Vagalatiya 1:1-24
1 Mina mupostolo Pawulo lweyi a mi tsalelaka, a ni rhumiwanga hi munhu kumbe ku vekiwa hi munhu, kambe ni vekiwe hi Yesu Kreste+ ni Xikwembu Papayi wa hina,+ lexi nga pfuxa Yesu ka lava nga fa.
2 Mina ni vamakwerhu hinkwavu lava nga na mina, ha mi tsalela n’wina vamakwerhu mi nga ka mabandla ya le Galatiya:
3 Timpsalu tatikulu ni ku rhula leswi taka hi ka Xikwembu Papayi wa hina ni le ka Hosi Yesu Kreste a swi ve na n’wina.
4 A nyikele wutomi la yena hi mhaka ya swidjoho swa hina+ leswaku a hi kutsula ka misava leyi ya ku biha.+ A yendle leswo hikusa hi leswi Xikwembu Papayi wa hina a xi swi lava.+
5 Xikwembu a xi dzunisiwe hi masiku ni masiku. Amen.
6 Ma ni hlamalisa hileswi mi hantlaka mi hambuka* ka Lweyi a nga mi vitana hi timpsalu tatikulu ta Kreste, kutani mi landzela mahungu man’wani ya ku tsakisa.+
7 Phela a ku na mahungu man’wani ya ku tsakisa, kambe ku ni van’wani lava mi dungaka tinhloko+ naswona va lavaka ku djikisa mahungu ya ku tsakisa hi Kreste.
8 Loko mun’we ka hina kumbe ntsumi ya le tilweni, o tshuka a mi chumayela swa ku fana ni mahungu ya ku tsakisa na ku nga li lawa hina hi nga mi chumayela wona, a a rhukiwi.
9 Ku fana ni leswi se hi nga mi byela, ni swoswi ni tlhela ni phindha ni ku: Lweyi a chumayelaka swa ku fana ni mahungu ya ku tsakisa na ku nga li lawa mi nga ma yamukela, a a rhukiwi.
10 Kasi no zama ku kholwisa vanhu kumbe Xikwembu ke? Kumbe no zama ku tsakisa vanhu ke? Loko ku li leswaku na ha zama ku tsakisa vanhu a ni nga ta va mutirheli wa Kreste.
11 Hikusa ni lava mi swi tiva vamakwerhu, swaku mahungu ya ku tsakisa lawa ni nga mi chumayela a ma ti hi ka vanhu;+
12 hikusa a ni ma kumanga ka munhu, kumbe ku djondzisiwa hi munhu kambe i Yesu Kreste a nga ni komba wona.
13 Mi swi twile leswi a ni hanyisa swona khale na na ha li ka wukhongeli la Vayuda,+ leswaku a ni tshamela ku xanisa bandla la Xikwembu hi ndlela ya mona leswaku ni li helisa.+
14 A ni pala ni vanhu va ku tala va ntanga ya mina hi ndlela leyi a ni gandzela hi yona ka wukhongeli la Xiyuda, hikusa a ni swi hisekela hintamu swihena swa vapapayi va mina.+
15 Kambe loko Xikwembu lexi nga yendla leswaku ni psaliwa, xi ni vitana hi timpsalu ta xona tatikulu,+ xi swi vone swi li swinene
16 ku kombisa N’wana wa xona hi ku tirhisa mina leswaku ni chumayela mahungu ya ku tsakisa hi ta yena ka matiko;+ a ni tsutsumelanga ku ya vutisa munhu,
17 naswona a ni yanga Yerusalema ka lava a va li vapostolo na mina ni nga se va yena, kambe ni ye Arabiya ni gama ni tlhelela Damaxka.+
18 Loko se ku hundze malembe manharhu, ni ye Yerusalema+ swaku ni ya pfuxela Khefasi;*+ ni tshame na yena 15 wa masiku.
19 Kambe a ni zanga ni va vona vapostolo lavan’wani, ni yo vona Yakobe+ makwavu wa Hosi ntsena.
20 Se loko swi ta ka timhaka leti ni mi tsalelaka tona, na mi tiyisekisa phambheni ka Xikwembu swaku a ni hembi.
21 Se ni game ni ya ka matiko ya Siriya ni Kilikiya.+
22 Kambe vadjondzisiwa va Kreste lava nga ka mabandla ya le Yudiya a va nge se tshama va ni vona.
23 A va tshamela ku twa swaku: “Munhu lweyi a a lava ku helisa wukhongeli la hina naswona a nga tshama a hi xanisa,+ swoswi se a chumayela mahungu ya ku tsakisa.”+
24 Se va sungula ku dzunisa Xikwembu hi mhaka ya mina.
