Tipisalema 51:1-19
Ka mayextru. Pisalema ya Davhida nkama muprofeta Natani a nga ya ka yena loko se a fambe masangu na Batixeba.+
51 Ni kombe timpsalu Xikwembu xa mina hi ku ya hi lirhandzu la wena.+
Ni rivalele swidjoho swa mina hi ku ya hi timpsalu ta wena tatikulu.+
2 Ni hlampse hi ku helela ka xihoxo xa mina,+Naswona ni basise ka xidjoho xa mina.+
3 Hikusa ni yi tiva kahle minandzu ya mina,Naswona ni tshamela ku khumbuka xidjoho xa mina.+
4 Ni ku djohelile, hi wena ni nga ku djohela ku tlula vanhu hinkwavu;+Ni yendle swa ku biha amatihlweni ya wena.+
Kutani u lulamile loko u vulavulaNaswona u yavanyisa hi ndlela ya ku lulama.+
5 Ni psaliwe na ni ni xihoxo,Naswona ni ni xidjoho ku sukela nkama mamani a nga kuma nyimba ya ku psala* mina.+
6 Na swi tiva swaku U tsakisiwa hi mbilu leyi nga ni ntiyiso;+Ni djondzise ku va ni mbilu leyi nga ni wutlharhi.
7 Hlampsa xidjoho xa mina hi xinsinyani xa hisopa* swaku ni ta basa;+Ni hlampse swaku ni ta basa ku tlula ni gamboko.*+
8 Ni yendle ni twa minkulungwani ni ku tsaka,Swaku marhambu lawa u nga ma pfotlosa ma ta tsaka.+
9 Txuvuka kule* swaku u nga swi voni swidjoho swa mina,+Limpa swihoxo swa mina hinkwaswu.+
10 Xikwembu xa mina, ni yendli ni va ni mbilu ya ku tenga ndzeni ka mina,+Naswona ni yendli ni navela ku yendla swaswinene+ minkama hinkwayu.*
11 U nga ni txukumeti kule na wena;U nga susi moya wa wena wa ku kwetsima ka mina.
12 Ni tlheliseli ku tsaka loku a ni li na kona nkama u nga ni ponisa;+Yendla swaku ni ku yingisa hi ku swi rhandza.
13 Lava tlulaka nawu ni ta va djondzisa tindlela ta wena,+Leswaku vadjohi va ta tlhelela ka wena.
14 Ni ponise ka nandzu wa ngati,+ Xikwembu xa mina, Xikwembu lexi ni ponisaka,+Swaku ni ta vulavula hi ku lulama ka wena hi ku tsaka.+
15 Yehovha Xikwembu xa mina, pfula nomo wa mina,Swaku ni ta ku dzunisa.+
16 Hikusa a wu lavi gandzelo, loko a wu li lava, a ni ta va ni ku yendlele lona;+A wu tsakisiwi hi gandzelo la ku hisiwa.+
17 Magandzelo lawa Xikwembu xi ma yamukelaka i mbilu leyi tisolaka;*U nga yi tshiki* mbilu leyi nga tshoveka yi tlhela yi pfotloseka Xikwembu xa mina.+
18 Yendlela Siyoni swilo swaswinene;Yakela Yerusalema makhumbi.
19 Kutani u ta tsakisiwa hi magandzelo ya ku lulama,Magandzelo ya ku hisiwa ni magandzelo lama nyikeliwaka na ma helelile;Hi kona tihomu ti nga ta nyikeliwa ka altari ya wena.+
Tinhlamunselu ta le hansi
^ Kumbe: “veleka”.
^ Vona Ntlhamuselo.
^ Kumbe: “neve.” I minchumu ya ku basa yi ku baa ku fana ni jelu.
^ Kumbe: “Tumbeta kara la wena”.
^ Kumbe: “Nghenisa moya wa nyuwani lowu tiyeke ndzeni ka mina.”
^ Kumbe: “i moya lowu nga vaviseka.”
^ Kumbe: “nyenyi”.
