Tipisalema 98:1-9
-
Yehovha i Muponisi ni Muyavanyisi wamunene
-
Yehovha a yendle swaku ku ponisa ka yena ku tiviwa (2, 3)
-
Pisalema.
98 Yimbelelelani Yehovha lisimu la nyuwani,+Hikusa a yendle minchumu ya ku hlamalisa.+
Voko la yena la xinene, xiyandla xa yena xa ku kwetsima xi ponisile.*+
2 Yehovha a yendle swaku ku ponisa ka yena ku tiviwa;+A kombe matiko leswaku a lulamile.+
3 A khumbuke xitshembiso xa yena xa leswaku a ta mu komba swaku wa mu rhandza Israyele ni ku tshembeka ka yena.+
Misava hinkwayu yi vone ndlela leyi Xikwembu xa hina xi ponisaka hi yona.*+
4 Belani Yehovha minkulungwani, n’wina misava hinkwayu.
Tsakani, mi ba minkulungwani mi yimbelela mi mu dzunisa.+
5 Yimbelelelani Yehovha tinsimu hi haripa,Hi haripa ni hi tinsimu ta ku tsakisa.
6 Hi timhalamhala* ni ku chayiwa ka limhondzo,+Banani minkulungwani phambheni ka Hosi, Yehovha.
7 Lwandle ni hinkwaswu leswi nga ka lona a swi dume,Misava ni lava tshamaka ka yona.
8 Minambu a yi be mavoko;Tintshava a ti huwelele hi ku tsaka+
9 Phambheni ka Yehovha, hikusa wa ta* a ta yavanyisa misava.
A ta yavanyisa misava hi ku lulama+Ni vanhu hi ndlela yayinene.+
Tinhlamunselu ta le hansi
^ Kumbe: “xi yendle swaku a hlula.”
^ Kumbe: “ku hlula ka Xikwembu xa hina.”
^ Ku nga minchumu ya ku hambiwa hi timhondzo kumbe tinsimbi, yi chaya ku fananyana ni vhuvhuzela.
^ Kumbe: “a tile”.