Vaheberu 11:1-40
11 Lipfumelo i ku tshemba loku tiyeke ka leswaku leswi nga nyimeliwa swi ta yendleka,+ i wumboni la ku tiya la leswaku leswi hi kalaka hi nga swi voni swi kona hikakunene.
2 Naswona hi mhaka ya leswi vanhu va khale* a va ni lipfumelo la ku tshamisa leswo, Xikwembu xi va kombile swaku xa tsaka hi vona.
3 Hi lipfumelo, ha swi twisisa swaku swilo leswi nga tilweni ni lani misaveni swi tumbuluxiwe hi rito la Xikwembu, lakakuva Xikwembu xi tirhise swilo leswi hi kalaka hi nga swi voni swaku xi yendla swilo leswi hi swi vonaka.
4 Hi lipfumelo, Abele a nyikele gandzelo la lisima swinene ka Xikwembu ku tlula la Khayini.+ Hi mhaka ya lipfumelo lolelo, ku nyikeliwe wumboni la leswaku a lulamile, hikusa Xikwembu xi yamukele* tinyiko ta yena+ naswona hambileswi a nga fa, wa ha vulavula+ hi mhaka ya lipfumelo la yena.
5 Hi lipfumelo, Enoki+ a rhurhisiwile leswaku a nga fi hi ndlela ya ku toloveleka; kutani a nga ha kumiwanga hi munhu hikusa Xikwembu xi mu rhurhisile;+ na a nge se rhurhisiwa a ve ni wumboni* la leswaku a xi tsakise kahle Xikwembu.
6 Kutani a swi koteki ku xi tsakisa kahle Xikwembu loko u nga na lipfumelo, hikusa lweyi a tshinelaka ka Xikwembu a fanele a kholwa swaku xi kona ni leswaku hi xona xi hakelaka lava xi lavaka hi mbilu hinkwayu.+
7 Hi lipfumelo, Nowa+ a nkama a nga byeliwa swilo leswi a swi ta yendleka hambi swi nge se voniwa,+ a xi yingisile* Xikwembu kutani a yaka ngalava+ leswaku ku ta ponisiwa ndjangu wa yena. A yavanyise misava+ hi mhaka ya lipfumelo la yena, kutani a vuliwa wa ku lulama hi mhaka ya lona.
8 Hi lipfumelo, loko Abrahamu+ a vitaniwa a yingisile kutani a ya ka ndhawu leyi a a ta nyikiwa yona swaku yi va tshomba; a fambile hambileswi a a nga swi tivi swaku a ya kwini.+
9 Hi lipfumelo, a tshame ka tiko la xitshembiso ingaku o va ka tiko lin’wani;+ a a tshama ka matende+ na Izaki na Yakobe, lava a va ta dla tshomba la xitshembiso xolexo na yena.+
10 Hikusa a a nyimela doropa leli nga ni masungulo* ya ku tiya, leli nga yendliwa li tlhela li yakiwa hi Xikwembu.+
11 Hi lipfumelo, Sara na yena a kume nyimba,* hambileswi se a a hundzile ka malembe ya ku psala* n’wana,+ hikusa a a mu tshemba Lweyi a nga yendla xitshembiso.
12 Kutani ka munhu mun’we lweyi a swo fana ni loko se a file,+ ku psaliwe vana+ va vanyingi va ku fana ni tinyeleti ta tilo, lava kalaka va nga konteki ku fana ni misava ya lwandle.+
13 Vanhu lava, va fe na va ni lipfumelo hambileswi va kalaka va nga ku vonanga ku hetiseka ka switshembiso.+ Kambe va swi vone na swa ha li kule,+ va swi yamukela kutani va vula swaku a va li vanhu va ku ta hi ka tiko lin’wani naswona a va to tshama nkamanyana atikweni.
14 Hikusa lava vulavulisaka xileswo, va swi kombisa kahle swaku va yi lava hi mbilu hinkwayu ndhawu ya vona vinyi.
15 Kambe loko a vo tshamela ku khumbuka lomu a va ta hi kona,+ a va ta va va kume ndlela ya ku tlhela.
16 Kambe swoswi va lavetela ndhawu ya ku yampsa, leyi nga ya le tilweni. Kutani Xikwembu a xi dani hi vona hileswi xi vitaniwaka Xikwembu xa vona,+ naswona se xi va lunghiselele ni doropa.+
17 Hi lipfumelo, nkama Abrahamu a nga ringiwa+ a ku sale katsongo swaku a nyikela Izaki; munhu lweyi a nga yamukela switshembiso hi ku tsaka a zame ku nyikela n’wana wa yena wa mun’we,+
18 hambileswi Xikwembu xi nga mu byela swaku: “Vana* va wena va ta huma ka Izaki.”+
19 Kambe a a swi tiva swaku Xikwembu a xi ta swi kota ku mu pfuxa ka vafi, naswona hi ndlela ya ku fanekisela a mu yamukelile ka lava nga fa.+
