi nge swi tsumbuli?
Phela xi tiva swihundla swa mbilu.+
22 Minkama hinkwayu va lava ku hi dlaya hi mhaka ya wena;Hi fana ni tinyempfu leti yaka ku dlayiweni.+
23 Yehovha, pfuka. Hi mhaka muni u tama u yetlela?+
Pfuka. U nga hi tshiki swa wugamu.+
24 Hi mhaka muni u tumbeta nghohe* ya wena?
Hi mhaka muni u khohlwa mahlomulu ya hina ni ku karhatiwa ka hina?
25 Hikusa hi wisiwe hansi;Hi manyiwe hansi.+
26 Pfuka hikusa u mupfuni wa hina!+
Hi ponise hi mhaka ya lirhandzu la wena.+
Tinhlamunselu ta le hansi
^ Vona Ntlhamuselo.
^ Hi Xiheberu: “hi mhaka ya ku voninga ka kara la wena”.
^ Lani ku vulavuliwa hi timhungubye.
^ Kumbe: “kara la”.
