Tipisalema 86:1-17
Xikhongelo xa Davhida.
86 Yehovha Xikwembu xa mina, ni yingiseli kahle, u ni hlamula,Hikusa na karhateka funtshi ni xisiwana.+
2 Vhikela wutomi la mina, hikusa ni tshembekile.+
Ni ponise mina mutirheli wa wena lweyi a ku tshembaka,Hikusa u Xikwembu xa mina.+
3 Ni kombe timpsalu, Yehovha+ Xikwembu xa mina,Hikusa ni khongela ka wena siku hinkwalu.+
4 Ni tsakise mina mutirheli wa wena,Hikusa ni tshembe wena, wena Yehovha.
5 Hikusa u lulamile,+ wena Yehovha, naswona u lunghekele ku rivalela;+U rhandza hinkwavu lava ku vitanaka.+
6 Yehovha Xikwembu xa mina; Yingisa xikhongelo xa mina,Yingisa loko ni kombela ku pfuniwa.+
7 Na ku vitana loko ni li ka mahlomulu,+Hikusa u ta ni hlamula.+
8 A ku na xikwembu lexi fanaka na wena, wena Yehovha+A ku na mintirho leyi fanaka ni ya wena.+
9 Matiko hinkwawu lawa u nga ma yendlaMa ta ta ma ta khizama phambheni ka wena, wena Yehovha,+Ma ta dzunisa vito la wena.+
10 Hikusa u mukulu funtshi u yendla minchumu ya ku hlamalisa hintamu;+U Xikwembu, wena wexe.+
11 Yehovha Xikwembu xa mina, ni djondzise ndlela ya wena.+
Ni ta famba ka ntiyiso wa wena.+
Yendla swaku ni chava vito la wena hi mbilu ya mina hinkwayu.+
12 Na ku dzunisa hi mbilu ya mina hinkwayu,+ Yehovha Xikwembu xa mina,Ni ta dzunisa vito la wena hi masiku ni masiku,
13 Hikusa u ni kombe swaku wa ni rhandza,U ponise wutomi la mina Sirheni.*+
14 Lava tibyelaka va ni terekelile,+ wena Xikwembu;Vanhu va mona va lava ku ni dlaya,A va na mhaka na wena.+
15 Kambe wena Yehovha, u Xikwembu xa timpsalu ni ntwelawusiwana,Lexi hlwelaka ku kwata naswona xi nga ni lirhandzu ni ntiyiso.+
16 Ni txuvuke u ni komba timpsalu.+
Ni nyike matimba mina mutirheli wa wena,+U ponisa n’wana wa mutirhi wa wena wa xisati.
17 Ni nyike xikombiso* xa wunene la wena,Swaku lava ni nyenyaka va ta xi vona, va gama va dana.
Hikusa wena Yehovha, u mupfuni wa mina ni mutiyisi wa mina.
