Tipisalema 46:1-11
Ka mayextru. Lisimu la vana va Kora.+ Hi ku ya hi xitayela* xa Alamoti.*
46 Xikwembu i ndhawu ya ku tumbela ni matimba ya hina,+Ku pfuniwa loku kumekaka hi ku hantlisa hi nkama wa mahlomulu.+
2 Hi mhaka leyo a hi nga ta chava hambiloko misava yi txintxa,Hambiloko tintshava ti wela xikarhi ka lwandle,+
3 Hambiloko mati ya kona ma vanga guwa, ma banana ma ya hala ni hala,*+Hambiloko tintshava ti tsekatseka hi mhaka ya ku kwata ka lona. (Sela)
4 Ku ni nambu lowu tindlela ta wona ti tsakisaka doropa la Xikwembu,+Tabernakela yayikulu ya ku kwetsima ya Lweyi A Nga Tlakuka.
5 Xikwembu xi le doropeni;+ lona a li nge hluliwi.
Xikwembu xi ta li pfuna ka ha li mixo.+
6 Matiko a ma dungekile, mimfumu a yi hluliwile;Xi huwelelile se misava yi gama yi deretera.+
7 Yehovha murhangeli wa tintsumi a na hina;+Xikwembu xa Yakobe i ndhawu ya hina ya ku tumbela leyi nga hlayiseka. (Sela)
8 Tanani mi ta vona mintirho ya Yehovha,Ndlela leyi a nga yendla hi yona minchumu ya ku hlamalisa amisaveni.
9 A helisa tinyimpi amisaveni hinkwayu.+
A tshova ligubu a tlhela a tshovelela ni tlharhi;A hisa tinyolo* ta nyimpi hi ndzilu.
10 “Tinyikeleni, mi ta swi tiva swaku ni Xikwembu.
Ni ta tlakusiwa xikarhi ka matiko;+Ni ta tlakusiwa amisaveni.”+
11 Yehovha murhangeli wa tintsumi a na hina;+Xikwembu xa Yakobe i ndhawu ya hina ya ku tumbela leyi nga hlayiseka.+ (Sela)
Tinhlamunselu ta le hansi
^ Kumbe: “estilo”.
^ Vona Ntlhamuselo.
^ Kumbe: “ma tlhutlha khuvi”.
^ Kumbexana: “swivhikelo”.
