Tipisalema 84:1-12
Ka mayextru; hi ta Gititi.* Pisalema ya vana va Kora.+ Lisimu.
84 Tabernakela ya wena yayikulu yi saseke ndjhani,+Yehovha murhangeli wa tintsumi!
2 Ni swi navela hi mbilu hinkwayu,Ku ya ka mikintari* ya yindlo ya Yehovha+A na ha tikoti hi ku navela.
Ni dzunisa Xikwembu lexi hanyaka hi mbilu ni matimba ya mina hinkwawu.
3 Hambi xinyanyani xi kume yindlo kolanuNi nkondjani* yi tikumele xisaka,Lomu yi hlayisaka kona vana va yonaKusuhi ni altari ya wena yayikulu, Yehovha murhangeli wa tintsumi,Hosi ya mina ni Xikwembu xa mina!
4 Va tsaka lava tshamaka ka yindlo ya wena!+
Va tama va ku dzunisa.+ (Sela)
5 Va tsaka vanhu lava kumaka matimba ka wena,+Lava timbilu ta vona ti tsakelaka ku famba hi tindlela leti ti yaka ka yindlo ya wena.
6 Loko va hundza ka Nkova wa Baka,*Va wu txintxa wu va ndhawu leyi nga ni swihlovo;Leyi katekisiwaka hi timpfula ta ku sungula.
7 Va ta famba va nga karhali;+Hinkwavu va ta fika phambheni ka Xikwembu aSiyoni.
8 Yingisa xikhongelo xa mina Yehovha murhangeli wa tintsumi;Yingisa, wena Xikwembu xa Yakobe. (Sela)
9 Txuvuka, wena xivhikelo xa hina*+ ni Xikwembu xa hina,Mu kombe timpsalu lweyi u nga mu langa.+
10 Hikusa siku lin’we ka kintari wa yindlo ya wena li tlula 1.000 wa masiku ka ndhawu yin’wani!+
Ni langa ku va ka nyanghwa wa yindlo ya Xikwembu xa minaKu tlula ku tshama ka matende ya vanhu va ku biha.
11 Hikusa Yehovha Xikwembu i dlambu+ ni xivhikelo;+A hi komba timpsalu a tlhela a hi yamukela.
Yehovha a nge va tsoni minchumu yayineneLava fambaka hi ku tshembeka.+
12 Wa tsaka munhu lweyi a ku tshembaka,+Wena Yehovha murhangeli wa tintsumi.
Tinhlamunselu ta le hansi
^ Vona Ntlhamuselo.
^ Vona Ntlhamuselo.
^ Kumbe: “andorinha”. I xinyanyani xaxitsongoo.
^ Kumbe: “Nkova lowu nga ni minsinya ya Baka”.
^ Kumbexana: “Vona xivhikelo xa hina wena Xikwembu”.