20 Hi lipfumelo, na yena Izaki a katekise Yakobe+ na Esawu+ a va byela swilo leswi a swi ta yendleka ka nkama lowu taka.
21 Hi lipfumelo, nkama Yakobe a a li kusuhi ni ku fa,+ a katekise vana va Yosefa+ kutani a khongela na a khigetele ka nhonga ya yena.+
22 Hi lipfumelo, nkama Yosefa a a li kusuhi ni ku fa, a vulavule hi ku huma ka Vayisrayele aGibita naswona a va byele swaku va nga ma siyi marhambu ya yena.+
23 Hi lipfumelo, loko Moxe a psaliwile, vapsali va yena va mu fihlile ku ringana tiwheti tinharhu,+ hikusa a va swi vona swaku n’wana a a sasekile+ naswona a va wu chavanga nawu wa hosi.+
24 Hi lipfumelo, nkama Moxe a nga kula,+ a yale ku vitaniwa n’wana wa N’wa-Faru.*+
25 A lange ku hlupheka ni vanhu va Xikwembu ku tlula ku tikhorisa hi xidjoho swa nkamanyana,
26 hikusa a a swi vona ku li tshomba lalikulu ku rhuketeliwa hi mhaka ya Kreste ku tlula tshomba la le Gibita. A a wu nyimele swinene nkateko lowu a a ta wu kuma.
27 Hi lipfumelo a suke Gibita,+ na a nga chavi ku kwata ka hosi,+ hikusa a tame a tiyisela swiyimu swa ku tika na a nga heli mbilu ingaku o vona Lweyi a kalaka a nga voneki.+
28 Hi lipfumelo a yendle Paxkwa a tlhela a n’wan’wasela ngati ka maaru ya swipfalu, leswaku ntsumi ya Xikwembu yi nga dlayi vana va vona va matevula.+
29 Hi lipfumelo, va tsemakanye Lwandle la Ku Pshuka ku fana ni loko va famba ka misava ya ku woma+ kambe loko Vagibita va zama ku yendla leswo va mintiwe hi mati.+
30 Hi lipfumelo, Vayisrayele va rhendzeleke 7 wa masiku+ ka makhumbi ya Yeriko, ma gama ma wa.
31 Hi lipfumelo, Rahabi wa nghwavani a nga helisiwanga xikan’we ni lava kalaka va nga yingisanga Xikwembu, hikusa a yamukele vakambeli hi ku rhula.+
32 Ni nga ha ku yini swin’wani? Hikusa ni nga heleliwa hi nkama loko no tama ni vulavula hi ta Gidiyoni,+ Baraki,+ Samsoni,+ Yefta,+ Davhida,+ Samuwele+ ni vaprofeta lavan’wani.
33 Hi lipfumelo, va hlule mimfumu,+ va nyime ni swilo swa ku lulama, va kume switshembiso leswi taka hi ka Xikwembu,+ va pfale minomu ya tinghonyama,+
34 va time matimba ya ndzilu,+ va pone ku dlayiwa hi xipada,+ va ve ni matimba hambileswi a va hele ntamu,+ va ve ni matimba nyimpini,+ va hlongole masonchwa lawa a ma hlasela tiko la vona.+
35 Vavasati va yamukele maxaka ya vona lama nga pfuxiwa ku feni+ kambe vanhu van’wani va xanisiwile hikusa va yale ku chunsiwa hi nkutsulu, leswaku va ta kuma ku pfuxiwa ka ku yampsa.
36 Vhela van’wani va ringiwe hi ku poyiliwa ni ku biwa; phela va yendliwe ni swa ku tlula leswo, va bohiwe ni hi machini+ va tlhela va pfaleliwa djele.+
37 Va biwe hi maribye,+ va ringiwile, va sahiwile hi le xikarhi, va dlayiwe hi xipada,+ va fambafambe na va yambale swikhumba swa tinyempfu ni swa timbuti,+ va pfumalile, va va ka nhlomulu+ ni le ku hluphiweni;+
38 naswona misava a yi nga va faneli. Va pepetseke mananga ni le tintshaveni naswona va tshame ka mimhakwa*+ ni ka mintxele.
39 Phela hinkwavu lava, hambileswi ku nga vulavuliwa kahle hi lipfumelo la vona, a va ku vonanga ku hetiseka ka leswi nga tshembisiwa,
40 leswaku va nga yendliwi va ku hetiseka* na hi nga li kona, hikusa Xikwembu a xi tinyimisele ku hi nyika swilo swa ku yampsa.+
Tinhlamunselu ta le hansi
^ Kumbe: “vavhovho va hina”.
^ Kumbe: “xi nyikele wufakazi hi ku yamukela”.
^ Kumbe: “a kombiwile”.
^ Kumbe: “a xi chavile”.
^ Kumbe: “fundação la”.
^ Kumbe: “a yamukele matimba ya ku kuma n’wana”.
^ Kumbe: “veleka”.
^ Hi Xigriki: “Mbewu”.
^ Kumbe: “n’wana wa xisati wa Faru.”
^ Ku nga mimbhovo leyi kumekaka ka tintshava kumbe ka maribye.
^ Kumbe: “helela”.
