Tipisalema 90:1-17
Xikhongelo xa Moxe, mutirheli wa Xikwembu xa ntiyiso.+
90 Yehovha Xikwembu xa mina, u ve ndhawu ya hina*+ ya ku tshama ka yona hi masiku ni masiku.
2 U yendle misava ni tiko+Na tintshava ti nga se va kona,U Xikwembu hi masiku ni masiku.*+
3 U yendla swaku munhu a tlhelela ka wuthulu;U li: “Tlhelelani n’wina vanhu.”+
4 Hikusa ka wena 1.000 wa malembe ma fana ni siku la tolo,+Ma fana ni maworanyana ya niwusiku.
5 U va kukulile;+ va fana ni wurhongo;Nimixo va fana ni byanyi leli milaka.+
6 Nimixo la mila li tlhela li hluka,Kambe nimadlambu la vuna, li gama li woma.+
7 Hikusa ku kwata ka wena ku hi helisile+Hi chavisiwe hi ku kwata ka wena.
8 Wa swi tiva swihoxo swa hina;+Swihundla swa hina swi voneka hinkwaswu phambheni ka wena.+
9 Masiku ya hina ma hela* hi mhaka ya ku kwata ka wena;Malembe ya hina ma hela ku fana ni ku hefemula.
10 Hi hanya 70 wa malembe,Kumbe 80+ loko munhu wa kona a tiyile.*
Kambe ma tale hi swikarhatu ni mahlomulu;Ma hundza hi ku hantlisa, hi gama hi nyamalala.*+
11 I mani lweyi a nga twisisaka matimba ya ku kwata ka wena?
Ku kwata ka wena i kukulu ku fana ni ndlela leyi u faneleke u chaviwa hi yona.+
12 Hi djondzise ku konta masiku ya hina+Swaku hi ta va ni mbilu ya ku tlhariha.
13 Yehovha+ Xikwembu xa mina, vuya! Kasi leswi swi ta hela siku muni?+
Va twele wusiwana vatirheli va wena.+
14 Hi tsakise hi lirhandzu+ la wena nimixo,Swaku hi ta huwelela hi ku tsaka,+ masiku ya hina hinkwawu.
15 Yendla swaku hi tsaka hi ku ya hi masiku lawa u nga hi xanisa hi wona,+Hi ku ya hi numeru ya malembe lawa hi nga vona mahlomulu.+
16 Vatirheli va wena a va vone ntirho wa wena,Ni vana va vona a va vone ku phatima ka wena.+
17 Yehovha Xikwembu a a hi kombe timpsalu;Katekisa mintirho ya mavoko ya hina.
Ina, katekisa mintirho ya mavoko ya hina.+
Tinhlamunselu ta le hansi
^ Kumbexana: “ndhawu ya hina ya ku tumbela”.
^ Kumbe: “ku sukela ka nkama lowu kalaka wu nga heli ku ya ka nkama lowu kalaka wu nga heli.”
^ Kumbe: “Wutomi la hina la hela”.
^ Kumbe: “hi mhaka ya matimba ya ku hlawuleka.”
^ Kumbe: “haha.”
