Tipisalema 50:1-23
Pisalema ya Azafi.+
50 Yehovha Xikwembu lexi nga tlakuka ku tlula swikwembu hinkwaswu,+ a vulavulile;A vitana misavaKu sukela awuxeni ku ya awupeladlambu.
2 Xikwembu xi phatima ku sukela aSiyoni, doropa la ku saseka swinene.+
3 Xikwembu xa hina xi ta ta, a xi nge miyeli.+
Phambheni ka xona ku ni ndzilu lowu pfurhaka hintamu,+Naswona matlhelweni ka xona ku ni xidzedze xaxikulu.+
4 Xi vitana matilo ni misava,+Swaku xi ta yavanyisa vanhu va xona:+
5 “Hlengeletani vanhu va mina va ku tshembeka,Lava yendlaka ntwananu na mina hi gandzelo.”+
6 Matilo ma huwelela ku lulama ka xona,Hikusa Xikwembu hi xoxe i Muyavanyisi.+ (Sela)
7 “Yingisani nkama ni vulavulaka, n’wina vanhu va mina;Wena Israyele, ni ta kombisa swihoxo swa wena.+
Hi mina Xikwembu, Xikwembu xa wena.+
8 A ni ku layi hi mhaka ya magandzelo ya wena,Kumbe hi mhaka ya magandzelo ya wena ya ku hisiwa lawa u tshamelaka ku ni yendlela wona.+
9 A ni nge teki homu kaya ka wena,Kumbe timbuti* ka swib’ala swa wena.+
10 Hikusa swiharhi hinkwaswu leswi nga khwatini i swa mina,+Ni swiharhi leswi nga henhla ka 1.000 wa tintshava.
11 Ni tiva swinyanyani hinkwaswu swa tintshava;+Ni swiharhi swa ku a swi konteki hi ku tala ka swona leswi nga nhoveni i swa mina.
12 Loko a ni twa ndlala, a ni nga ta ku byela,Hikusa tiko ni hinkwaswu leswi nga ka lona i swa mina.+
13 Indjhe ni nga dla nyama ya tihomu,Ni ku phuza ngati ya timbuti?+
14 Yendlela Xikwembu gandzelo hi ku xi khensa,+Yendla leswi u nga swi tshembisa Lweyi A Nga Tlakuka;+
15 Ni vitane loko u li ka mahlomulu.+
Ni ta ku ponisa, naswona u ta ni dzunisa.”+
16 Kambe Xikwembu xi ta vutisa munhu wa ku biha xi ku:
“Indjhe u ni mfanelo ya ku vulavula hi minawu ya mina,+Kumbe ku vulavula hi ntwananu wa mina ke?+
17 Hikusa wa swi nyenya ku layiwa,Naswona a wu swi yingisi leswi ni ku byelaka swona.+
18 Loko u vona muyivi, u tsaka na yena,*+Naswona u munghanu wa lava mbuyetaka.
19 Nomo wa wena wu hangalasa swa ku biha,Ni lirimi la wena li tale hi mavunhwa.+
20 U tshamela ku vulavula ku biha hi makwenu;+U byela van’wani swihoxo swa makwenu.
21 Nkama u nga yendla minchumu leyi ni miyelile,Se u pimise swaku hi ta fana.
Kambe swoswi ni ta ku laya,Ni ta ku komba swihoxo swa wena.+
22 Ni kombela mi pimisa hi mhaka leyi, n’wina lava nga khohlwa Xikwembu,+Swaku ni nga mi handzuleli ku nga na lweyi a nga ta mi lamulela.
23 Lweyi a ni yendlelaka gandzelo hi ku ni khensa wa ni dzunisa,+Kasi lweyi a landzelaka ndlela yayinene,Ni ta yendla swaku Xikwembu xi mu ponisa.”+
