Vagalatiya 2:1-21
2 Loko se ku hundze 14 wa malembe ni tlhele ni ya Yerusalema na ni na Barnaba+ na Tito.+
2 Ni yile hikusa ni kombiwe swaku ni fanele ni ya. Ni fike ni va byela mahungu ya ku tsakisa lawa ni ma chumayelaka ka matiko. Kambe ni yendle leswo ntsena ka vamakwerhu lava hloniphiwaka swinene, leswaku ni ta tiyiseka swaku ntirho lowu a ni wu yendla ni lowu ni nga wu yendla a wu nga li wa mahala.
3 Hambi Tito+ lweyi a a li na mina, a nga sindzisiwanga ku tsema nsuvu*+ hambileswi a a li Mugriki.
4 Kambe mhaka leyi yi pfuke hi mhaka ya vamakwerhu va mavunhwa lava nga nghena hi ku ngungumela,+ va nghene hi wukanganyisi ku fana ni vakambeli leswaku va ta kambela* nchunseko wa hina+ lowu hi tikhorisaka hi wona hileswi hi nga vadjondzisiwa va Kreste Yesu, swaku va hi yendla swikarawa;+
5 kambe a hi va yingiselanga,+ hambi swa nkamanyana,* leswaku mi ta tshama na mi tiyile ka ntiyiso wa mahungu ya ku tsakisa.
6 Kambe vamakwerhu lava a va voneka ingaku i va lisima+ naswona va hlonipheka swinene, a va ni djondzisanga nchumu xa nyuwani. A ni na mhaka leswaku a va li yini ku sunguleni, hikusa Xikwembu a xi na xikheto.
7 Se nkama va nga vona swaku ni nyikiwe ntirho wa ku ya chumayela mahungu ya ku tsakisa ka lava kalaka va nga tsemanga nsuvu,+ ku fana ni leswi Pedru a nga nyikiwa ku ya chumayela ka lava nga tsema nsuvu,
8 (hikusa lweyi a nga nyika Pedru matimba ya ku va mupostolo ka lava nga tsema nsuvu, na mina a ni nyikile matimba ya ku va mupostolo ka vamatiko)+
9 ni nkama Yakobe+ na Khefasi* na Yohani, lava a va voniwa va li mapilari,* va nga vona timpsalu tatikulu leti ni nga kombiwa tona,+ va hi khome voko mina na Barnaba+ ku kombisa swaku va pfumelelana na swona swaku hi ya ka vamatiko, vona va ya ka lava nga tsema nsuvu.
10 Ntsena va hi kombele leswaku hi khumbuka swisiwana, naswona ni lava ku swi yendla leswo hi mbilu hinkwayu.+
11 Kambe nkama Khefasi*+ a nga ta Antiyokiya,+ ni mu kawukile hikusa a a yendla swa ku huma ndleleni.
12 Hikusa na ku nge se fika vavanuna van’wani lava nga rhumiwa hi Yakobe+ a a dla ni vanhu vamatiko;+ kambe loko va fika, a tshike ku dla na vona kutani a ya tshama tlhelweni hi ku chava va ntlawa wa lava nga tsema nsuvu.+
13 Vayuda lavan’wani hinkwavu na vona va tipatse na yena ka wukanganyisi leli, lakakuva hambi Barnaba va mu xengile swaku a nyima na vona ka wukanganyisi la vona.
14 Kambe loko ni vona swaku leswi a va swi yendla a swi nga fambelani ni ntiyiso wa mahungu ya ku tsakisa,+ ni byele Khefasi* phambheni ka vona hinkwavu ni ku: “Loko wena, hambileswi u nga Muyuda, u hanya ku fana ni vanhu vamatiko ku nga li leswi Vayuda va hanyisaka xiswona, hi mhaka muni u lava swaku vanhu vamatiko va hanyisa xileswi Vayuda va hanyisaka xiswona ke?”+
15 Hina hi Vayuda naswona a hi fani ni vanhu vamatiko lava nga vadjohi.
16 Ha swi tiva swaku a nga kona lweyi Xikwembu xi nga ta vulaka swaku a lulamile hileswi a landzelaka nawu, kambe hi mhaka ya lipfumelo+ ntsena ka Yesu Kreste.+ Kutani hi ni lipfumelo ka Kreste Yesu, leswaku hi ta vuliwa va ku lulama hi mhaka ya lipfumelo ka Kreste, ku nga li hi ku landzela nawu, hikusa a nga kona lweyi a nga ta vuliwa wa ku lulama hi ku landzela nawu.+
17 Se loko na hina hi voniwa na hi li vadjohi hi ku lava ku vuliwa va ku lulama hi mhaka ya Kreste, swi vula leswaku Kreste a hi yendla hi djoha? Nikatsongo!
18 Loko ni tlhela ni yaka minchumu leyi ni nga tshama ni yi hahlula, ni kombisa swaku a ni wu yingisi nawu.
19 Ni file hi mhaka ya nawu.+ Kutani ni hanyela Xikwembu.
20 Ni gongondzeliwe mhandzini na Kreste.+ A ka ha li mina ni hanyaka+ kambe i Kreste a hanyaka naswona a twananaka na mina. Vhela wutomi leli ni li hanyaka swoswi ni li hanya hi lipfumelo ka N’wana wa Xikwembu,+ lweyi a nga ni rhandza a tlhela a tinyikela hi mhaka ya mina.+
21 A ni ti yali timpsalu tatikulu ta Xikwembu,+ hikusa loko ku lulama ku ta hi ka nawu, Kreste a fe mahala.+
Tinhlamunselu ta le hansi
^ Kumbe: “ku hamba circuncisão”.
^ Kumbe: “ringa”.
^ Hi Xigriki: “wora”.
^ Naswona a vitaniwaka swaku i Pedru.
^ Kumbe: “tinsika”.
^ Naswona a vitaniwaka swaku i Pedru.
^ Naswona a vitaniwaka swaku i Pedru.
